¹ Jisasi kimi beyo daimiri, iyen yeni make kockim beyo. ² Newarafi loci spiriti nama laifi Jisasi dukenimi, mana mayuni payani meko numoci lo nama pukeyo namake. ³ Nec andanda lo iye uwarano wani tikenafi, newarafi beni iyen erani dukeno ben ocfimi. Beni Gotin uwareno, ben ackaci bena oni tankarami kundemi mana ukam bumi akakemino. Ikeunama numo ewana waintaci beko, beni koci numo amirami ikeunama tufimi yemi. ⁴ Beni micnurami umacden andanda lo ayenicmi uwaremi, ikeunamac kimi umacdemi ampamemi. inke ikeunamac iyen awakurec kafo nama bu ic baruke. Afo spiritin ayenim barukac awakurokon teko. ⁵ Iyeuyac ic mana bu ic baruc awakure yafo, yeniyic indirab yiraka se mana andanda kimi deno mana bufine. Iyeuyac ic spiritic baruc awakureyafo yenyic indira yirakase manan andanda kimi deno mana spiriti kine. ⁶ Waintau yic indini yen yufim benimi pukin temi, afo waintau yic indini spiriti kimi benimi awoku arac namac ic pani ayumi bantemi. ⁷ Mana indin ni mana bukimi dafiteno, Gotinic namuko bemi, nevarafi Gotinic lo arafina benaino, beni iyewac manan awa kuritemi. ⁸ Iyeuyac ic mini ayir ava kureyafo Gotin iyen amoyintemi mana bu ic ayiruc avakure vanane. ⁹ Afo , iken ni iyen awakuromino mana bu ic baruke. Ikeni spiritic baruc ic awakurami, puka banane, Gotinic spiritic ayin ni iken kimi bantemi. Iyen iniya waintau kac ic Gotinic spiriti iyewac dukeyafo mini daimini ben indawa be yaune. Mini daimini beni daiwano. ¹⁰ Jisasi ikekimi bemi, numo baro poni mana bumi pukemi. Ikeni pani ayumi bami, anteka spiriti dukami. ¹¹ Iyenic spiriti Jisasi mi ukukanke nafi, wainta pukiyon makusa beni ikeunama kimi bemi. Beni iyen Jisasi masipinke ukukan tenafi, benic mana bukaci laifin amintemi, Spiriti eran toni manda mintemi, beni iye ike umana kimi bena. ¹² Micni mukami ten tinkuno, ikeun namac dinawaci bekin noko. Ikeun namac iyewaci mana buic ayini awakuro mana buic baruc. ¹³ Afo, mini bara ayira mana buwaci awakurono ikeun namake. ikeni pukin nakono, afo Spiritici erantoni ikeni aruma pukomi mana buic bara ayire. Ikeni pani ayumi banakomi. ¹⁴ Gotin nic Spiritin anasi wainta mana eyouni yivikemi bemi. Mini daimini Gotin aka fandaic meno. ¹⁵ Newarafi, iyewaci ikeni karafusic in Spiriti i marami. Akac ikeni yevekec pekan nakono. Iyeno, iken yifonic Spiriti marami, beni ikeun namac manan benakafic usin kantemi, micni mukaci ikeun namac Gotin arekaci ''Rabba o, Tentifo.'' ¹⁶ Gotinic Spiriti foni ikeun namatic Spiriti i yokan temi, micni mukaci ikeun namac Gotin aka fandam beko. ¹⁷ Yeveke ikeun namac Gotin akafanda beke amami benic andanda maran tecu. Micni mukaci Gotinic andanda benimi ikeun nama tinda waci bemi. Gotinic umacden andanda benimi Kraisti waci ikeun nama tinda bemi. Pukaino, ikeun namaci Kraistinic umarac mareke, benic kakandac baci maranteko. ¹⁸ 18 Teni daindec oneko, umaden umani mini yamuc i mare boyomi make ike unamac i mareko, beni kakani inayemi mana afotafic dantemi. ¹⁹ Newarafi, Gotin umaden andanda u wandemi yeni iyen na ayin dukeni mini taimi dadiseno, Gotin akafan dauc namac afotafic meno. ²⁰ Gotin beni umaden andanda u wareno beni yunamac iyewan andanda avafin bemi. Yenyiayin takac ampa menai iye ino, Gotin minucka kou tni ben no, mini yamuc dafisi wana i ye ampam min. ²¹ Umac dena andan Goti u ware nine, mini mandan kara fusikimi mana payanic meno. ²² Ike namac indin keko umaden andanda Goti uwarenine, yenyi ifika, yinavisikac konami mare makac i deno. ²³ Mini andanda mana waino, iye ino ike unamac Spriti fesi uyna akafan daweko, ike unamac tindun tike ific dec i Gotin kac i dafiseko maya u ni bena kavan dake yivi kan tem, manda kincke na u i maran temi. ²⁴ Mini era indire ike unamac Gotn tiyin kemi afo ne era indirac i ike unamac maran tekafu mini iyen yemac oneko iyec benic eran indin dukenbafi beni mini andanda oma ran tenafi . ²⁵ Afo ike unamac mini andanda era indin dukec i dafiseko, yenama i iyn onakeko amami dafisen teko mini andanda kake awokuc tirakake. ²⁶ Manaic ukan aye ike unamac erani iyen dukanami spriti namac okam mukuremi ike unamac tofa emi. ²⁷ Iyen wainta beni icke unamac tirapim indikenafi, newarafi, beni indini spiriti indin kemi Gotin ni ay yini awakuremi okami mukemi bilivi iniya wainta yofa eno. ²⁸ Ike unmac indinkeko, iye uyac Gotinani ayenafi, beni umaden andan yenamac i udami awokuckuc mandem afac yenkemi, beni iyenac i arare nac i benic yokan marantenafi. ²⁹ Iye uyac beni ananio indikenafi beni mini daimi makin umandemi mayamaya uremi ben akakic memi. awokuc inta ike unma c tic wanapac i weno. ³⁰ Wani mini lain Goti makin emi, mini laimini beni yareno. Wani iy uyaci beni yarenafi mini laini yac bake yenani ante kauyen tinteno. ³¹ Necwe tenuno mana andaan da ukare?afo Gotin ike namac i wemi ike unamac iyem mandaic usinkan tem. ³² Gotin wena kac i iyem pakeno penakai uki idami kumeno newarafi iken namaci mandakimi wanami kundemi mana payanic meno. ³³ Gotin makim nuru keni unin iye uyac mandaic inteyafo, Gotin benafoni antec mandan temi. ³⁴ Iyec beni benaci icke unmac koc timin tenafi, Jisasi beni kum puc emimi yewekemi ukukemi ben afon ayan kukapac i benin ike unamac tonemi. ³⁵ Iyeci Jisasinic nanayim mande naci daimin tenafi? mic nokam ware umani mareyo, nonamac yaram pukeni namac iye wac tu anan duke namu konamac bainati namac minia andandauc i uman timemi. ³⁶ Wayani wemi ike unamac tic awokuke, umacden nurami mayauni umanana mareko. mayauni memen kewanani tireyo. ³⁷ Mini uman tine, ike unamac kinken mini wainta winic eno iyen beni ike unamac tisemi. ³⁸ Newarafi ike unamactic indira bilivi uc i era ukemi teni onarec indeko, pukira, laifiwa, ensolowa kavan mani wac, makakena andanda namac eran pawawase ino. ³⁹ Inarupac benic andanda namac makakac kena andanda namac i Gotin weni umaden andanda kai teyaric meko ike unamac iyen amankac yoman nan danteko Gotinic ayini Jisasi Iyeno ike unamac kimibemi .