¹ Seyui yigemi afa awao ayewa faunave Gotini awa awai amone inte irare Masedonia mono kebumo yimidukam. ² Anona masintimi, umantimi ipimi anona amoyintiwa harantawa mademi fawaremi nesui avogu antayu yofainti yimemo. ³ Semi senanao amone inte fawaremi yentita nayeyarafi yemi mane,i enawa yimemo, yakagaremi amaka yimemo yenao yeyi ayika. ⁴ Mini nampa nesu intainampa yemi intai emo senukanti ayire maremi ara mono yoganti mare bogo amakuku Jerusalemi wata nasi. ⁵ Seyui biyinteyamu ma,mini anene fawarinanimi afo minugami yenao yemi anona mano wapai buga naemi yenaomi Gotipai yeyi ayikake yiga. ⁶ Minugami Taitusipa eraruremi ami sefane, iyewa ma,mini yoganti agoyantuka yofaurena awogu urena kiparuka ma,mini awogu antanampa moni yimidena yofauruka amam kuku Jerusalemi bata nasiyu. ⁷ Minugami yigemi enomi yigauka maside anenefim amam kukum, ayu sitim, intintim, marem erantim, senuo ayintim minugami yigemi buwa yaumi dago, awogu amiranta. ⁸ Semi busikaunave ma,mini mana akewayami minugamifo semi ma,mini waya sigaunave makasirsre yigenyi ayinti minugami fugawafiyo mana ugenafi minugan antami ena wata anasi ayinti iwafi. ⁹ Naugaga yigemi amona keke anonamano Jisas Kraisini awa awa bemi nesu anenemi rukemino, bemi burukam baitayanta bemi kusi bata yanta bayami seyui nesu anene dukafau, mini antamano inai yekemi nesu anene dukanagomi. ¹⁰ Minugai semi yigemi awogu intinti yimenami yigemi yofaitemi mana i iyao bugami, yigemi bumi agoyarewa aneneyu intimi bumino, yigemi fuga ayigara ewane yigeyi yiranampai mini anene intim. ¹¹ Mgemi yigem mana yoganti kiparago mana ugami yigemi magemi anona antaro wa arai itaviranta wafa uwantuka, yigemi amakai mana yoganti mare bei maro kiparana gomi. ¹² Mi,ninami yigemi anona antaro fimi yoganti maranago, mini mana awogu anene afo yigemi aminagomi, yigemi naye anene amirasi nayomi, yigemo rukanago miniwa ameno, imi anene buwa. ¹³ Mini yogantimi minuma enomi bumi umanti maratem yigemana umanti marago, afo minugami bemi mana uge masidem bata nasi. ¹⁴ Nesui awogu anene yigemi dukami yigemi yiminagomi naye anene mana,a bumakanoyomi nayeyarafi yemi nesui awogu anenemi duka, yiogemi buruka anenemi yimitemo, manayo kanagai awanapai yigenampai masidemi. ¹⁵ Bemi mana uga manemi madem bayayui Profetimano agantuka ma,mini baita mano nesu anene dukami naemi mana anene imakanani afo mini baita iyewafi bumo nesu anene makemi, intaemi bemi anene yanti bumi afayakanani. ¹⁶ Minugafo Gotimi susuve sakago, iyewa dane mini ayinti Taitusini arapimi, mana ugam ayinti semi yigepai dukauno. ¹⁷ Naugana bemi bumi senu tamana intari ukane, benao magano anona ayinti yige wapai yirantene beyi ayikake. ¹⁸ Seyui sasakeya mana afa awa iyawafi masiden mono kebu beavi,i yani ewa beni yogaka, bemi minuremi awogu waya sima fawarewa, Taitusi nampai yewa. ¹⁹ Bumi mini manami, masidemi mono kebu manomi uya makemo binayomi seyui mini yoganti mareya eya awogu antanampai yimefa, manami minimi ano avi anonamanoninta, ma,mini senuo sandewami yofairanti. ²⁰ Senui busiyewa bata nasi senui sinepa waya sego ma,mini yoganto marewa fauna. ²¹ Seyui rafima soke yana ateka antanampai ofano, emi anona mano benaoni augaka bumino, bata nasiyu yugaka. ²² Seyui ena afa awa sasakafuna Taitusi nampa seyui bemi maka ureya amona faunami nesuya wafa, seyuo afaka fauna bemi ma mini yogaranti andewa, magemi bemi ano handewa nayeyarafi bemi anona ama kukum yigepimi rukano. ²³ Taitusi, akapa baita mana yogam, semi wa yoga aka yikeyinta yekanti setifa awa kantoto, mono kebu yekanti Taitusi nampai bogo yekanti minurami bata nasi ano avi,i Kraisimi aminayo. ²⁴ Minugafo yigenyi ayinti yikatego, minuraya mono kebu yimonago yigekanti nayeyarafi seyui yigeyivi,i kantauyofa yigeyi awogu antayanti.