¹ Jisasi mini makusac yeremi distrik Judiaci oremi Jodenic non awafaci ena maka weni eninic uremi, yimami yimemoni. ² Mayac oyon Farisiuci yereni Jisasin amamakarani macnintire indaeno. Pukaci lo temi pani wanta wenanac yere ac antenafi. ³ Jisasin yemi tiyimemi, Mosesi newetifen ikeni tiyimirukanafi. ⁴ Yeni macnintire yeweke wemi tameno. Mosesi temi mana wainta wen anac tankarani wayuc ukareyom yo mandenaci tankaranac wino. ⁵ Jisasi macnin tiren tiyimemi Mosesi mana lo uwaranimi, newarafi ikenyicnam tiyinkan timi iken yiraci pakakara memi. ⁶ Mini mukami kukaran timi mana makakaci umacden andandauc, Goti wanta nama anasi namac uwaremoni. ⁷ Mini umuna anda fonanami wanta wen ano afom yereremi wen anac namaci wantemi. ⁸ mic nimukami yekanda manawu wanteno. yekanda ara ara wuwa wanteyau. Iyewaci mana wu wanteno. ⁹ Mini mukami nene andanda Goti akakan tenafi, iyewamana dakakan temi. ¹⁰ Mini muram namum wakomi, wenic disaiporiuc yewekeni mini wayayuc mini wayanana indikenone. ¹¹ Weni yewekemi macnin tirem tiyimemoni. Mana wainta wen anac tankaremi, mini wainta weni manda andac memwan temino. Akac yewekem ena ininam maremi.Wenamacimanda andac memwantemino. ¹² Akac anasi wen awafun yere ec ami ena wainta maremi. Weyawaci mini wainta namac manda andauc uwarem wantemi. ¹³ Yeni kipac inta akafu yoyiwikemi Jisasi wenicpa maroran okam mukuyikamo wani yiwikewni marerayomi, weni disaiporiuc yemi tiyinkeno. ¹⁴ Afo micnewayomi Jisasi wenic disaiporiuc yonaekem aram mandemi macnin tirem tiyimemmoni. Iyewac yemi dacdewako, newarafi, Gotinic inrum makusac winteno.