¹ Udaanaga Anutuuqo Musiinnata kuaatioo tunoo, ² Tauraana kurangaiva suai tauraivau nuaanu karasaivau, fai sudaaqa kiaara seera nnauva heekanaravai. Inna nunaira seera nnauvovee. ³ Kua yeena raira pokisaiva ivaa aakiaivaki yapaanee, fai a buruqai vaadi kuaa yeena raira pokisaiva ututuuma kiaanee. ⁴ Fai a yapa nneera mmataiva varee aakiana yapaanee, demmatavau mminnai yauuva yapanaraivau kiaane. Fai a raamaiva yauva varee raamaivau yapaanee. ⁵ Yatari rana yama suuda viraiva hudeera yeena tapiiva varee ivaki yapaanee. Yaagueeqa kuaivoo vainno tinoo, kuaa yeena raira yapeera pokisaivoota seera nn au nunairaiva kieegiaiva bureuqai vaadi hiriane. ⁶ Yama suuda virana yeena tapiiva seera nnau nuunairaiva keegiaivau tauura yapakiaanee. Fai ivoono yama sudavaiva mminaravai. ⁷ Pinaa yapa nneera diisaiva seera nnau nuunairaiva vuutaivau yapaanee. Yeena tapiivoota nnoorivootama aakiaivaki yapaanee. ⁸ Mmata nunairaiva ututuumakiee buruqaivaadi nunaira mmataivaa keegiaivaki hiri kiaanee. ⁹ Nnammari suyaiva varee seera nnauva siika saakainoo mmuaakia mminna ivaki vaiyai yau vaatama iikianee. Aqa iino ii mmuakia mminna seera nnau ivaki vai iyau voo ninivai nnaasu vakiaivee. ¹⁰ Nnammari suuyai vaadi yeena tapi katii hudeerai vaata siika saakainna deede mminna vakivai yauvaata iikiaanee. Iinoo yeena tapivoo ni avuuvau safu tuaanavai vainoo yokeeta tuaana ari vookarai vai vakiaivee. ¹¹ Baraasa diisa yapa nneeraivo vainara mmataivaa iikiaanee. Varii iva mmaaino niini tuaanaiva nnaasu vakiaivee. ¹² Aroonaata ari mmaapuu daata vitee seera nnauuva nunai nunaira mmataivau kiee nnooriivaadi iya finianee. ¹³ Ii kooroosa nini tuaana iva Aroona uyu kiee mmataama kinoo safuu tuaanavai varioo kati Anutuuqaara puaara hudeera kieeta vaidivai varinaravai. ¹⁴ Eeno inna mmaapuuya vitee numa kiee pina oroosaiyauva iyaaya uyuanee. Fai a iya nnammari suuyai vaadi apuane mmuaikaraama iya koonna iikiaanna neema iima kinai nii mmoori vareeraya variaaravai. ¹⁵ Fai yia kati puaara hudeera mmooriva iikiaaravai, iya mmata nnakaraiyaadikava mmayai yayaa kuanaravai. ¹⁶ Inna Musiiva iyauvaa iivai, i voo mmuaakia kua Udaanga Anutuuqo tii yauva vato iivai. Ivoo ii mmuaakia mminna tii iyauva vatoo iima taika kiaiavi. ¹⁷ Itaama vaikiai iya tauraana suaivauudi tauraana kuragai vauudi nuanu nnaagiaivaudi seera nnau nunairaiva iikiaavai. ¹⁸ Musiiva nuunaira seera nnauva utuaiveera tuunnaida hanuu haraivai fai iyauu voono nnauva yaageeqai naravai. Pina tuunnaidaata hanuu haraivai voono fai tooyasai tooyasai vaitana utinaravai. ¹⁹ Seeraiva utuu raririima kioo nuunaira seera nnauva varai vau yapaivai. Muaikaarama Udaanga Anutuuqo inna tuneema tiivai. ²⁰ Ivo kua mmaanna vau sikau taara vaitana kua yeena raira pokisaivaki yapeeravai. Taara yataari hokobai vaitana sainaisainai yapakioo avuuva rummuaa apuu kiaivai. ²¹ Kua yeenaraira pokisaiva varoo nuunaira seera nnauu vaki yapaivai. Buruuqa pinaiva safuuma kioo kuaa yeena raira pokisaivau yaagueeqa kuaivaa rummuaa apivai. Mmuaikaarama Udaanga Anutuuqo inna tiivau giataama iivai. ²² Yapa nneera mmataiva varoo nuunaira seera nnauvaki yapaivai, suai yaanneenni nunaira seera nnauvaa buruuqaiva mmaanainni yapaivai. ²³ Udaanga Anutuuqo vunni giataama bereetaiva yapa nneera mmatai vau yapaivai. Mmuaikaraama Udaanga Anutuuqo iinna tii vau giaatama iivai. ²⁴ Nuunaira seera nnau aakiaivaki raamaiva seera yauvaa varoo yapaivai. Kava nuunaira seera nnauva sainainni yapaivai. ²⁵ Ivo raamaiva Udaanga Anutuuqa vunigiataama yapaivai. Itaama Udaaga Anutuuqo tiivaugiaatama iivai. ²⁶ Yeena tapi gooradi iima kiaivau ranaiva huudaivaa hudaavoo yama suudaivo nuairaseera nn auvaki buruuqaiva hirikiai vaki yapaivai. ²⁷ Ivo rana yama suuda viraiva ivau hudaivai, Udaanga Anutuuqo inna kiaammii vau giataama iivai. ²⁸ Pina buruuqaiva nunaira seera nnauva kieegia aakiaana vira seera nnau ivaki hirikiaa vai. ²⁹ Nuunaira seera nn auva aakiaana vira keegiaivaki yeena tapiiva yapaivai. Yeennaiyauvaa iikiai voo taatai kaanara yauuva ii yeena tapivau yapaivai, Mmuaikarama Udaanga Anutuuqo inna tiivau giaatama ii vai. ³⁰ Yana yapa nneera pinaiva nunaira seera nnauva vuutaivau yeena taapivau yapa kioo nnooriva ivaki tusaa kiai ivakidii nnoori raivai. ³¹ Musiiva, Aroono ari mmaapu yaata ii yana pina ivakidi ngiari yukuu yaaku yauva finiaavai. ³² Iya nunaira seera nnauvaki yeena tapiivo vaivaki karada kuaavai. Ngiaarinana fini kiaada, Udaanaga Anutuuqo Musiinna tuneema. ³³ Musiiva yeena tapii vaata nuunaira seera nnau vaa mmatai vaata iivai. Nuunaira mmatai vaki vira kieegai vaki buruuqa pinaiva hirii kiaivai. Itaama iinnoo, Musiiva mmooriiva iima taika kiaivai. ³⁴ Nnaagiai vau namaivoo nunaira seera nauva rummua apukiaivai, Vaikioo Udaanaga Anutuuqo yama yokeeta tuana ari vookaravai voo nunaira seera nn auva suvuai kiaivai. ³⁵ Musiiva hama aikiooma nuunaira seera nnau vaa aakiaana kuataama iivai namaa voo tuma ivaa varaivau rummuaa apukioo vaikioo Udaanga Anutuuqo yama yokeeta tuaana arivookarai funnukaivo seera nnau vaa suvuai kioo vaivai. ³⁶ Suai namaavo nuunaira seera nnau vaa pikoo ngiau aapu kuaikiai Isaraira gioonna kiaapuya diitada nokiaavai. ³⁷ Namaivoo hama nuunaira seera nnau vaa pikioo ngiau aapu kuaitiri gioonna kiaapuuya hama ditaada nokiaatiri. Iya varikioo namaivoo nuunaira seera nnauva pikioo ngiau aapu vinai. Namaivoo hama seera nnau vaa pikioo ngiau aapu vinai, gioonna kiaapuuya fai hama nokiaaravai. Variaavo namaivo nuunaira seera nnauva pikoo ngiau aapu kuaikiai diitada nokiavai. ³⁸ Dataama kioo Udaanga Anuutuuqa namai voo suai vau nnaata heenai vakiaata ikiaivoo taivai, mmuaakia Isaraira gioonna kiaapuuya avuu yau voo innaya taarada Udaanga Anutuuqo ii mmata kua kia yeena raukioo mminara tii yoosiinna ivaki kuaavai.