¹ Manamo yewanami Kamore yai yigewapai yuno, masidem wayamo ena waita mano sasaka temi kantano kamore mano amona gauno siya. ² Semo sirukau nami iyewafi wafao kumi ogoi wafawa naem ena kanafimo yuna kanura niure, minimo semo yenuna aneka, semi yemi aenami mini wata anasi mi faibe temono. ³ Semi yiyimerare wayami yekemi augami afake wane yotivigemi Kraisimi sepim yokai semi ami sewauno, bemi buwai eukana asintimi yegapa, afo bemi yigen yupemi akeure bano yige nampa. ⁴ Yemi bemi keka yagai antoi aruruka eranti iruka, afo bemi fgami uwae'em Kotini eraka. Seyubai eranti rukeyam Kraisina aupepim. ⁵ Dikaka uma sokeure amonago yigei agai yimakukum manopim navegafo buve, makade amonago yge yimakukum mi yigemi amone intevege Jisas Kraisimi yigen yupemi benanti ivenafi. ⁶ Semi yimakuku ewau nami yigemi amone intanagone seyuyami ai mani makasinti yesakaga. ⁷ Magemi sugami mukewa suwano Koti wapa yigemi enawa sayeke iogayan, semi imi mare namu nami sewauno ai makasintimi iyesakaga ne. ⁸ Seyuyami buwai buategan ontami ofano avogu antami ayofanu, afo osuwanu nafim avogu anta mano iwai ayofa. ⁹ Yigemi wamo akienago, seyuya wama avi otegafi, seyu yami aimo ofa, Maden nurami seyuyami Kotipai sugami mukeve, yigem eran yimakukum wata anasi fuga. ¹⁰ Semi afaunto agantu ganami nekai bei uno yige wakakem, afo yigem nampao wageitina, semi nesu wayami yigenati. sirarunomi no eranti Kotimo simemo Aposoli wano siga nanti, semi yigem yofaunai yigemi akeure bei yofaunai buwai (kumipi) budu mirirami ¹¹ Arafagi sitifa tiwaugane, yigemi amusipi na wago, yogega manta yewayege itrarago yekemo akeure erarure wanagona, mana araka eno nampa wano, ara yasi nampa wano, Kotimi yiyi garaemi ara yasiyime wayi bemarami yigen yupemi watene. ¹² Ami avogu urewai ena afa'awa nampai sevewa ategan ara yasi agianya. ¹³ Madem Kotipimo yima kukumo ewan wata anasi mana mana fao wayimi yigenti avogu waya wane. ¹⁴ Anona Jisas Kraisimi ara yasimi yimino yigene, Kotini ayinti bano yigen nampa.