¹ Atabakao, kiama nantira aniainara araruaina antu'a baibo. ² Nanare nenta tabatabo, Norabano tubina entara muara bainti bo'ara enta'ima tubuanarobe. ³ Hinika baintika tiha, eka haika ko'eiro bairo, kia bohaika bata orai'ibo, ibaroma bi entara nora marama bika'i obarianaro. Kiae nahenti bano baainti batareba arantinte,bika maarara etake biraa kiama bika aara baibo. ⁴ Ne atabakauka kiama kiama honkira okara'i bariabo. mabii kuari abuba ni aii ataranaro, muara bainti boara. ⁵ Nanarabe, ne eka oba'ahaina baintika bata kuari'ahaina bainti bata bariabo. Tenabu kia honkira ira bata entara'ira baintiau bauro. ⁶ Mintiboma tenabu kia boka bo'ara baitare.Tenabu baire, ra'ikiaka bata ko'e abu'ato bataka bo'ara bairebe. ⁷ Nanarabe, bika tauka baite bariaka, enta'ima baitebai. Bika tauka hunka namai naka, enta'ima bika nebai. ⁸ Ibaroma, tenabu kuari ahaina baainti, baiha bi okarara tenabu eka enta ko'e abu'ato bate baria. Tenabu mara'ura utute borara antu'a ina i'oka utaba'a bo'ara nonkuare. Tenabu ma abu'ato iriha bo enta Ihuba orurante tubina, tinabu ba'u okara'ihairo tubu ko'ema timitanaro. ⁹ Nanarabe, Kotiba kia nai arara'itara haika tinabuara barate tira. Ibaro tinabu Nora,Ihu Karaitiba tinabu ko'ema timitanaro. ¹⁰ Biba'ai bainti tirianabu, minti'e tenabu birabatake mara'ura barebarianara, utubie a'i baie. ¹¹ Mintira iha'auha borai batera, biba mara'ura ututaina himpimakera nariara nariara ia. Borara mintia kainantekera. ¹² Tenabu ni irauro tinabu atabakaube, humiate, taukae ni abutana Nora kai'a bare bariaka humiate nenta maimarara Norabano baira, taukae ni bara utute bariaka bata. ¹³ Tenabu nima irauro, ne nora irirahaika mintina baintira amiate, bika bika kai'a autua tabarara a'urita nimitate. Auha iha'ina okaraba bariaire. ¹⁴ Tenabu kempuka ubama ata bakauka'a tiba tauro,taukae kia kai'a bararai a'i bariaka raurira uba tiba nimite, taukae kia ho'ake iaka,bika auha bara uri himpike, taukae kia kempuka bataka kaha'a nimite, borarabata iha'ira okara mintiate. ¹⁵ Ne tabate bainti bobano ari'i ora okara autira kia'ma tu'antake bira bata mintia amita. Ne ni'i nanahaika ko'eina abateha borabata aamu'a. ¹⁶ Eka enta uahane nunamu okara kia. ¹⁷ A'i rakane, eka enta nunamu tiane. ¹⁸ Eka haika Norara ko'emabe tiane nanare, bi okara Kotiba auntu'a batai okara Ihu Karaitira'i autuata. ¹⁹ Aiho Baainti ni tabara kai'a autina kia raba'abuate. ²⁰ Nora poropeti uba kia iri popohake. ²¹ Eka haika tu'abuke, nanahaika ko'eina kempukai'ake utubarate. ²² Ora okara obarai ina antuara niaraini ake bariate. ²³ Auha iha'ara kotiba ni ko'ema nimitaira, ni Mara'ura bainti, Aiho bainti boaata bainti, eka enta kia kumi auturaiti Nora. Ihu Karaitiba tubuhaina entara bekai'ianarorabe. ²⁴ Tabainti ni arai baintiba, eka enta u'a bainti bano baibo biba birama mintia'abe. ²⁵ Atabaka'o tinabuara nunamu iate. ²⁶ Auha iha'arabata, ko'e Okarara bata eka ata bakaukaini mintiate. ²⁷ Te ni Nora autu'ama irauro, ne mabi ara tanura, eka ata bakauka kararuake tibanimiate. ²⁸ Nora Ihu Karaiti haurihitara bano ni hampata bariaire.