¹ Ten tinkono, iye anuna bainta tiyi mino namino Gotin avayani. Ike unama indike u.Gotin ike unama tin baru sikerim intemi. Iye ena iniya bainta i baru sikerim ino nami. Gotin mi endeka sikerim intemi, umma deve. ² Amuna asapa i ike unama manda e upe. Mana bainta iyewa i manda baiyani teno nami, Gotin ni indika i oremi beni ummaden bunaka i dafisin temi. ³ Ike unama osin ofika i kipa eran nani damu ranami osimi indiremi tin nayemi yintemi. Ike unama osini umma bunakai stiami nuram mi, enni benkai dafisi nonami. ⁴ Sipi bara i indeno, sipi iyen na andada bemi. Kifteni kipa yaki poni yoweke bami inke kaka i beni indinafi oran temi. ⁵ Mini muka i, ike unama umma bunakim mi tinafini kipa andada bemi, beni beyan nana apim enmi. Mini muka i, ike unama kipa ikan tanda nami iyen na yani kantemi. ⁶ Tinafini ikakem bemi, beni umma bunakim tinna visi mana timemi. beni umma den bunanki manda i em mi. Mini ikam bari bari mana uka nani ika baintemi. ⁷ Banta afasam enimori mande dafisi yone. Manemi, nuna,makaka no enimori wa, nopin kenaenimori wasi, mandem dafi danami en avaya ni inderimi avaku remi. ⁸ Afo iye mana banta ten tinafini yemande iye bayani tinoma mi, iyewa i, manda marasi mi unti kakemi banta yiroma pukemi. ⁹ Gotin iyeno tentifo ba i, tinafi toya ben avi mana yani onteu. Gotin beyani onem ike unama uwaremi. Anasi banta iyewa i manda i tiyin kacko. ¹⁰ Mini bofenke mana wai Gotin avi mana yani ono.Manda bayani, mini bofenke iyewa i teno, ten tinkuno, mini andada iyewa i apami temi. ¹¹ Iye mana masipikena nomi, avoku nonama sori nonama manakim iye ban temi. ¹² Ten tinkuno,amakaka i fiki yani, olivi ya akami iran tenafi, a? Amakaka i waine yani, fiki ya akami iran tenafi,a? Mini mukami, sori nomi iye yevekem mi aavoku nomi ban temi. ¹³ Iye ike unama kike avoku indini ducke nafi, a? E a nana i Gotin wai avoku yockam yo ackano. Eyarai dauni nurami avoku indini eni ducka nonami. ¹⁴ Mini munika i ike unama ena andu umma iyewa i ena ameno, yeva bekekai en andu tikiva i indeno. Afo iyewa i eyar apinono,mini u ma i tan nam mifo, puki baiyaya i teno. ¹⁵ Mini muka i, inaropa tena indiraino, iye wake, bananoni peyan kena baru ino. ¹⁶ Ike unama ena iniya banta yi andada wanne iyewa i um mani ameno. Yenyin indini anana em mi, mini mukami, yeni amuna manda u wareno. ¹⁷ Mini muka i , inaropa tena avoku indini manami bemi, fesifa bemi, beya ukami, antekam bemi avoku kem bemi, avaba duckemi, anticka ukami bemi. ¹⁸ Ike unama tinduti avoku junandu yodimi ante kaka nani junami tinduti ban temi.