¹ Ugami,Soli yemo eram baya Kotini yogam waita yu yiruma fugira sewayi,bemi bemi yinom waita amonemi. ² Afo intaemi fasi agantem eyo uranam masidem Koti awakure wam damaskasi wayi,yibigem jerusalemi yemi. ³ Afo bemi bemi,damaskasi adeka yimi,ameurem mana omano era kari emi inarufake kumemi,bemi yakuemi. ⁴ Magafim dufambem mana aranti intemi mani semi sol,sol,naugaya semi manta savi eveve? ⁵ Soli mani semi,emi iyeve?emi Anona ve a? Anona mano semi,semi,Jisasive, iyemo semo manta savi usi kewano ? ⁶ Itave tauni fim ofega, afo naye mo inona sasami nayo. ⁷ Wata uy'o iyemo Soli nampa boyimi mana baya bu semo mana aranti inteve mofo mana waita bu amonemo. ⁸ Soli magafike itavem augam aumapemi mana yanta bu amonemi,minugam ayan togemi damaskasi kumemo. ⁹ Kamore wayawaka augam bu amonem,yunam bu nemi,nomwa bu nemi. ¹⁰ Mana yogam waita damaskasi wage'em,ben avi'i Anannias,afoAnona mano kaika'i sasammemi,Ananias''afo bami semi Anona'o manafa waunave''. ¹¹ Afo Anonamano manisirem sasamem,''itave''kumu akafa atekapage sewa ayipa,Judasi amapimi mana wataya inta emi avi'i soli ,bemi augam mukevem bami. ¹² Mana kaimi bemi amonaruka, minurem mana waita ben avi Ananiasi upevem ayam anoka dananmi, afo bemi augam magatem. ¹³ Ugamifo,Ananiasi waya wayede semi,Anona mano,semi itauna nesu waita anasi yu mini waita yanti,anona savi uruka eni atekam wata anasi yu Jerusalemi. ¹⁴ Anona waita yu pake eyo waya mantemi kareyodem fakaruka arato en avipim ugayimi. ¹⁵ Ugamifo Anona mano sasamemi semi,bono,nayeyara semi ai bemi ugaduku seti yogam waita yi ino yanti,setivi marem ena aku waita anasi wapa'i,kini yu wa Isiraeli iyaoru pa'i. ¹⁶ Minina'i bemi agatenu madem madem umanti maranani setivika'i. ¹⁷ Minimi Ananiasi minifa bemi,naupa upegemi beyayami anoka magemi'',semi,'' afa awa sol,anona Jisasi,iyemo akafamo faka fawariyi,mana fa'o yewanam,bemi sisikai ekai yege augami amona no yanti,evemi ayo aga epimi itugano. ¹⁸ Ame urem noya akago yi uga yanta'i sol auga pike fafasemi,bemi yeradem augam amonem,itavem mono nom fegemi. ¹⁹ Yunam nevem eranti maremi,yogam waita yu nampa damaskasi mana'a nuram wage'em. ²⁰ Mini ame ama uremi jisasi avi'i juda yuyi mono mapim,afo bemi semi bemi Koti aga'i. ²¹ Masidem wata anasi iyem intayi antururem semi,Bemi mini waita mano anona avi'i dewami manta savi navi e'eni yimi jerusajemi,managa yera wem fakemi yinom waita wapa be'eni yimi. ²² Ugami sol mi anona era uremi gotini waya yiyimemi damaskasi wam judayu'i anona yira umanti dama akemo bemo Koti afimi sevemi jisasi bemi kraisimi. ²³ Amuna nuram yakagami Judayu,u waya antauremi arira semo. ²⁴ Minugami Soli bemi ai intaruka naye waya mose antaomi maside wayawam ba ayufum wa antauga ariranti dafisemo. ²⁵ Minugami bemi yogam waitayui avidem mana unapim akarem eami magafim kumemi kugu naupake binoyanti ayufupimi. ²⁶ Afo amaka bemi Jerusalemi oravemi,yoga waita,yu nampa oma duwantu irantemi, ugamifo masireyu ben ago fegemo,bemi yimakuku bu ua kemo bemo mana yogam waita yi imi. ²⁷ Ugami Banabasi abigemi yoga waitayu wapa kumemi,manisiremi yiyimemi,Soli mi Anona mano akafami amonami benampa asiga,Soli wai Kotini waya siranti bu fegemi Damaskasi jisasi avipimi. ²⁸ Bemi yenampa duwantu emi, jerusalemi yeravemi bemo.Afo bemi bu fegemi, ka uremi sima fawaremi jisasini avi'i. ²⁹ Aruvi wayami juda yu nampa yemi grisike yigayi nampa siga, ugami bemi ariranti emo. ³⁰ Amak afa awa mini yanti intemi abigemi kumemo Sisiria afo sasakami Tarsusi bemi. ³¹ Amaka mini anene fawarimi, Juda mono kewu, Galili,Samaria yuwa yira faru mante eram mantuka, Anona mano ago fegantim bemo ayo aga ano avogu uyikemo nesu waita anasimi yira wayegemo. ³² Mini kanafim wai Pitamo maside magufim yogam nowemi kumemi yima kukum wata anasi yu yimonem Lida magufim wayi. ³³ Mini ayapa'i mana waita afakemi,ben avi'i Ainias,beyi sagoka rugem bemi,8''tia'' kirisimasi ga'i naye yarafi masidem beaumi fubu gami. ³⁴ Afo Pitami sasamemi,Ainias Jisasi Kraisi asofa'a kemi. Emi itave eyi bawi anene manta atega,ameurem itavem. ³⁵ Minimi masidem wata anasi Lida nampa Saroni mini waita amonemo,yu'i wayede yemo anona wapa. ³⁶ Afo Jopa'i mana yogam waita,ben avi'i Tabita,(mini avi anoni anta manugem Dokas''Griki wayafike) .Mini inimano itubuga maside abogu anta yupim, afo bemi masiden anene bu duka wata ansi awa awa uyikewa. ³⁷ Afo mini kanafim ai anene mantemi fugimi nomi dua kare ben aumi yanafa wam rumufim magemo. ³⁸ Lida'i jopa adeka'i wami yogam waita yu intami Pitami minifa wami.Minugami kam waita yiyikami maro intaemi semi,uyaure yeno seyuya wafau nafai. ³⁹ Minugam,Pita itavem yenampa bemi.Omanti fawarubimi,avigemi yam wam rumu fi uremo maside inom yenyi wafu fubugayi ben adeka bemi ifidagemo beni saketi nampa unam wado agatemo Dokasimo yenampa vemo agurukam. ⁴⁰ Pitami masideyu yiyikami rumu fike mapa kumemo,afo bemi agon yaumi akaremi augam mukemi, naemi wayebemi semi Tabita itavu.afo bemi augami magemi, afo Pita mo amonevemi itavemi kumantemi. ⁴¹ Pitami ayami dami kuma dauyem uremi naemi masidem yima kuku wata anasi nampa yiwafu fubugam inininam yimemi. ⁴² Mini wayamano anonayi em madepa'i Jopai nesu waita anasimi Koti ka yimakuku emo. ⁴³ Afo Pitami ayaka'i Jopa Saimoni re wage'emi bemi waiwam arantaga unam wado yu'i uwarewayi.