¹ Semi Pori Jisasini yogam waita Kotini aiyika seyu'ya sivigananim waita Jisasi. ² Timoti setiga ugam amakukupim, agunenefim ba awa awa nampa arafaru koti nampa Jisasi senuti Ano'na. ³ Mesadonia bonava mana yoganti marano. Efesis beva Eran baya sina ena mono baya yu yema busego. ⁴ Yen yufagu ya buyintago, mini anta yu yira mante itarana kotini yoganti bu ofa item, amakukumpim. ⁵ Mini baya manoni anta ma'nugemino, eno ayiranta nampa awogu inti nampa awogu inti nampa fuga amakukumi auwen arapikem fa'warino. ⁶ Mana'a inim waita awogu anta yerarem savi baya awakuremono. ⁷ Sisayi orange omifo mana anene buyintagemono. ⁸ A'i intagamino,mana waita mano lo awakurito mini awogu item. ⁹ Intaruka lo mi awogu waita yu yinta buvem,lo mose romu'de bu awakure wam waita yu yinta. Awogu anta bata'yuka bu uwarem kotini anta bu uwarewanu. Eyanofo nafi eno arewam waita yu lo mi yen yintami. ¹⁰ Savi monka anta ewam waita yu'yinta. Wata yu itave wata'yu marewanu yinta. Wata'yu itave enoni yogam waita umori ewanu yinta. Muna baya sevam waita yu nampa awogu baya sima savi ewam waita'yu yinta. ¹¹ Mini awogu bayami Koti simi'dem sem, mini yogam marano. ¹² Jisasi senuti ano'na susu siakege eranti simina beni yoganti maranu. ¹³ Wafa Kotimi kasi waya siake, watayu savi uyike, aruvinti yenampa mante itare. Magemi Kotini agunanene mare, nayeyara amakukupim bam anta aiyigara e'. ¹⁴ Kotini awa awa sepimi ituka, amakukupim ban anta nampa eno aiyiranta Jisasi aupem bem. ¹⁵ Mini bayami awogu baya. Iye mini baya mantem sem Jisasi mana magaga kuma fu'bem kumipikem seyu'a sividuka. Semi kumi waita yu'i kumi waita be'i maside kumi waita yakagare kumi eve. ¹⁶ Mini antaga agun anene mare'. Minuga'i semi a'nam waita beni arafaru yotivigem. Jisasi mante yigepim faroka waya ka'na yo'yividana watanasi bepim amakumkum dem bantana aum maranagom. ¹⁷ Maside nuram bananim kin (king), eni kipantava iwam, watanasi em ba bu amonagam. Eya'o mana Ano'a banam. Maside anon avi nampa eranti eninta mana. Fuga. ¹⁸ Mini bayami eka'i dege Timoti setiga, nayeyara wafa epimi bem. Mana avogu aruvunti aruvinonam, ¹⁹ amakukunampa awogu inti fakago. Mini a'nene ose a'nen amite savi inagom. ²⁰ Himeniusi nampa Aleksendra wananomi yimiduke savi baya u bumarakaro.