¹ Aa mminna aayau voo Isarairayasi vauduu ataama Amooso purara haitatuura vaidivai yoosinna Tekooqaavoono Udaanga Anutuuqa kua hatauma vau vaa vareeravai. ² Ivo ii kua hatauma hatauma vau iyau vaa suai vaki Usiaava Yutaaya kieetavai varuduu Yerabuaamo Yohaasa mmaapuvai Isarairaaya kieetavai varuduu, taara nunau ngio taikooduu nnaagiai mmataa kuaruuvo utiravai. Ivo tunoo, "Udaanga Anutuuqo fai Saiyoonadiri ari nnuunai vaa vararuoo aayanna reeno Yerusareema kuanaravai. Vino fai mmuakiaa garaasanna yokeetai yauvo vaikiai purara haitatuuraiya ngiari pura sipisiipa iyau vaa vitada kuaani nneera garaasannaivo fai aasannaino; fai taapi kameera vai yananneeri apuu yauvo mmuakiaa yau vai aasannainravai." ³ Inna aanna dee kuavai Udaanga Anutuuqo tiivovee: "Kaayau neetuu gioonna kiaapuu Damasakusaiya mminna mminna maisai yau vaa ii kiaavai, Iya gioonna kiaapuu Geriaataiya vatada ruputuaavai. ⁴ Itaama iikiai vaara fai na ikiaivaa kino kieeta vaidii Haseera nnau vaatama too yagueeqama varida rapira yoosinnai vaatama kieea vaidi Beno Hadatoo Haseera mmaapuu vaatama taanaravai. ⁵ Fai na Damasakuusaiya sipu pinaa ainaadiri imma kiaivaa tuyanna rummua raubiriina dee vaidi voono yoosinna hoonuru Aveena haituu vaata varainnee yoosiinna Beteena kieetai vaatama varainna kiaanaravai. Gioonna kiaapuu Araamaiya fai yoosinna Kiira ivaki oovi nnauki variaaravai," Udaanga Anutuuqo itaakua tiivai. ⁶ Inna aanna dee kuavai Udaanga Anutuuqo Tuuvoovee: "Gasaa iya ikia mminna mminnaa maisa taara vooma idaa nniitarera maisa yau vaa iya yaadiri rugaanaravai, mo iya gioonna kiaapuuya vitadaa oro Etooma oovi nnau vaki yapa kiaavai. ⁷ Fai na ikiaiva kino tuoo Gaasaya hanikia vagiamunnaivaa tenai fai na iya ii yoosinna yagueeqama dida rapuai yau vaa rummua rau biriinaravai. ⁸ Fai na yoosinna pinaa Asidoota variaiya rummua raubirii na kieeta vaidi pinaa yoosinna Asikeroona varii vaata varainnaa naravai. Mo fai na kava yoosinna pinaa Ekiroona ivaatama ivaki variaa gioonna kiaapuu Firisai yaata rummua raubiriinna ruputinai putuaa ravai. "Udaanga Anutuuqo itaa kua tiivai. ⁹ Inna aanna dee kua Udaanga Anutuuqo tiivovee, taiya iya taara vooma nnee, taarama taarama neetu miikiaa idaa fai na hama iya mmamma nniitareera varaa idaa rugaanara, mo vaa iya ngiari kuai vaa kiaa yeena rau kioovaa hatookada ngiari kata vayaiya tuqinneerama vitada Etooma viravai. ¹⁰ Itaama vainai fai na ikiai vaa kino tuoo iya yoosinna pina Taiya ivaa vagiaamunnai vaa too yaagueeqa nnau yau vaa taanaravai. ¹¹ Udaanga Anutuuqo tunoo, kaayau neetu gioonna kiaapuu Etooma mminna mminna maisai vaa iida varida hama ngia pikiaano, fai na hama iya mminna mminna maisai yau vaa rugee vayaiya paipaadiri utida vatada hama iyara boo tiirai voo tairavai. Iyara nnaanna teeraivo fai ari itaavai tupa tupaa vainaravai, ¹² fai na ikiaivaa kino tuoo iya yoosinna Bosoora ivaatama taa raubirii naravai." ¹³ Inna aanna Udaanga Anutuuqo tuu kuaivo taara vooma nnee, taarama neetu Amooya ii kiaa mminna mminna maisa iyau vaa iriisai mmuaarai yau vaa fai na hama rugaanaravai. Mo iya gioonnaiya nnakara sunnaa kiaiya ruputu kiada ausai yau vaa havaratada yoosisinna Geriaata mmata atau vaa hayuaavo pinaavai kuaivai. ¹⁴ Fai na yoosinna pinaa Ravaa ivaa vagiaamunnai vaa ikiaivaa kino teenai nnammutuaiya nnida iya ruputu raubirii kiaavai, fai pinaa rapira iida kua aayanna kidiri rapuaivo fai pina yuunna roosiinno pinaa vatii vaa roosiima vainaravai. ¹⁵ Kieeta vaidi nnoonnai voota inna mmammaaki variaa kieeta vaidi iyaata vitada oovi nnauki yapaaravai," Udaanga Anutuuqo itaa kua tiivai.