¹ Seti mana yawunuge, senu tuyanti Kotimi Ake waya sene. Senuti sumose saviewanani anenemi manta fafa deyara senu tumi manta awowo'ofane masidem amega sunampa spiritinampa seyu afakafane afekare ugananta yanti Kotini feganampa ² Senu siratupem manta awowo'ofane nayeyarafi seyui enomi umanti ba amidukafau. Enomi auavisi buame ya, enomi seyuya imaya ofauna anenevyanti manta ugagu buyugafau. ³ Semo mana sewaunami yigemi sima magafim burewau, Ai sirukau yigemi senu sirapim wayami seyuya masidemano manapa fuge ya manapa fawa'anteya wafanu. ⁴ Nayeyara semi anona umantim beubo yigemi anosimakukun supem oyikei fugasirei ano simusimi uyikei, naye yara sirafarunanomi anoniuremi itugai ⁵ Masidoniaose yefaunami senuti sunanomi agami bumareno. ugamifo, umanti maside ayipake mareyare naye yara maside umantano sunanomi mapake yeravemi feganti sire supem dene. ⁶ Ugamifo, erantose anasi watamose kumugara ugamose yimewa Gotimi beyi yogam waita sailasimi sakam senupa yemi eranti yerarakem mare uyikene. ⁷ Gotimi Taitusimi sakam yimi erantanawa siminoyara ye naye. taitusini yinti mare senui awogu anta bemose uakewananti yisimira yene. Bemi anom sigunanepa bemose inta akewananti yisimira yene miri yanti bemi anoniure amusimarene. ⁸ Semose afuntose aga yikaunamanomose yigantose yiminanimi sigunanene semu buyewauno ugamifo, siguno yisikewauno semose afunto aganta yikawamanomose yigemose yigunanenemose manta yiminati. Ugamifo, yaka yigemi yigunanene buyinagone. ⁹ Ugamifo semi magemi simusinai ewauno, Naye yara yigenti yigunanenemano yivigemi maro ranaga kumi antamano mi simafaka dega siguno sego yigemi awogu siguno senanti mana anene bu rane. ¹⁰ Ma miyio awogu sigunantanampa sigunanene manomi otimi mantemi watamanomi avigemi binami kumi antamanomi sima faka demi siguno sinani, inami wata mose yerarake kumi antafike yivigewa awuawa fawarinani ugamifo, mana magagake sigunanenewa antama nomi fuginti wata avigem maro aminani. ¹¹ Yigemi amonago naye anenewa awogu sigunanenemanowa sigunantamano yigen yupemi fawarenafi? Era intose yigem yupemose waose maside sayeke antamose sima faka deose amo nama anona anene yi buyewa. Yigemi ano inti intose ewami kumianoni munawaya yanti fegewar yigenti feganti ateka anta fawarino yanti ewa. Maside anene aupemi yigemi amonami umanti buwa. ¹² Semo yigepaose afunyose agaraunami. Kumi anta ewayi yivikaga agaregauye, yemose enoyuyi umantose mare wayikagaye. Nayeyara semo mana afunto aga raunami mana yigenti awogu antamose senu ewa anta mi Kotin augaka faka anonayi ino yare ¹³ Mini-yanti eram mareyamofu. Seyuya masidem mini eranti ruwantofa, seyuya anom simoyofane nayeyara Taitusini amusim aneneyati, nayerare yige masidemi beni au aga manta auweni'omi. ¹⁴ Afo semo yigeyi awoguganto Taitusim sasamide, semi sigaye i'yonu bemo yigewapa yina'i. Minugamifo, mana'uga masidem waya yigemo yiyimunami fugave. ¹⁵ Taitusini ayinti yigepa anonayi'emi, nayeyara bemi omarem intemi yigeyi a intam awu'awa, yigemo bemo anom fegam nampa runtum nampa avigananti. ¹⁶ Simoyewau nayeyara seti simakukum yigepa anonayi'emi.