1
Naeva Isu Mesia-da igina-rasa utimaranda yagara, naeva tige kagava esegi vuma araketama waiyoma Anutu tige kaga nae-gara iyoma emiti.
2
Tigeva kaisa kinami amendapindi mi-iyoma pigo ogi ena pui-tandini ka-ka winaga kendo tovina kaga ogi enaga anda awiki vinapa omaeyo.
3
Tigeva awamusa pindi inda paruena agova esegima takuri-gita ka kina ena puma mikune ma.
4
Ka tauna ka Awamusa Yagara windiema, piyamba piyo Anutu-va tige kagava kege--iye mo ka enadoga ovipuku nema, ae-e Anutu utamaranda kasawa taeta kanara penema.
5
Windemipa ka Tave ae-e asa-ando mindiema, ka amati-ti enawa ka wani apasi kene-nae.
6
Pigo ka Anutu ae-e tavarembae, kendo ae-e ayama wa-ami tasa inata midemi, eva ayama wa-ami ika pindi eriya pundana ayama wa-ami igu pindi mindie-ema.
7
Eva ka-ka imati-ti kinapa ago yaena puratavie pigo Isu Mesia amu enava ayikima tamivie.
8
Pigo ema Anutu Esa-amava iyema, "Kanata eva mesu inati indanava, eva mo kalabusi vindi minda wa-waya ivavurite eva ke mesu ima eva wa-wayapa amuena imitae.
9
Na-na ago-raka ema, "Eva mesu itae-ema" Pigo ema eva mari-raka meru tumi wanda pindi tumi wataya?
10
Pi mandagarava ama ruenava mari atumivatae, eva inati-raka mesu ima kaga mandariva asugasima, eva kanara kaga aya-emena auwi-tama.
11
Isu Mesia kaisa imati-ti kinapa aposel eriya imindana, kaisa va profeti eriyape, kaisa va pasto eriyape, kaisa posenda kinami eriya keva.
12
Eva imati-ti yakarava ma imudanava imitae mo aena ogi eriya pota kive kaga-ga, Isu Mesia pindi esegi au avoranema.
13
Eva Isu Mesia auta eriya puma mindana mo kanata taeva kaga ayaema ka tandavarisa tamati-ti enavindisa Anutu Dagara-risa napiena maekenae. Eva tae kaga-gava mesu esegi puma mo kanata Isu Mesia pindisa ogi ena waka-ga-ga.
14
Taeva kamba uwaena yagara gandamapa minda kana igeva taepa kayo wanitisa ponda gandamapa meva megava piki ve-ema, mo kambari posenda kasa rasa ya mo kambari eriya puve kina mige ya.
15
Pigo ema, taeva taga-taga kasa uma to kaisa kina ka avu ganda ena penoma pigo taeva ayama gi-isa esegi puma Isu Mesia atokae raka mima, eva taena ano kayambu yagarae.
16
Isu Mesia va amati-ti yagara mandava kaga aupa kanaramba maema ato kae tae, mo kana aya-ema atu-natu kaga eriya puta ganava, pinda namava au tave putae to kina avuga kena-ena vindi.
17
Piyambaka naeva tige kagava esegima uwe-ema Taveremba ageraka mo togakeva kambae uwe-ema aveisa kina migeva a-a ige-geva nasioma. Napiena wipa kaga taka oketa puwae-ema.
18
Nana viema, tunu danama napiena wipa ira rikae watae, pigo igeva pagasa rataka mita-tae Anutu auma yagara-rasava, pigo kamana aruwa-pikenaenava ige pindi windie, nana viema inda kaviwa aku-nindie.
19
Igeva inidanava kamba windie pigo Igeva mambavisa toma-toma danavindi iama aegara ve-e, indamava toma-toma oketaena pikena isepavie.
20
Pigo ema, pindanava tigeva Isu Mesia egara kenae-naema va kamba aganda ema.
21
Naeva napi yuema, tigeva Isu Mesia kasa avitae-ema, pigo tigeva etisa napiena va mae tae, pigo ema taga-taga kasava Isu pindi windie.
22
Tigeva posenda napienava ago mae tae-ema aya-maena paisaena kaikena, pigo ma paisa yagara mae-gai kena ema. Pi ma paisa yagarava ago kamba-raga puwa-ema, nana viema, eva kambari enama awaita-tandie.
23
Tigeva ma paisa yagarava maegasima pigo napiena ripa oso-oso pike-naema.
24
Tigeva oso wa-waya avora kivewe, pi wa-wayapa Anutu eva pui ta-tae oso napiena rasa kaga taga puma awamusa iwanda pindi.
25
Pigo ema ayama kambari kasa mae mugai kena ema tigeva ka-ka winagitava taga-taga kasa to kaisa imati-ti kina migeva ikena ema, na-na viema taeva kaga ka wina auwa tae.
26
Pigo ema tigeva timo ena pudinipa, pigo tigeva tiwasae. Ayugu tigeva kaindana pikive-ema. Tigeva a-a timo enava puma miyigina pangao tupa-se-esie.
27
Ayugu tigeva Aru-yagara manda kave awitagina tigepa maema mari tita kie.
28
Ke-endo endagara ma kaisena kundana puvemi, eva to a-a kundana va pena. Eva ayangatasa eriya pa peno, pigo eva kaisaenava u-urima ke-aendagarama kavo-vikipa omae kie.
29
Tigeva kambaraga kasa a-a tiwamupisa irosa-noma, Tigeva ogi kasa mana pigina kanarama wasua yagara esegi pota kie. Piya kasa aveminapa omae-vie.
30
Pigo ema Anutu Awamusa Yagara manda andava a-a egu yenoma, nana viema Anutu va Awamusa Yagarava yanu ena wakandama timitae mo ae-ena wa-waya taka mikive kaga pigo kana utamaratae tige meti vavi kena.
31
Tigeva itae-takenae kaga kanda arusa-maena mo kamo-kasa mo kanda-arusa-maena mo maka-maka kasa ena ya mo wasana akaya kasa ge mo toma-toma kambara-gaena we.
32
Piyambane tigeva kanara tinda poitakenae mo to gaisa wa-waya tapa, kanara tinda imima mo kaidana wipa mae gai kena-e Anutu taena kaidana Isu Mesia ageraka mae gai tami sapuma