¹ Naeva Pol naema, pigo ema naeva Isu Mesia da eria wa kina ena puwema Anutu auma raka. Anutu ewa ogi wa-a da-awa uta mara da kinata awaena va maro kae yu ema, ige va Efesus i minda ema igeva esegima Isu pindi imati-ti enara asima minda kinane. ² Anutu Tava rebanda agoya ena paru andarasa mo Isu Mesia kena rasa, Tave rembava tige-ge mikie. ³ Taeva Anutu age mesu ise sakuna, eva taena Tave Isu Mesia da Ava-vambae. Eva ogi heven isa amudanva ago kaga tami tae-tae tama ti-ti yagara tomae kena. ⁴ Anutu va ago taepa utagaitae ekina wa-waya mi-i yoma mo Isu Mesia pindi, mamba kamba avoran dogana. Anutu va taepa ago uta gasima mo araketa mima ora oketa enava kamba ema. ⁵ Nana viema Anutu-va tae kaga tavugate gina, pigo ema taepa yagara wandana purata-tae mo Isu Mesia pugai tami eria pindi. Anutu auma raka ewa ogi napiena wapindisa. ⁶ Pina agoga Anutu age mesu isesa kune mo agoyaena ge ogi posenda taeta puta mikaga. Eva Isu Mesia age rakaga agoya enava putae, pindagara wakagawa avu gatae. ⁷ Mo Isu Mesia kura tasa, Anutu-va taepa me ika puma pigo taena kaindanava kaga mae-gai-tae. Eva puya putae, nana piema, ago yaena wambawa awi tawa tagina. ⁸ Eva ago yaena wapa taeta atigitae kaga ogi napiena yaga. ⁹ Anutu-va kaka napiena vapa taeta maema avoratae. Eva auma rakaga pipa danava putae mo tae taya kikena Isu tae-kae-yavera pugai eria. ¹⁰ Eva ago napima uta gaitae nana kanata kaga ena mema aki vikenava, kaga aya emena mandaris-save mamba visage va, pigo ema kaga enarapa Isu Mesia eva mikie. ¹¹ Anutu-va ago taipa uta gai tae aindi Isu Mesia geva amba aki vurita kua kagava. Eva ago napiena pugai tae piya pukue-ema va pigo amura napiena watasa meputae. ¹² Anutu-va taepa piyamba purata-tae taeva tauma yaga mima ai ena awa musa enawa isesa kena. Taeva amaru pai tama tamati-ti enayaga Isu aegara kenae. ¹³ Pigo tige kaisa taga kasa ave kinapa, ma Isu Mesia kasa mava metiva vikie. Tigeva Isu Mesia ta timati-ti pigina eva ago araena tige tapa pota-tae Awamusa Yagara rasa, mo ago uta maran demisa puma. ¹⁴ Awamusa Yagara eva ogi-gi taya kikie mo Anutu tisa ayamena utamaranda ena maekena. Pigo pi mandanava avorakivipa Anutu age asa gaukenae. ¹⁶ Naeva kamba miga ratue tigekaga nu-numu ena punda Anutu ti isa kasa utope. ¹⁷ Naeva mayamba nu-numuva uvu wema, Anutu tave rembanda Isu Mesia, mo Tavaremba tave ewasa ena pindi mindambe, eva tigepa ogi napiena manda Awamusa-pa timi kiema pigo aya enamanda napienava, mo maena avo rakivi kagave. ¹⁸ Naeva mayamba nunu-muva uvu-ema kanda manda ova awi enoma, tigeva napi kive-ema nana vaya Anutu-va taekagava puviema. Naeva mayamba nu-numuva uema tigeva arama aga kenaema mo ogi enaga Anutu utama randa ena ewa kina kaga. ¹⁹ Naeva mayamba nu-numuva uvu-ema tigeva Anutu-da tave meva-meva puma Awamusa gapa agai yoma mo tae titi kina mite tomae puvemisa puma. ²⁰ Ma esegienama paipa Isu Mesia pindiva eriya putae. Anutu-va mati pindisa epa asitama ava-vurite manda kumati ima aya takandi asu mara mindie. ²¹ Eva Isu Mesia pa ava vuma ina ta-taka mayo tatae mo toma-toma ano kayambu kinata na toma-toma esegi awamusata na pigo ina tata-ka mima ige windaenara kavitae. Isu Mesia-va ano kayambu yagara mima ayae menarapa ivaya to aindigeve-e kavikie. ²² Anutu-va ayae mena maema Isu Mesia agisa vindi ata-tae pigo eva mono nama gamanda ano kayambu yagara mitama kavi enoma. ²³ Pigo ema mono namapa Isu Mesia aune, eva ayae mena vindiva kanara taka mindie. Pigo ema mono namapindiva awita-raka awita die.