¹ Dafisim watayu, yogam wata atekem, avogu- anene yime. Intamara ewa anona inarufa- dukanam. ² Augam mukitim yunam aventa'o, kekeurewa sususintim. ³ Manafimua yugam muko senugantawa, Goti baga onta diyitem, Kraisini yogaranti sitem. Miniyanti semi seni kuruka. ⁴ Augam muki- naga sima-amao, semi seteu. ⁵ Avogu intitina ami no, mapa wayipimi, kanami mare kumino. ⁶ E'amana e'amano ara faru nampaga bi. Eanam sole nampa bayega, mininami emi intano naye anona waya maya-maya samitewafo. ⁷ Senanto sewa omeneyu, Taikikusi sina intama sokeino. Bemi siyiyam afa- awami, fuga yogam watami, sigona fa yogam wata anonafim. ⁸ Mini yanti ewanafa sasake'u, senuti umaranti intago yanti, bemi yigen yira manta akeinoyan ti. ⁹ Onesimasi nampa manafimi yiyike'u, atekem siyigam yogan wata. Gigepike manawayimi maside anene fawarugam sima amaurem- managa fawari anene. ¹⁰ Aritakus, setigona kuyim wata, amo uyike, Makiwai, Banabasi (afomi iyemo baya marana yim, e wanonaga yinami, avigano) ¹¹ Jisasi, mana avi i Jastus. Mademi yiranta kagayi seti mana yogam wata, Gotini avogu maguyanti. Mini yui semi avogu sibigari uga. ¹² Epara avoguge siyikemi. Bemi yigepike mana wayimi Kraisini yogam wata. Yigen nanti augam mukitim yikewayi. Mininami itama akeure, masidem Gotini Ayinti. ¹³ Sima-amaure sasamenu era yogari enanti ewa, Laodisia wayi, Herapolisi wayi. ¹⁴ Luku, siyigagra ewa'uno ya Demas avoguge siyikemo. ¹⁵ Laodisia ba afa-awa avoguge siyika, nim-pawa, mono ma'i beamapim ba inimi. ¹⁶ Mana afaunto siyenyiwanapa yantaote'i, Laodisia mono mapim waga yanta, Laodisia ke afautavaga yanta. ¹⁷ Akipusim sasame, yoganto anonampike mantukana anona, amakagi inonam. ¹⁸ Mana simoyi bayami sesiyapike Polu. Seti kuginti intika magago. Amo anene yigepim bano.