¹ ''Yigemi yigem yui rami antudu antudu emi bu itavino. Yigemi Kotika ana yimakukum oko, sepim wa yimakukum oko. ² Setifoen amapai nesuyam rumumi beya mapim magemi, afo minugai semi ami sirei siyimima soge uyigeke, semi yeveyege mamaku marum uwaratege siremi yiyimemi. ³ Afo semi yewayege yigenti ma maku marum uwaratege, yige yima uwantagei senao yigemi yema yiviganai senapa owanakone. ⁴ Yigemi ami bunami amonagane.'' ⁵ Tomasimi jisasimi mani siremi ami sasamemi, ''Anonao semi, emi bewana ayimi seyui amone inte bu yugafunave, Seyu iteni'ureyara mini ayim amonateyare? ⁶ Jisasimi mani siremi ami sasami duka, ''Semi amuno, fuga waya, mana waita mano seti foe wapa buvitemifo sepa yerabemi inaemi seti foe wapa binon maino. ⁷ Afo yigemi semi simonakane, setifoe wai amona nagomino. Makemi yigemi bemi amone inte evei amonanago.'' ⁸ Filipimi Jisasimi sasamemi, '' Anonao, sigateno eyifoemi, sigatinai mini manomi semi amakagi usikano. ⁹ Jisasimi bemi sasamemi, Filipio, semi enapa iyanurami waunami semi busimona geve? Iyewafi semi simona ganayimi emi seti foemi amona nami. Iteni ugaya mini waya seveve,' Eya foemi senu yigateno'? migimi setifo emi amonaga. ¹⁰ Afo ewa emi amakuku eveve seti foepimi waunami seti foemi sepim wamino? Semi yiyimuna wayami sesi eragake busewau, afo seti foe sepimi bemi mini yoganti maremi. ¹¹ Yigemi yimam kukum ogo semi seti foepimi waunami, afo seti foemi bemi sepimi wa, afo mini buyu kanami sekawa amami kukumi ogo yoganti semo mare waunaya yanti. ¹² Fuga, fuga, sirei semi yigemi siyimege, iyewafe sekao amam kukum itemi anona yoganti maranai semi inarufa seti foe wapa uroteke. ¹³ Naye anene yarafi se tivipimi sinta itemi, semi fami uwaranu minu ranami seti foemi ano avi marana nine. ¹⁴ Afo emi senanti mana anene yanti se tivipim sinta itemi, semi emi ameteu. ¹⁵ Fuga, fuga, sirei semi yigemi siyimege, iyewafe sekao amam kukum itemi anona yoganti maranai semi inarufa seti foe wapa uroteke. ¹⁶ Naye anene yarafi se tivipimi sinta itemi, semi fami uwaranu minu ranami seti foemi ano avi marana nine. ¹⁷ Afo emi senanti mana anene yanti se tivipim sinta itemi, semi emi ameteu. ¹⁸ Semi yigemi amaka imi yirana faiwanakone; Semi owayege ewanafa yeteke. ¹⁹ Ke foa nurami mana magaga waita anasimi busimo nanayo, minugam mifo yigemi semi simo nanago naemi.Semi afo inaem saum maranami, afo ewai aum mara nonami. ²⁰ Afo mini nurami gigemi amone intanago semi seti foe rewau, yigemi sepimi wanago, afo semi yigepimi wateuno. ²¹ Iyewafi seti tenia siyagam waya rafisitemi bemi senanti ayeve mino, afo iyewafi senanti ayitemi seti foem wa ayi temino, sewa bemi ayevei sesi awu,awa agateteke. . ²² Judasimi Jisasi, nanti ma minisiga, ''Anonao, emi naiyawa eyi awu'awa seno yigate vemi enomi ifadeveve?'' ²³ Jisasimi mani siremi ami yewa yegemi sasamemi, ''Afo iyewafi semi siyitemi ,bemi setami rafisitemino. Seti foemi bemwa ayinami, seyu bepimi yerabeya benapai ma uwarate yare. ²⁴ Iyewafi semi bu siyitemi seta bu rafisin temi. Waya sunai intewami setawaye setifoe semi sisikai yege. ²⁵ Afo semi mamini anene yigemi siyimeke, semi yigenapa bei ma miniyu yiyimege. ²⁶ Iteniure, yofaim waita Aiyo-aga setifoe setivipim sakanami bemi masidem anene aga'tevemi semi sirukauna wayami sasamima soke itemi. ²⁷ Emi ara farunapa arege; semi seti sira faru emi ameke. mana maga mano emi wamitene. Eyamafom danam bu antudu antudu iyevewa, bu fegano. ²⁸ Yikemi ai mini waya sunami ai intarukane, ' Semi ami bege, afo semi owayekei yige wapa yetege. 'Afo yigemi semi siyitei, yigemi amoyinagone semi seti foe wapai wotege, seti foemi bemi semi ananiuremi bemi anonayi ukemi. ²⁹ Mini anene bu fawarugai yigemi ma mini wayami yigemi ai yiyimi'dukau, afo naemi fawarinai yigemi yimakukum inakone. ³⁰ Enapai iyaki ami isetege, mana magaga rafikam yinom waita magemi yemi. Bemi eram burukami sefo semi manta magafim buratemi. ³¹ Ma minukai mana magafim wayi inte'amone eye semi seti foemi ayege, afo bemi seti foe sikai beni yogam marege. Afo yigemi mana makumi rayara mentapa urofano.''