¹ Ne sosi iyata vaindi Soniva ha pahira rini ramva soko, Gaiusio, riara uta amaso ni mvovaqa mundusa vaiso. ² Ni tondi suqe vave, ne kotirara nunamu ti iyoko, vaaiqa hesana hinrainda ree hutirava suqemaso ovara sira, vaiqa rera vaqa suqema varirane. Ne vaa rapihoko, manraqunra i re suqema variaro. ³ Atta vasaa mvo taruvano nruma ni akenda, hisa ni timvami iyavo re suqe mase utaa kua mvia vataravave. ⁴ ne riokanda ni nraqinra vano utta kua vatavo iyavana mvia, ne mvoqa rokavave. Mvi mvoqa rarava hiva hinri hinraindarara ne mvoqa rona mvia vaqa satarevave. ⁵ Ni atta vasaa suqe vave, re suqe mase kua utta vai gaharara vatee, re suqe saiqa hutia atta vasaa mvosiasa Nronranra uttave iyasa sahoqa siaravave. Re mvi gaharara mvia he rapihiarasa hisa saa vaqa hutua ravave. ⁶ mvi indai atta vasaa mvo siasa nraase oraa timvamvi mvii siosiraqi rera suqe gahara hutia re hisa vura mvia nravave. Hisa mundusa vaiva mvovaqa neri hatarusa kuareve, re vaiqa suqema ena mvo vaqa hisa sahoqeranda naana hinrainda vaqa vare vina. Re iyo kotira nai mundusa vainema hisa sahoqane. ⁷ Hisa Yesusira saiqa hutuare vusato tinda hisa horo mvi saiqara hutua voo, hisa he mvo hinrainda mvo he Nronra nrandarari asiasa nrainindai varasave. ⁸ Tee vano hitta vaindi hisa sahoqare. Mvi gaharara mvi nondai tee hisa vaqa dinda gua saiqa vaindi vari Kotira kua utta vai saiqara sague amandare. ⁹ Ne vaa ramva soko mvosi kuara siosiqi varia nraase oraani. Diotrevesiva, mvia mundusa vaivavano mvia hiva hisa vuri varia nove, hiva he tii kua rie vave. ¹⁰ Hita siqe ne mvonrau nii nraini nrina mvia, ne vaiqa mvi gaharara hiva hutina mvia timva oqa siane. Hiva tiira hambi kua hambi kua tio, korasi kuara mvoqanra mvoqanra sina tine. hiva he mvi kuasa nrasuqa tiso. Aho. Hiva he atta vaasa hisa vito nai nrauqi vivave. Vaindi mvosa neria hisa vitee neri nrauqi kuare siavaho, hiva mvisa huvaikio, mvisa siosi indo vaqa raqi vave. ¹¹ Ni atta vaasa suqe vaho, re he korasi gaharara vatane. Ahoo. Re suqe gahara vatane. Vaindi mvo vano suqe gahara hutuariva, mvi vaindiva hiva Kotira nive. Vaindi mvo korasiari gaharara hutuariva, hiva he iyo Kotira akenove. ¹² Hesana vaindi vano Demitriusira suqe gahara timva oqa siasave. Kotira kua utta vaiva hiva vaqa mvia suqe gahara mvia timva oqa sine. Ne vaqa mvia suqe gahara mvia timva oqa sioko, re rapiyaro, tee kua iyokava hiva uttarave. ¹³ Ne iyo vaqara kua mvosina vaqa rini rariva vaisana vaqa, he ni mundusa vaiva vano ne gua pahi mviqi mvi kuasa hisa vaqa vatane. ¹⁴ He handara nrauma siqe ne vaiqa nruma ri ake tetatana kua iyarane. ¹⁵ Nronra vura tiroma vasirava ri vaqa vasiarive. Ri atta vaasa vano riara suqe hisararave iyavo, atta vaasa gua gua hisara iyane, nianra hiva ninanra vaqa suqe hisararave tiso.