¹ Semi, poli, sena'o yigenanti eram baya se'u, sesu magafim de'i sadage kraisi nampa warare. Semi eram burugau yigenampa wanunami, afo semi yigemi yera yirei nega wotei eram magateu. ² Semi yigemi mani'sire yinta eu, amakaka semi yige nampa wanunami, senao sesi sima'kukukawa sesi eraka buwano. Semi itawunami semi itama ake'ugega enomi sima anepa wayami sagarei emi eyi aumanoni ayiga buwono setege. ³ Naye yara seyu yu'napa beveyare, seyu'ya aruwo'fanunami yu'mano arubinanini iyoteyare. ⁴ Mana aruvim anene seyu faka rukeya arube wafunami senu suma noninta'waye. Minugafo, ma mini aruvim aneneyu eranti rugemi mana maga aruremi anagaitemi. Yemi muna wayami sirepayami wata yivige sapa bewane siremi yisubuyi'gagane. ⁵ Seyu masidem itirui yanafa anonayi uremi Kotimi ben'avi anaka'ewami maregeya fasa dafano. Seyui amone inte amone eya mofu masidem intiruano kalabusi urami Jisasi a'mana intafane. ⁶ Afo seyu ya masidem kuminapa a'iyitar antayu manta atedeya kalabusiofa, afo seyu ami intama awogi'ureya fuga sireya waya intafa. ⁷ Amonama awogiogo naye anene yigem yorasipa wami. Afo mana waita mano ama kukum emi bemi kraisi'nata irare semi, minugafo be semi jisasi bege semifo seyuwa Jisasi'ninta beyare. ⁸ Ifadano se'sivi mare yanafa urewaunami yigenti eran napai, ma'e Anona'mano yigemi yofa'ogo siremi yimidukam eranti yige nao anakaomi, minugai siyu sigaye buyoteya. ⁹ Semi agante yigem yimuna afauntano yegemi feganti bu yimino. ¹⁰ Mana'a waita anasi ami yemi mani semi, ''Polini afaunti akeugemi eranti maka. Afo fuga'fuga bemi polimi eranti be'yaufimi burugami bena'mano senu bu yofa'emino.'' ¹¹ Ifada masidem waita anasi mani sire amone inte'ogo, senu, afum wayamano eranti yimidemi itama era'urega minifim wago semi. ¹² Seyui wata anasi bu iyantayi'kafa, ena akunanti sitoa wane busiyi'gafa:Yenao wata rayima rugemi, ben amo'amo uremi yemi wateka. ¹³ Seyu, iteni'oteyare, sesivi mareya yani buyofa. Atede, Koti yiminani oga,oga mareya wofa, mini omi yigemi amagaki,ino. ¹⁴ Seyu'ya afana' afana iranteya yifogewa. Seyu anari'eyami nega mareya Koti ami boteya. ¹⁵ Enoyi eram yogaka seyuya sesivi mare yam bu urofa. Minu gami, senuti imaya'mano yigenti yima'kukum manta erar uremi anoniuyi'gatemi, seyuya yogam mareya yigewapa wofanami maro anonayi'itemi. ¹⁶ Seyuya miniga sima kukum rukafu, minuga'yami se'yuya Kotin ami siyimeya yigemi yagageya ena awafawa woteya. Seyuya ano sivi bumarafa yoganto mareya ena awafa wofa nunayanti. ¹⁷ Afo iyewafi beyavi marem uritemi, Kotin avipim ano avi marano.'' ¹⁸ Naye'yara afo bena'owa ita'agenaye. Atedemi, Koti benanao mini yoganti amemi.