¹ Seyuo benampa yoge veyami, yigemi Kotini awa awai fa,aneneve busego. ² Nayeyara Kotimi semi, semi mana gana uga makau, mini, kanagai semi yofa urukau watamo yewayege avige kanami, semi,ai yigemi yivi dukau amonago, magemi wata aviga nurami. ³ Seyu wata yanduaka ranta buru kafau, nayeyara senuti yoganti wata nasi sima savi buyo goyare. ⁴ Ugamifo maside anene uwa fafauna, mano sigatem seyu Koti yogam waita vesewa seyui nayeyara kotini yogam waita. Seyu maden nesu umanti, au,avisi, kokointi. ⁵ Senui sirure, kusikare, amuna waya soke bavinti buwa, saranti e,ya. ⁶ Soke anta aupem, wa intintim sadage waranto eno ayiranta Ayomano antafim. ⁷ Seyu Kotini yogam waita ofa fuga waya fimi, Kotini erantim ba seyu yami aruvi una bado rukeya siyan ugapawa siyanepawa. ⁸ Seyui anom sivi nampa yoge wafau ano sibi,i soke wa saviwaya mo sisikewami senuganti semi muna tewane sewa yemi senuganti sewane sewa, ugamifo seyu fuga antanampa yoge wafau. ⁹ Seyuya yoge wafauna mi busimonaruka yane sewafau fuma aga gaveya yoge wafau. ¹⁰ Seyuyya minureya yogaafuna; seyu ya anon Siguno aguka akum yogani ewafau, ugamifo yogantimi, seyu afo Minugami mada nuram amofim beya; seyuya minurea yagona anene burukam waita amaka yoge yamo faupo maden anene mi senu tintami. ¹¹ Seyu yigemi Korini yu ai fuga waya siyimi duka fau, senu sira ama ugem wa. ¹² Seuya yigem yirai bu makarofa,bu, be yige na.o yigen yira nampa inti nampa antauga. ¹³ Minugamifo ateka antafim iya oru nampa asi ama ure asewa yigemi yira riye goyare. ¹⁴ Yima kukum buye nayi nampa bu aga pago naye waya mano sena soke anta nampa savi anta nampa manafim yoge wanto senapa wane? ¹⁵ Iteyi ara sokega Koti aga ano beria gunampa duka tenafi wae?Naye soke anene wa yimakuku ewa wata nasi dukana yima kukum buye wayi nampa mana ugene wae? ¹⁶ Iteyiom mana araka waranta awanapim Koti namapa wa muna kotim ba wae?Seyui Kotinamai be ya saum dukafau Kotinama ka, semi yigewa napa bei yenampa nanu semi yenti Koti yi anomi yemi seti wata anasi yi inayo. ¹⁷ Minugafo, yigemi asavega yera yirago yepike kadega nepaga wago, anona mano semi yigemi bua teka anene bufakago, semi senao yara nuno ¹⁸ Semi yigen yifoeye onai yigemi seti wata anasiyi inagono anona made eran duka mini semi.