¹ Iata bainti bano ara ararubakero muntuka maraurai'ia bainti nahenti nimi taira, bira baintihaika bata tara'e te ua'uba'ihai antuaruna kia tenta'aube iboma tenabu eka ua'uba iru raukabe. ² Bira nanarae ua'ubabano tinabu'i bairama tinabu hampata ekaenta eka entama barianarobe. ³ Umboira banobata auritara banobata iha'ara au'habanobata tinabu hampata barianarobe; Kotiba Oba iro bira ma'u Ihu Karaisiba Kotira ma'u ibata u'a u'a okara antua'arina. ⁴ Te bo'akema uahauro te rantake tabaura tinabu baintihaika Kotira u'a'ubaima nuabo; boha'arake tenabu Kotira uba barauna. ⁵ Bate ariara uahauro, nahentibaubo kia te araka ubauma araruro, kiae haru tenabu mintiake borara nariara antuaru nama. ⁶ Ma bi antuara homa tinabuara Kotiba niha abatate, bi'ubara Kotiba antua batairama are mintiane are mabi ubara naru iriana bira' ama nuane. ⁷ Ibo ora una'ara bainti ma batara'a eka batanai buabo, kia bika tiba kankoke tiha Ihu Karaitiba Kotira mau ubaba noma anibo.ma bira bika bira una'ara poropetibe. ⁸ Nenenta tabate, kia ne mabi kaiara bara'i buaina taurukate, ne eka miakarama barebabe. ⁹ Taukae abuni buaka kia bika Karaisira kaha'ira uba'i baiba bibaintiba, ora batero maubata batai babe. ¹⁰ Iro ta baintibae aria nanai aniro kia anihairo kia ninihairo kaha ira uba baraina, kia bira nenta nabu'i bite bi kia birara koe entabe tiate. ¹¹ Bira borara tabae birara koe entabe tina. Bibabata ora okarama birai mintibo. ¹² Te ora hikama nini ararua nimita inabe, iboma kiama te pepa abata peni ohaibata ararua nimi tainabe.Mintiboma te tenta iriha nianai ani, ni biri tabeha nihampata uba tirerabe, mintiroma uahara hikabano tinabuni pianarobe. ¹³ Bika aura nakauka baintiti are kubaitarauka, bika ariara koe entabe tiabo.