¹ Anom watamano yinta'em manisem,mini yantagu i fugawafi? ² Sitiveni yiyimem manisem,sifatiwa nampa sifo'e yu,yagagam setaga dago,Kotini eran sagaranene senu sifoe Abrahamika fawarugam mini nuram Mesapotemia magufim waka naemi Harani owage enuga, ³ Koti manisirem sasamem, ''eyi maga nom wa eyi akumi yera rewa mana magu agatenu nafa bono. ⁴ Kaladia maga yerarem Harani oma wage em,me'e minifa owami naemi ben afo'e fubuga, magemi sigemo wam magafimi yigane. ⁵ Goti bemi ara maga bu amene,bumi,afo miniwai ai magananinimi enafa buwane.Minugamifo,beremi wafa kaga wami uwantukane,Abrahami iyaonti burukamifo,Koti mini maga aminanimi Abrahami nampa benaga anawasi inta. ⁶ Kotimi benampa manisiremi sasamika,benaga anawasim me,e enafa wanayo mana,a nuraka afo mini fake watanasimi yemi manta yenti kagabom uyikaremi afo amaka yemi manta 400 tia krismasifimi manta savi uyikateye. ⁷ Ugamifo semi ko'i siyikatege mini magu mano mo Isiraeli yu'o kagabom yogan yimewayimi,'Koti mini sirem semi, 'na'emi yemi yeravemi semi mono waya sisikateye mini mamguga'i'. ⁸ Naemi Koti yu wunam akefam yoganti Abrahami amemi benampa agapaga,minugami Abrahamimi Aisakini afoeyi emi afo Aisakini aumi akefaruka 8 ti nuramanoka.Afo Aisakimi Jekopi nafoe yi imi afo Jekopimi manta 12fia anom waitayu yifoeyi ene. ⁹ Minugami,mi anom watayu i yirakarami Josepimi manta rami Isipi bene, ugamifo Kotimi benampa waga,ene ¹⁰ afo maden umantimi bemi ofa e,ene.Josepimi ayigara urem bemi avogu intiru amiduka Fero ben augauka,bemi Isipi kimi afo bemi Josepimi manta Isipi yuyi anom yogam waitayu uwakemi afo madem Feroni akunampa rafisinani. ¹¹ Magemi mana anon antaro fawaremi masidem ayapa Isipi wa Keneni, afo anon savi wanti fawaremi,minugami senutifoe unami yunam afakaranti ananuganti akureye. ¹² Ugami mini nuramiJekopimi intami Isipi i yunami wami, senutifoe unami yiyikama rami yunam marara Isipi a'nam binti buga. ¹³ Yenti naem bikai senutifoe unami yunanu marara bokai, Josepi bemi benanao manta bemi fakagi emi beyafa awa yugauka ba afo Fero wai yimonene Josepini afa awayui. ¹⁴ Josepimi benawa'e unam yiyikemi yerade bega setifoe maro sasamina Jekopimi Isipi yino, me,e beni akun nampa, afo yemi madepa 75fia akumi. ¹⁵ Mi,nimi afo Jekopimi Isipi kumene, benampa senutifoe unami fugeye. ¹⁶ Jekopini fuka aubbunam nampa benagafanta yuwai maremi Sekemi matipim maro mage ye me,e Abrahamimo silva moninakomo ayaurukami Hamor aga anomi Sekemi waita. ¹⁷ Minugami mini kaga waya sigami mare fawarira adekagi imi, mini kaga wayami Kotimi Abrahami nampa urukami, Israili watanasi yui manta nesugi uremi fawareye Isipi,i, ¹⁸ Bewami mana kini fawaruvemi Isipi dafisemi,mini kini manomi Josepimi bu amone inte ugane. ¹⁹ Mini kini mano senunti wata anasi munai siremi afo yifoe unananti yigenti sito iya'orui manta faga magako yemi fa buwako yare. ²⁰ Mini nurakai Mosesi fawarugane, Kotin aukakai anon abogu uvimi afo bemi manta kamore biyon aupemi benafo'e nampa ina rafiduda. ²¹ Manta mapa rami, Fero araumano mantem dafisewami anoni uvem benaga ugani em. ²² Mosesi siguru siremi Isipiyu wam intin amaka anon yakagara ugam intim mantaremi afo bemose asim nampa mararu marami anon erari uga. ²³ Wa'antem bemi 40tia krismasiyakami,ben ara itavimi be afa'awa yimonarantemi,Israeli yu. ²⁴ Amonami mana Israeli waita mano,Isipi waita mano ayaka savi mara imi Israili anomi ofauremi mini Isipi waita aruma fuduka. ²⁵ Mosesi intami ben afa'awa omare intateye me,e Koti benayapike yeradem yiviganimi, minugamifo yemi amone inte buyugane. ²⁶ Mini nuramanon inaem, Israili yu wapa oravemi yimonami yeyiranti asuveve wami afo bemi mana yiraka manta yikarantemi afo yemi yiyimemi,' watayugo, sigemi sige itayawa unamono, naugaga sigenao sigeyaranti savievega bege?' ²⁷ Ugami mini waitamano umanti ben afa awa amidukayi,Mosesimi avekama neka demi semi, 'iye emi sasamena senuti rafisiri eva kowaitayi ono sigayave? ²⁸ Emi nurami Isipi waita arona urewa semi sirumara fugi rare?' ²⁹ Mosesi mini waya intarem yerarem uyavemi bemi Midia watayi maro ene, minifa ovemi kariaom afoeyi uga. ³⁰ 40tia krisimasi yakagavim,mana ankero ano bewaka ye fawarem me,e wata buwan anufim Sanai mana ya antafimi iga yanta gene. ³¹ miniga Mosesi iga autim amona remi, mini anene amonarem antu afo rem, minugami adeka oravemi amonaraimi, mana wayamanomi anona manoni avuntike fawaremi afo mini semi, ³² Semi enafoeni Kotive afo Abrahami Aisaki ya Jekopini Kotive. 'Mosesi mini waya intaremi,bemi anom fegari uremi afo bemi enawa bu amonari ene. ³³ Anona manom Mosesi mini sirem sasamemi, sendori aifike iyumarano, nayeyare, emi itagana maguve, mini magami atekene. ³⁴ Semi amonege seti wata anasiyi umanti me,e Isipio wayi,semi yenti ifi intarei afo semi kumei yewayegei kun yivigatege, magemi emi yeno,semi emi sasakanami emi Isipi binonane. ³⁵ Mini Mosesimo yemi yinen amidukayi, mini nuramo yemo bekao sigam, iye emi rafisitaba ateganta ba ono sigene? Mini Mosesi manave, Mini Koti sasakama rafisiri uwakemi afo yewa yegem Isipi yuyi kuyintikem yiviganti.Kotimi ankero ayapimi sasakama remi iyemo mini upumi Mosesi waka fawarugam. ³⁶ Mosesi Isipike yivima fasa demi, mini anepai nesu yanta manta fawarumagemi mini nampa mana anta me'e Isipi fawarimi afo me'e buno mano awanapa wa, me,e wata buwam ka'mapa me,e 40tia krismasi aupem. ³⁷ Mini Mosesimi Israeli yu yiyimem mani siruka,Gotimi mana kasanampa waita sigen yifa yiwa yiwanapikem manta itarami sekanaga itene. ³⁸ Mini waitami iyemo ankero anomo me,e wata bu wam ka,mapa bemi- bemi amonarentami me,e Sinai,i ankero ano waya sasamiduka.Mini watami iyemo senu sifo'e unanampa wage enim, afo mini waitamanomi aumi maram waya mantemi senuyami siminanimi. ³⁹ Mini watamose senuya sifo'eunam beni waya bu intarantemo anemi ugayi, afo bemi avekama neka demi yerade intama me,e Isipi'i deye. ⁴⁰ Mini nurami Aronimi mi'ni siremi sasameye, 'mana kotimi uwarano iyemo senuyami yivigemi a'nanta binanimi. Nayeyare, mini Mosesimi senuyami yivigemi Isipi magafikemi fasa yigayimi, seyuya amone inte buyeyane naye anta bepimi fawarimi.' ⁴¹ Minugami mana sito aga burimaka yanta uwantagemi afo yemi aneneyu mantare mare revemi mini yantaka amoyuga,nayeyare, mini yantai yenyinako uwantukane. ⁴² Ugamifo,Kotimi anenuma yimidemi afo yemi yirami inaru ofuyuka mono waya seye me,e kasanampa waitayuyi yaufimi sigaka. Sigemi Isrsaili wata nasio, 'amaka sigemi me,e aneneyuo simewane afa aneneyuga arurega simvege me,e kama'pakem 40tia krismasifimi? ⁴³ Yigemi mana yirakaga bega Molekini mono seri ma'wa afo mini koti Refanini ofu nampa anene amanukaga mono waya sege, minugami afo semi yigemi yivige,i me,e Babilonwa yakarei enafa maro yiratege. ⁴⁴ Senutifoe unami kamapai mono seri ma,i rukage'eye, me,e Mosesikao Kotimi eram waya sasakarukaka, minurem uwarano mini amama'a amonarukani uremi. ⁴⁵ Mana mini seri ma,i senutifoe unami yentitayi urem mare yigami, mini nampa maremi Josua nampa Kenani upeka.Senutifoe unam yugaka, masidem anene mini akunuyinta Koti yenti magufike yiyi fasa rukam, bemi senutifoe unami yimidemi manta yentitayi uyikem, mini seri mono ma anomi senutifoe unami nampa wamaremi bevemi Devitika buga. ⁴⁶ Kotini ayinti afaka remi, afo Kotimi inta inami amaka mana magumi afaka akanami Jekopini Koti wananimi. ⁴⁷ Ugamifo,Solomonimi bemi iyemo Kotini ama uvantu kayimi . ⁴⁸ Ugamimifo anonami bemi yanafa Koti ugane afo bemi wata yu yiyanako uwatamagam mapimi buwayive, kasampa waita yu sigaka, ⁴⁹ Anona mano siga, inarumi seti kini kaga'i afo mana magami setimi kampama rewuna maguve. Iteyiom maga seti ma'i uwaratege? afo semi item magu ayapaga saumi maratege?' ⁵⁰ Setiyamano masidem mini aneneyu'i bu uwantukene? ⁵¹ Yigemi wayayui dada inimwaita yuke,afo yigemi sigen yirakage ba yagagakem wa sigen yumi buakefamino,sikemi dami awamu anomi beyi yoganti bumaremino,'mini anta sikemi omi,mini anta me'e sigen yifo'e unami me'e wafa uwantuka antayi omino. ⁵² Item kasanampa warukeye? Yigen yifo'e unami a'nanta yigam kasasanampa waitayui yiruma fuduka yen yinepa'i atekam waita yinanimi, minugami sigewa'i mi'ni waitayi uwe'i wata yui manta namugo yuyiyapim deve'i afo sigewa'i manta bemba'i aruma fugi nagomi. ⁵³ Sigewa'i lomi a'i mantukane ankero anomi fawarumagami ugamifo sigemi mini lomi bu fakama ake buyuruka.'' ⁵⁴ Afo mini nurami yiwum waita yuanomi mini wayayu itami,mini wayayuanomi yen yira akanurami afo yemi Stivenini arami keye. ⁵⁵ Ugami Sitiveni aiyo agapim ituvem amona egemi mente inarufa demi afo Kotini saganti amonene, afo bemi amonami Jisasimi Kotin ayan ugapa'i itagem wami amonama ruka. ⁵⁶ ''Sitiveni semi, amonago, semi amonau nami inaru onta diyimi afo wata Aga amonewunami Kotin ayan ugapa itarem wa.'' ⁵⁷ Mini yiwum waitayuanomi yagagam atide eram aram waya nampa mademi yiramagemi Stiveni wapa beye. ⁵⁸ Yemi dirifamanti Stivenimi anom magumanoni mapa demi afo omi benage itafewami afo watanasiyui bemi amonewami, yenti iyon sotayu'i me,e mana fumara waitamanoni aifimi deye,bemi Solive. ⁵⁹ Miniga Stivenim omo itafuakewami, bemi arama anonawapa demi afo mini sene, ''Anona Jisaio, seti saumi marano.'' ⁶⁰ Bemi ago yaumi dadaremi afo anonaga waduremi semi, ''Anonao, yenti umanti bu fakayikano''miniga minisiremi, bemi fugene.