¹ Mini yoganti Jerusalemi yimakuku watanasi yofainti, yima kuku watanasi yogago , mini otei yima kuku watanasi agan yikanu. ² Yigenti yaranti ai yimonagau ,manisirem Masedonia yiyimemi Akaia wata anasi yowa rewa i-i yekagemi yigenti yarantano anma`a manta itayika mini anene uwaremo. <sup>3</sup> Ai afa-awa yiyikau nayeyara watanasi munage sinayo, ewa yowaro, wafa`o sasamidukau nayi uram. ⁴ Masedonia ininawa yeyimona buyo warugami, senui sigaye inani - yige pimo sima kuku dukauna busiyimenu. ⁵ Minugai semo intaunami afa awa yuganto sewaunami ateka, yigepa yenuna ameurega yimi anene ugamakami atega . Mini nayeyara mini anene atemakega yirake yime. Bu yimira ewa seyu eram waya sefauna yimene. ⁶ Antami manugemi ; iye nesu anayum buyogevena , nesu yunam bu ufitem afo nesu yuna yogewa wata, nesu unafiteye. ⁷ E`anam mana mana ini awasi beya rakage intaremi. Bemi bu amino nayeyara aguna uremi amem eram waya simi. Kotimo amoyewe amewa watayu ayiyikewa. ⁸ Kotimi yigenti anene nesugi uyi kana ni minugafo made nuram , yigemi made anta rukanagomi , minimi yigemi mantarai nesu soke yogari inago. ⁹ Minimi wafa kasa nampa ewayi agantaka, "Beni soke anta mano wari wari uga. ¹⁰ "Iye anayum yoge wayi yime wene, iye yodena yuna manta fawarewene, ami na anayumi nesugi inana yogatene. Yigenti ateka anta mano ni yunami nesugi inani. ¹¹ Yigenti anene nesugi ina yigemi ami waita wanago. Miniyi Kotimi susu sakanani seyu yoge wafauna yoganti. ¹² Seyu yoge wafau na yoganti Jerusalemi wayimakuku ininawaga yofa iraye. Nesu yoganti manta fawarem Kotimi susu sakemi. ¹³ Nayeyare, mini yogantano yigemi yima kukum makadem amonem erarugenafi. Yigewa Kotimi anonavi aminago yigeyi anta fike mone yime yofae yima kuku ewa inim waita Jerusalemi wa nesu ininawa. ¹⁴ Yigenanti yuga mukewa, minimo ewami nayeyara Kotini awa awa yigeka wa. ¹⁵ Kotipa sususe beni anona awa awa ganti!