¹ Semi Polimu, JIsas Krasitini mana yokam waitamupo afo Gotimi beyi ayika semi sividukane, Timoti bemi senu yifa yiwamino, bemi akantem Gotinin mono mapim korini yimemi, afo. Akaia makufimo yimakuku eve wana inim waitayu pim rami bukane. ² Senu yifoe Gotini ara farumano napa beni awawa'ano Jisas krasiti Anona mano yikenampa watemi. ³ Seyu amakai Goti avi yani'ote ya'mofuno, bemi senu sifoe Anona Jisas Krasitimino. Bemi maside awawa nampa awoku yira yimi Goti bemino. ⁴ Umanto senupi fawaremi Gotimi yira faruin ata mare yimitem, minugamifo seyuwa yira yimefano iyemano wafi umantano yaku'ukanane. Seyuwa enomo yira yimi anta ureyara wata anasimi manayo'ni'ureyare mae Gotimo seyu umanti wafunamo arao simi'rukani'ure yara enowa yira yimefano. ⁵ Anona auavisi napa umanti kraisi mantemi senu aya'uruka. Mimikami anonamanoni yira farumano kraisipike yemi. ⁶ Afo umanto seyu marafanami, bemi Goti'itayi'inami Goti beyi arafaru yikemi imidem yivikatemi, afo Gotimo yira farumo yimiru'kamifo miini yikenti yira' farumino. Yikento yira yimi awuawa antamano awoku yogam marai itama akeurei umanto seyu mantu'kafuna yiure mara'nako'mino. ⁷ Minureyami seyu anom sima'kuku eyamafu, mini nuram yikewa itama era'ureka mini umanti marake, Gotimi yira farumo senu yimewani urem yikewa yimitemino. ⁸ Nayeyara seyu yikemi mini amone inteoko'yare, sifa' tiwao ano umanto seyu Esiao maka'funa 'mino. Seyu ano umarukam marewa funave, minimi anom umaya'kamino amaka seyuwa buma'rafana'yiukane, minimi amu'nami'sefo seyui fa bu wateya'mofupo fukoteyare. ⁹ Minimano aupepimo, mae yasimo senu siruka nayemi fuko'teya'mofuno. Aifo senuti simakukum sesimuka senao bura'fano, afo seyuya senuti yimakukum Goti pimana rafano, mae fukim waitayuo itare wa Goti ve seno. ¹⁰ Savi yanta'ano yiruma fuki riewami Goti yeve'yekem yivikemi'no, afo mana yamuwa yewayekem senu yivikatemino. Seyuki sima kuku Goti'pimana reya'mofu naye yara bemi maside nuram yofa'itemino. ¹¹ Goti yeveyekem senuti yuka'mukinti intarem yivikatem. Naem amuna waita anasi susuve Gotimmi sakemo nayeyara beyi anona awawa senu yimidemi yofa'irantemi intewane, nayeyara amuna waita anasi senu senu yukam muku'uyikeveye. ¹² Sekanti mana anene yanti ano'simo yekamu, sekanti sirawa intiti amone inte'ukekare, sekanti ateka antanapa awoku anta wata anasi uyike kamunto. Sekanti awoku antafim beveka Gotini ateka awu'awap sekanti mana makafim wam waita anasiyi iyukakare. Sekanti anona ateka anta mana makamano intika'kaye Gotiini era pimino, afo Gotini awawa'ina. ¹³ Yikemo iyantare o intito buma rariukam wayami sekanti bu akareka munto. Semi inte amune euno. ¹⁴ Mana'a yamu semo akan'tauna waya amonare awoku inti mare wamino, afo semo wayamo akan'tu'kuna wayami yigemi iyantareka beni awoku marako'yare, afo Anona Jisasi kanakai sekanti yigenti yimomano anuki'otekare, minu'kamisefo afo yikemi sekanti amomano amiki'ina komino. ¹⁵ Nayeyara semi anona intiti rukei yikemi ameure yema yimoneu. ¹⁶ Masedonia birante'ote amiantaure mare yigem yimunare woteke. Naemo masedoniao yera ranteo'te, semi owayeke yikemi mare yimu naranai afo naemi yigemi semi sisikama Judia rana'komino. ¹⁷ Semisima kunami owayeke surara intei, yemi intami senati ave sara'evene sikamino? Semi mana makafikem waitayuki intiti wawa'kuro'ten ayu intiru anta'irante ote, afo semi Eyo, eyo A'ao manafi buseno'se? ¹⁸ Afo maside yamiu Goti beya'mana awakuri'temi, seyu manafim kam way Eyo A'ao, buse'fano. ¹⁹ Ma minimi Goti aka'ano ami, bemi Jisas kraisiwa, silvanusi, timotiwa semi ami sima yikem yiwanapa reka re mini Eyo Aao kraisi maside nurami eyomana site mino. ²⁰ Kraisi aupepim, maside kaga waya eyo mana seko, afo kraisipim seyu fuka waya'mana seve'yara Goti avi yani'ofano. ²¹ Goti samana yikewa seuya kraisipi eva uyikemi, afo senu beyi awafa uyadukane. ²² Bemi senu mana o'mi makemi yira yupepim spiriti mano mana'a awoku anene senu simi'naya amone inte ote ya'mofu. ²³ Afo semi Gotimi ararrunami yema semi inti simima na ye au'ayara semi korini bu kume'kafu. Semi nayeyara korini bu' kumekafu, nau'kakafi, semi yikem ano umanti buyi'menuno. ²⁴ Seyu yigemmi bu uyayi'kafano yige'kai. Minukafo seyu yikenti amoyim yogam mare yamofu, aifo yikenti eram yimakuku itawoko.