¹ Poluba, Kotira antu'a ata Ihu Karaitira aposoru bo, aiho uba ata obariro Ihu Karaitira ira baira, ² Timotirai, baainti tere bo'amake antu aruna; Ha'uru itarara batake, umpo ira batake, aii'a tinabu Ora Kotira iha'a bikoka bata aii'a tinabu Nora Ihu Karaitira iha'a bikoka bano aikantiro baibo. ³ Tere Kotirara ko'erabe turo, tarae tere bateta abataunara tenta na'ukabara bo'ara, ko'e abu ato eka enta aii'a tere ariara irirera nunamu ihai enta'i bata kuari abata. ⁴ Tere ari au'uruara iruraro, tiri antu'a banora ari tabatira, aii'a wahara ira pi'ainara. ⁵ Tere anirante iruro u'aka mara ura utuanarara, ari tatora Loisira ira abuni akero bairo aii'a ari nora Yunisira, aii'a tere wahauro bira ari ibata bairara. ⁶ Ma bira irirahika okarama ari aii'a tiba amuro Anutura aiho ari'ira bainara aii'a bara uri himpi kane tere ari ata kau'u bate nunamu tiarira. ⁷ Anutuba tirinabu timira bira kiabu eta bara'ura raube, bira kempuka nimiro aii'a baintiara antu'aruara bata aii'a ko'e okara abate bariara bata. ⁸ Mintirara kiabu kauruane tireba bira nanahika Nora bano arini mintira, o tiri Poru kaini bata, bira karabusi bainti. Ibaro, Kotira aikaro batake ma bira ubara aiha hika barauro. ⁹ Ma bira bii Kotiba tiri nabu kaho iro aii'a bo rubahara arara tinabuni batero. Biba bira mintira bira kiabu tirinabu ko'e okarara haube, bira obarira bira nari abu ato abata irirahika abata. ¹⁰ Ibaro Kotira kaho amakero bainti tintairaba o'ai ama bibo bira Nora Ihu Karaitira. Bira bi Ihura tabae nai utirara tai'a kero aii'a aiho barero bira kiabu tai'ara baira bi obaba tubi arara ko'e uba barero. ¹¹ Bi okarara, tere no bainti abi, aii'a aposoru bata tisa batai abi. ¹² Bi okarara'i, tere bata mara bihaikarara baraunara ma, imanta kiabu kauru nara be, bira nanarae, tere tabauro taraie tere mara ura utu nara. Tere u'ai ake tabauro biba homa ma bihaikara raikia naro, minti manta bira kau'u ira kauro bari'i aniroma bateta bata bairo. ¹³ Raikiane ma bi mara urara utu tanara kubai kera, aii'a uba tini haira irianara, mara ura utuara bata baintiara antu aruara bata Ihura Karaitira ima baibo. ¹⁴ Ko'e haika Kotiba nini obarira, Kempuka Aiho ara ata bira raikiate, bira tinabu ira baira. ¹⁵ Are tabarao taukae Esia bariaka tiri tauba'a utu timiara, Figelusika Hermogenesika hampata bariaka. ¹⁶ Nora ha'uru itara bano ma Onesiforusira nabu ira bariaka hampata bairiano bira nanarae biba tiriara ko'e iharo kiabu kauri baiba tii seniara. ¹⁷ Ibaro, biba Romuni baira, biba ko'e kero tii raiki baibabe, tiriara ranteharo. ¹⁸ Nora wahara bano bata ha'uru itara bano bata biraini bibo ma entara. Eka ara tiri kaho ira Efesesini, are bira ko'e kera tabarao.