¹ Habakuuko porofeeta kuaiva vareeravai. ² Udaanga Anutuuqo,naana neetu na ratee vari fai ani rikiee ni vara ravisinarannee. Na rapira buaruvoota aisi vinai fai hama a ni rikiaanara vai. ³ Dataama vaikiai a ni ii kiannanai na mmuaraiva taare viee idadiri mminna mminna maisaiva iikiaunoo, iinna na yama aataruuva maisama iikiaunoo. Itaama iinna na rapiraivaata buaaru tiraivaata iikiauvai. ⁴ Itaama vaikioo mmaanna kuaivoo hama yaaguee ama vaikioo kua rikiee raivoo hama hokobavai vaivai. Maisama mmoori iira aataruuvoonoo yoketaama iira mmoori aataruva rummua apivai. Itaama vaikioo kua rikiee raivakiaata unna kua tiraivoota vaivai." Udaanga Anuutuqo Habakuukata itaakua tiivai. ⁵ Mmuakia mmata iyauva duuyama kiee iya tee rikiaanee. Iya pinaama nnikiaraida kaayau voo tinni voo tinni yauvaa utuaanoo. Ii suai tuana ivau vainai a tee fai hamaa a kutaavee tinaravai. ⁶ Taanee. Na teerainnaa Babiroonaya tinai fai iyaa nnanna teeraiva tasipama nnida mmuakia yoosinna mmatai yauvaki yaaguee aqama nuaida nnau hama ngiari heekai yauvakidiri mmuakia mminnaiyau vaa vararavai. ⁷ Iya hama atauvau safuuma virama kiada ngiari iikiatai vau kuaanai iyara kaayauma aatu kiaavai. ⁸ Iya puara hoosaiya seeneraiya mmuakaraama pusiinnaiyaata faii mmararaiya heenaki nuairaiya roosi kiaavai. Itaama iida oora puara hoosaiya suai reera reeramarada ngieera yoosinnai pidiri nniravai. Iya nnuuvo ataama ngiaamma hemonnai voo ari kieetaiva mmataki yapa kioo ari fayai va nnaanara tiirayama nniravai. ⁹ Mmuakiaaya nnida mmuaara nnaasu iikiaravai. Kaayau tuana gaanga yoosinnai vaudi kufukufaiva yuunnaivoo utikioo viraiva roosima fai nnida kaayau kaayau nnukaiva roosiima, oovi nnaukira vitada kuaravai. ¹⁰ Itaama vitadaa iya kieeta kingaiyara raida kua maisa kiaavai. Iya yoosinna pinai yauvara kua maisa tida raikiaavai. ¹¹ Habakuko ari vookarai yapa raira kuavai Udaanga Anutuuqata kua tiivai. Tinoo fai yuunnaivoo akiai raama vioo tomeda ruaa vaidiiyata ngiari yaague aivara kiaanoo, inna ti anutuuqovee kiai yaata vioo yaataro kuanaravai. ¹² Udaanga Anutuuqo nnaarudirii annadi aata itaavai nnaasu variannanoo. Udaangao, ani Udaanga kuavee, Anutuuqo a safuuma yoketaama iiraikuavee, fai a hama titee pikianai ta putuaravai. Anutuuqo ani Udaanga kuavee. E ataama sikaukuavee ta aiki vida hatakuaunnavai. A Babiroonaya mmataama kiee iya yaaguee aiva iya mminai fai iya nnida ti maisai yauvaa irisai mmuaraivaa ti mmiaravai. ¹³ I avuu teeraivoo yama safuu tuanavai. Hama tuana amaisai atauva yama ausaivaki taanaravai. Ii mmooka hanigia immia iyaki yama ausaiya taanaravai. Suai maisa atauvo yama atauvaa varadikiai a tirooma tadadama variannavai. ¹⁴ A vaidiiya piisaiya sorovuarai vaki variaiva roosiima iimakiaannavai. Hama voovoonoo iya haitatuurataivai. ¹⁵ Piisa vareera yeena huukai vaadiri iya yaaguee ama utu raririima ari vaheevaa yapaivai . variaaroo iya too pinaama iya too sirigainnoo raivai, rainnoo aayanna tiivai . ¹⁶ Yeenna tapii mmooriva vaaroo ivakii hudai kioo yama suudaivoo oovi nnau vaki variaiyaki kuaivi. Ii vaahee ivaki itaama iikiaavoo kaayau mminnai yauvoo suvuaikiai ngiari anutuuva nnutuuva vararu utuaavai. ¹⁷ Fai ivoo ari vaaheevaki vai mminnai yauva varainnakioo yoosinna pinai yauvaki varia gioonna kiaapuuya hama boo tiratainaravai, mmuakiaaya ruputu taikanaravai.