¹ Pentikosi kana yimi masidem yemo ruwatuewa naupa ye' ruwantu uga. ² Sadagem Inarufake aranampa anona susuwa yemi, yemow kumanture wam mapimi yema itukara emi. ³ Amonewami iga amafiranta mana mana wayi yinoka kumantemi. ⁴ Yepimi aiyo aga ano itubimi yemi ena bayafake ami siga . ⁵ Magemi masiden Judayu'o Jerusalemi wami, mono waitayu nampa masidem magufakem waitayu'o made ayapa mana inaru amenapa'o wane. ⁶ Mini waya intare amuna watanasi yema uyuge be'mi ani ana'eve nesu intiri emono, nayeyara maside minifim ba'yi yeya fake mana waya semono. ⁷ Yemi maside yintudure se'mi fugave mana waitayu'i Galili bayafake manawa seveyaone? ^{9 8} Naugana yana seyuya yenya ita teyane, senuya maside sesafa'kemana senu ma'duka? W 9 Pantia, Midia,Elami, wam waitayu nampa Mesapotamia, Judia, kapadosia, Pontias, nampa Esia wayi. ¹⁰ Frigia Pamfilia, Isipi nomagafake amonama Libiawa, Sairini nampa mana'a Romike auwem waitayu yiga. ¹¹ Judayu nampa Proseltis, Kriti, nampa Arabia senuya intafuna senu safake anona yoganti Koti mantukane siga. ¹² Anon amoyure yeyara se bugeyige ure se, Minimi nayeve sigene? ¹³ Mana'a kasi baya yiyikare semi auwem bia nomi narukane. ¹⁴ Pitami ilewenia waitayu nampa itavemi, arawoka uren semi, "Yige Judia waitayu nampa Jerusalemi wayi, siyimenaga sa'dage intago naye anenemo fawarimi. ¹⁵ Mana waitayu'i bia non nare sipaki buyewane, e'sina, mage ugami 9 kiloki ugemino. ¹⁶ Nayemo kasnampa waitayu Joelipim wafa sirukaka fa'warem. ¹⁷ Koti sem arafagi ina semi ayo aga'i ma'de yuga ba'yiranu . Yigen yigafanta nampa yigenti asika agagu setami sitemono. Fumara agagu kai'imi amonewam, anoka waitayu anowa kaimi amonate. ¹⁸ Mini nurami seti yogam waita nampa yogar ini ka seti aiyo aga yimi'dana seta site. ¹⁹ Ena ana aneneyu inarufa fa'warina maga aupem mi nare nampa iga nampa anon imumi uritem. ²⁰ Anona yinani nurami afaumano ayufukanami biyomano nareyi intemi mini nurami ena uga kanami yintemi ²¹ Maside setivi da're mono waya sewayi awogu ure watemo. ²² Yige Israel inim waita mana bayawa intago ,Nasareti kena Jisasimo yigenampa waganaote ,Gotimi manta fakademi, bemi sasakam kuka, bemi kuntavemi be'ayapimi Kotimi eran yogan nampa mirakoli mantuka sigen yiwanapa, sigenao intaga. ²³ Kotimi mini waitami senu tiyapim duka, beyi intitim wafa waya kagaduremi minotege siga. Savi waitayu'i yemi aruma fudemi keka yaga nili uruka. ²⁴ Minugamifo Koti yerademi manta itaruka fugintike, bemi yeraram beyi aipim buwa, nayeyara fugintano bu fakaruka. ²⁵ Deviti benanti siruka, semi amonaunami anonami setorasika wa, setiya ugapa wa'i se semi yerare bu wote uno. ²⁶ Minuga'i se'tua ano soke gi' imi, setimafintano amoyewami, seti wantano inaemi awogu intem. ²⁷ Emi semi yera rana fukam waitayu nampa bu wanu, emi e'anami atekam waitayu anam bu gainani matmatipim. ²⁸ Emi mata fawarure sigateno fa'war ayimi , emi minure semi amoyinti itutikano e'yorasikake. ²⁹ Afa'awa semi atede eram baya sewa'u senu tina'u Deviti, bewa fugimi masifaruka, beni matmati'i mage senu nampa wa. ³⁰ Ugami bemi kasnampa waita bemi intami Koti agatire sasamemi semi mana nurami mana wayi beni magu mantem anona dafisiri item . ³¹ Bemi amonemi nayewafi ina'emo fawarinanimi Jisasini itabiranti, siga mati matipimi bubanam be au'yu'ano savi buitem . ³² Mini Jisasimo Koti manta itarukayimi ,masideyu inte amone uga . ³³ Ugami bemi manta yan'i uremi Koti ayan ugapa wa, bemi mantuka aiyo aga'i ben'afoe'pike, bemi ba'yirami amone inte ewana. ³⁴ Deviti inarufa iyuka ,bemi manisiremi siruka, Anonao semi seti Anonave, Kumantono siya ugapa. ³⁵ Semi minurana e'ni namugoyu ena'i amenapagi itye. ³⁶ Afo, e'anam masidem Israeli Koti amapim wam inim waita intare amonago Jisasi manta anonayi urem kraisi ne sire semi, Jisasimo keka yaga aruma fuduka. ³⁷ Mini baya intare yira umari ure sasamemo Pita nampa mana'a Kato waitayu, Sifa tiwa o na'oteyane? ³⁸ Pita yiyimemi, savi anta yerarega mana mana wayi, Jisasi avipim nom mantana kumi'i yirena a'iyo aga'i yimino. ³⁹ Wafa kagadure rukam baya yige nampa yigen yigafanta nampa iyemo neka wayi nampa amuna watanasi Kotimo i'naem ba yarananim. ⁴⁰ Nesu baya nako bemi sima amaure yemi yinta'ure, semi, "savi anta ewam akupim buwago". ⁴¹ I'naemi yemi bena mare intaremi nom feduka, aka enawa miniga tri tausenia inim waita yiga. ⁴² Yemi manafim ye ruwantu emo Kato waitayu siyimewayi nampa baya sire breti ki'dire yigau mukuruka. ⁴³ Fegantano maside yen yuka yemi, kato waitayu amuna anene uwantuka. ⁴⁴ Maside yimakuku ewam watanasi manafim uyuge wa. ⁴⁵ Yenti maside anene yu mante rayinte mana mana bayi yimiduka, yemo aye wa nanti. ⁴⁶ Mana mana wa'yawam ruwantu ure mana intika mono naupa bemono. Yenyi naupa breti ki'diruka, yemi yimoyeve sadage yuna awaremo awogu yira nampa. ⁴⁷ Koti avi yani omi, Maside yimonama anoni uruka, Maside nuram Anona enawa watanasi yividuka wafa'o wayi nampa.