¹ Isu pingavagopa atate mavingama yudia kumata hirosatae,pipa Jodeni waningama marotetie,piyavogana atokaina wa-ah aigaratae.Paviama puvemisamba puiyakitae. ² Kaisa Farasaiyo kinamiva kanama akasa kamana amba avigatae.Pipa tagaena pio,akuninda kasamava kanara wamava wayawapa kaikio? ³ Isu va mayae andota kamanapa uwimitae.'' Tigepa ayae Mosesi va urimitine?'' ⁴ Higerova mayae omitae,'' Mosesi va mayae utine,kayagarama wayawa kaikena vundanava,aiva waya wa-ah avakovikena isa aruruatama agaru wano. ⁵ Isu va mayae uwimitae,pi puvaya kamana Mosesi kaitipa,nanaviemae,wayati agaruwakena tindawamava ata esegi vuatagina kaitine. ⁶ Pigoema pusa mambara ayaemaina tavaro yogana tavarindi yagara Anutu va ayangapisa pundine. ⁷ Pingagoraka wamava ano ava pa kaitegina waya wikeva humive-e. ⁸ ''Piyambakana isigeva isiuwisipa pavigo ka-andoe,isigeva isiota isiotapa kambae. ⁹ ''Piyamba kana isigeva isiuwaisipa katakayangandoe, Pigoema Anutu paivukaitipa kamba rakaya kayagaramava aigariova kie.'' ¹⁰ Pigo namangaiti umindiniva to mokasagava agorasa yagaramiva avigatae. ¹¹ ''Isu va mayae uwimitae,ka yagarama wayawa agaruwa kaikivipa,ku kioenavie,to oso wae maikivipa,pavikeva ku kioenavie. To wayama wa kaitegina to wa maikivipe,pavikeve ago to wamage kumiena pugasae. ¹³ Igeva amana ndakarandodo ivavurite Isu ti kanatae aeva nunamu uwaitanema,piya puguna agorasa yagara miva igaruwatae. ¹⁴ Isu agategina, kampa amupuma mayae uwaimi tae,"Uwaitigina yakara ndodo nagori kanaiyo, a ngigaru wama, Anutu kumapa amana ndakara ndodo iyaginami kumane. ¹⁵ Tataga urimue, waya wa,amita amana ndagara mikive sampa kamba mikivepa Anutu kumapa kampa maekive-e" ¹⁶ Pigo Isu yakara ndodo auta ivavuma asimu puitatae aya inoti atama. ¹⁷ Agorasa yagara iyawa ke agovima wataginava, ka yagara karusuma kanama Isu ta amba arakavima, avigatae,"Aogi posenta yagarao, nava ayapukuotiga miyava nauma va maekue?" ¹⁸ Isu utae,"Nana agoraka aogi posenta yagarao va ene? Kamba ka yagara va mambavindiva aogi yagarava mindie. ¹⁹ Ago kaeva puvaya kamanapa avindane: 'A wasanava aguyo, kumiena va apo, kambari kamana pa aso, kundanava a po, tigeva tino tiva gi kamana avio." ²⁰ Mondugaramava Jisu pa mayae humitae,pasenda yagarao, hayaema puvaya kamanapa amanandagarando minda haiga mindadone. ²¹ Jisu va pindagaragava avugatagina hagahuma omitae, kaive kaenainanagdoga kavo vene. To wama hayaema kutaka huma aisma miyembaima kusegina himo. piyavugai kivem betakava, tavena kuta kaihenava manda kumata waindie kaive amba naigarao. ²² Pigo aiva pikamana avite kamba amundana vunda taveratakaya handa vurinda yaga wagaitae, nanaviemae haiva atokaina kutangama avae. ²³ Isu va agorasa yagaraia igauma uwimitae,''Avio tavera ita ata pundie okena kuta atanda kinami Anutundana miyava miyava kumapindi ikenava.'' ²⁴ Isundana agorasa yagarami pikamana avitegini tavera pamindami vutae, Isu va togake mayae uwimitae, ''tigeva yagara mio. Anutundana ewasa kumapindi ikenava kamba agoya pundie.' ²⁵ Kameli yagamava kanara pundie aiva na-ama agepindi pasikenaga, miengai waiganda kinami Anutundana ewasa kumapindi ikenava agoya pundie. ²⁶ Agorasa yagaramiva pikamana avitegini pamindami vuma tavera igewi ikapipa uma iyogi pundae, Pigo piamba yekinava, aiva ke auma maema miyava miyava kumapa maikie. ²⁷ Isu va mare ai purindana igama mayae uwimitae, wasanama tapa kamba kanara pikivipio, Anutugeva kanara pikie nanaviema, kamba kaenainava Anutu tapa ita nata pundie. ²⁸ Pigo ema Isu makamana ugai taginava, Pitapa ,mayae Isu pa omitae, 'kaiva agano-o,taiva ayaemainare kaitegita kai kaigara tanasune. ²⁹ Isu mayae utae, 'Naive taga tagaya urimue, wasanami namangai kaindini, agando,anando amana kaindini,ino iva,yagarawi kaindini, magowi kaikivepe naikaga napindini, nai kamana kaga napindini. ³⁰ Aiva ayaemainawa kaindipa to membaikie, nayakamu tuwenti avagota membaima mamba rapa mikie. Pipa maya ainava, agando anando amana, anoava ,yagara magowipe, paviamba Anutu kamanata imatiti puma kundaina mainda kinape.Pavi igegeve Anutundana auma maima miyava miyava kuma maikive'e. ³¹ Piyambakana, wayawa-avisa kevaya paitama minda kihinava atuti atumekina,atuti minda kihinamava paitakie. ³² Aindiva pigo,Isu va naya tara mupuma tonaindisa tara umaima yagarawa kegae urite wasana kambinda avagota watae, ivavuma meitandana Aiwa auta avoraki hindanama kamana uwimitae. ³³ Tigeva agaiyo,pigo Yelusale kumata iyekanva igeva kanama Wamandagara amba arakuma mono tasa Aine kiyamipe,napiena arawanda kinamike iyapi maro tatagana napiena arawanda kinami avavuma puvaya kamanapi asitakive-e,piya potamagini ara aivu kaikena uma asaitatae.Piya potamagini toginata aisagaigina aiguma ara aivu kaikive-e. ³⁴ Igeva karana kamanapa otandini,kaisapa potandini,aigundini puma ara aivu kaikive-e,uga piya pugai kivepio,aindiva purinda kinami kavindi papa kagasavuma tumbigai tegina mesu auma maima asiwakie. ³⁵ Sebeti yagara tara Yemisi ge,Yoni ge mayae uma Isu aviga tase,''Posenda yagarao,tasige kaviga kusomepa,tasivi ki-ikava kaiva kaenaina pomae.'' ³⁶ Aiva andota kamana isivigatae,''tisigeva Nai kava nana purasi toma yese-e?'' ³⁷ Mayae isigeva utase,''tasivavuma kaya takandige kaya kemandige marami rasi tagara Kai ewasaina vindi miwa somae. ³⁸ Pigo ema isu va mayae huaimitae, tisigeva nana kasa husemava kamba avima aranda kasa navigase, kanara nai nakuo kapisava nalavesa? pera tisigeva kanara, nai wani baikuokihisava wanipa maikive mena?. ³⁹ Hisigave mayae homitase tasigeva kanarane, Isu va mayae huwisimitae, pipa tagaka yase'e nai nakuo kapisega nai wani maikuo wanipa maikuse yemepa kanarapieo naya takandige, naya kemandige Anutu hewasainavindi mikusema yemepe pindanava naihenainava kambae. ⁴⁰ Naya kemandige, naya takandige maramikenaina timikenainava pipa nai avogapa kambae. Kambae pipa kegivaya maikive'ema yokegevo tandipa pavikina hando mi maikive-e. ⁴¹ Pikamana naya taramupuma yagarami aviteginiva tavera himohena vundini himokasa Jemisike Jonikeva huasisitatae. ⁴² Pigo aindi yagara kinun ga kegae huma akivuitama mauae huwimitae, tigeava agavegana mono tasa aiva kiyeni va waya wara'ape hige kavima aiva vuitavene piyambakana tavegina wimbi kahitatave-eh. ⁴³ Piyambano tigeva pingagora apiyo, pigoema tige akapisa katimba himasugasima kiya mikena pundanava, pindagaramava aivah tigehena erianda gara mieno. ⁴⁴ Kevaya paitama yagara mikena vundanava aigeva tigehena eriandagara miyeno. ⁴⁵ Wamah tangara kanatipa tai eria pukunombenda namava aiwah homaienemavah kambae kambae.Aivah aumawa hicakandama himigasima to waya waah mengikapuma hivavikenae. ⁴⁶ Pigo Yeriko kumata uma hiro sandiniva,pikumapa atatae Jisu veh yagara iyu wape,me wauguma hokena waya waahva hiye garatae.Kah horicah yagarava,Tamius yagara agewapa Batimiusie.Aivah keawamori mima waya waahga awateka hivigavine. ⁴⁷ Aivah Isu Nasareti kumatasa yagaraema aviteginava,aivah mesu asimagima taverasa mayaema kegae hutae,''Kaive Teviti dangara Isu gae,kaiva kanda paruvunats.'' ⁴⁸ Piyavagini waya wa`ahmiva ha kegaeyoma kaviratae.Piya vutapiyo ,to taverasa kegae umah mayae hutae,Isu oh kaivah Teviti dagaragae kaiva kadaparu punatao. ⁴⁹ Pigo Isuva pigiae avitegina uma asima utae.aurika yagara avavute kanaiyo.waya wa,amiva piyae omitae, kaiva avaga asiwao,kaikaga kegae iye. ⁵⁰ Avaga avovorasa hau hana hena awari maigaitenina karusuma Isuti kanatae. ⁵¹ Isu mayae omitae,"Nana pugatasanaga kavie yema?" Aorika yagarama va utae ,"Oyapao, Nae ve nao agasanaga navie." ⁵² Pigo Isu va omitae ,"Asima wao. Kama titi enagamba kava kataya." Pigo avaga aova agatae, kei aegama watae.