¹ Polu Jisasini yoyain waita, Gotim ayika, Timoti sesuti afa-awa. ² Gotipa ateka inim, waita ateka afa-awa- Jisasi avipim Kolosi wasiwau, arafaru yigen nampa watem Goti senu sifoeni arafaru. ³ Gotim sususakafa, Jisasi afoe, yigenbai sugam muku yikewasiwau. ⁴ Yigenti yimakuku nanti inteya. Jisasi avipim ayiaka anta dukana, maside Gotini ateka-inim waita. ⁵ Mini ayiaka anta inarufa aveugem bemi mini awogu anta intaruka fuga waya, mono waya. ⁶ Iteyi ekayenafi. Mini bayami, inta bayami, madem maga-maga darevem. Epim ninewamim intagana nurakake, Gotini ava-awai fuga bayafim. ⁷ Minimi Gotini bayami mantuka nami Eparasi- pake, seyuyu sigigara uga yoyam waita Jisasini ateka yogam waita. ⁸ Eparasi sisimem em avogu ayiakanti, awamupimi. ⁹ Mini avogu antayanta intaruka fauna gake sugam mukinti Ifabu areya mofau. Sugam mukeya, avogu intiri ano ituvina, maside beni avogu intiru nampa awamu-ano- intinampa. ¹⁰ Minina, atekanani antafim nowe-ono. Anowa maside anenefim agiakatem. Yogam yoduka, awogu agam iratem Gotini avogu inte-inte nampa. ¹¹ Avogu, ake iranampa, Goti maside anona eranti yiminai itama irauge made umanti maranago, umaru kipamai, yimoyimago. ¹² Eya-fo'e susu saka, emi ofauraya avogu, avogu anene yu marano emo sasakaruka yantagu. Goti wata, anasi nampa maranago. Beni akumo omo kiwa antafim bayi. Gimo inago. ¹³ Senuya savi antafike sibiruka, kumayu pike, beyaga'ano. ¹⁴ Bepimi avogu waru, kumantiru, kumi ara anta- yu. ¹⁵ Bemi aupa bam Goti avu-ava, ana agai maside anene yuyi. ¹⁶ Bepimi maside aneneyu fawarem, inarufawa mana magagawa, amonewa anene wa bu amo hewa aneneyu. Made eraru nampa, kamaniyu anona- nani yogaru. Maside anene be uware beyitami. ¹⁷ Beyagai masiden anene yui anariuga, bepimi masiden aneneyu manafi fagaka. ¹⁸ Bemi watayu, yinomi, mono manampa. Bemi agoyaranti, fubugayi anaragai, masiden ane-ane yirurem anari uga. ¹⁹ Goti amoyu akaka, maside bem avogu- ane-ne bepim banani. ²⁰ Masiden ane-ne mano bekai siguno sinayo. Avogu banti Goti beni narefim keka yaga uga. Goti masidem siguno si anta bepim duka, magaga wan anene wafi- inaruga van anene. ²¹ Mana nurami neka bage'e'o, ititim beni namugo bage'e'o. Savi-sava antayu uware'e'o. ²² Beyi aunako aui bayeduka fugintike, mini anta uwaram emi atede wanoyanta, mana-mana bayayu, atedeya bafanu. ²³ Avogu bantim ba'ante bewami awogu banti fawaritem, intarukana wayafike emi neka bubano, mini bayami em sasameyo- maside wata, inim inaru amenapa. Mini baya, semi Polu, yogam wata be'u. ²⁴ Mage simoyewau, enanto su igawa igawa e'eguna yanti. Su sivisio Jisasi avipim mare'eguna, bumaranu. Minimi mono ma'i. ²⁵ Mini mono maka'i semi yogam watami, yoganti Goti simiruke enati, Gotini waya manta akeira. ²⁶ Mi ano ane-nemi feyapa aupa bage'emi magemi Gotini ateka inim, wata yantimanta fawaruga. ²⁷ Yekai Gotimi manta fawarina awoyu waru. Avogu intiru, enafa ini-awa, mini Goti gigepim bemi, awogu bantanoni amoginti. ²⁸ Bemi sima fawareya fegam baya masidem ateka wanampa, maside manta Gotipim- fawaro fanu. ²⁹ Mini yanti semi eran yogari ugau, beni eranti yogari emi erantimi.