¹ Teni Jeimsi,Goti nama iyeno Jisasi yenyi yokam baintam beci teni mana yo uwandeke Israili twelfi nantin kake mana maka acnonaro ove youni yinkecu,ayokuc kukakaren tiyinkeko. ² Tifac tiwanano,yimoyac oko umacden yamuke,macnem umaruc ikenkin yewanake. ³ Ikeye indiwackako mini amamakaruke,ikenyi lotu baruci mandemi eranuyinkemi. ⁴ Ikeye, ukukaman kinkuyeka mini umani kandau yoko, ikeye ukukaman eranina kono, micni minaci Gotini barukinkac iyewaci afafasic inakono. ⁵ Macne ikenkinke iyec ayokuc indiran afakantenafi, eca nanaci Gotimpaka indaino. Gotive amucna andandan aminanmi beni iyewaci enuni benka andandawan inan tinayouni yisintemi ⁶ Afo, mini wainta Gotimpa inantintemi, iyewakac kantan indiric ino, eran indirac mikindem marano. Macnem mana wainta karindintac bemi,mikac nomi onanami tisowasoni awekamam marorem mareren eninic mem bantemi. ⁷ Mini waintawe iyewakac indiekem Yananonka andandauc maranteko sinove. ⁸ Mini waric eyom waintauci, yeni kantan indintaci weno, beni iyewaci awakureno nene wayayukac tenafi. ⁹ Lotu wayasim beyom waintauci,manda waric ukeni yimoyac oko,Gotin okankake iyena yiwici dukeyo. ¹⁰ Micni mukami,monic wainta amami amoyintemi,macnem Goti ben avic umanan dana kuminane,newarafi benic amucna andandauc kakipanami benic pukini parawana atayuci indacenim baric mintemi. ¹¹ Aci anon karic emi,parawana atayuci ayankemi yenyic kakaruci pafantemi.Micnimukani,monic waintauc pukeni ,yenyic yokaruc mikaci yereranteno. ¹² Goti amanic muyinkeno iyeci amamakantim ukukaman erarenafi .Afo, mini amamakantim erarurem ukukeni,Gotin tiyinkarukenim ,wananawan yaumi maranteno benan indeyouni. ¹³ Amamakaruc mana waintakac yinami iyewaka macni sino,temi Goti amamakenowe,newarafino,Goti iyewaci manda andauc uwaranteno,micni mukami iyewaci Benic wantauc manda andauc okowani indeno. ¹⁴ Micni mukami yenyic yiyinton nana mana mana waintauc kimi amamakaruci yeno,minifoni yenyic indiruc umactiyinkemi. ¹⁵ Macnem mini iyana manda benim yiyini yinduntimi uwikemi,mandauci ampamemi,acka manda iyenacemi pukinanan ampamemi. ¹⁶ Ayokuc tifac tiwa nane,ikeye iyewakac mana waintawac danac umantin yinkano. ¹⁷ Umaden ayokuc andandauc nama,anteckenim andandauci Gotin kinke mana kumemi.Mini avokuc andandauci kakani yenim Afon kinke mana kumemi.Goti iyewaci weyic indiruc waekeno,macnem yimami afotafic emi yewekem omandenim baric iyemeno. ¹⁸ Goti ikeunamac tisin karukano,awokuc yaumi maranayone,macnem Wen awayasim puka indiric ure awakurewe,micni mukami ikendeka manan dandci umaden andandaukimi acnan tapatena inta ukami wanteko. ¹⁹ Awokuc tifac tiwanane,manawac indikako,umaden waintauc awokufikac urekac wayani indeko,iyewakac akakaec wayaseko,akac iyewakac akakaec yiram baruc marako. ²⁰ Newarafino,wantauc yiram baruc eni iyewaci awokuc andandauc Gotin ayeninuc uwaranteyo. ²¹ Micni mukemifo ikeye,umacdem manda andauc ekac dako.Ikeyarac umanan dekaci,Gotin awayayac marako,iken yinduntimi denim wayaye,mini wayani amankaci ikemi yofa inteno. ²² Ikeye Gotin awayayac awakuroko,akac iyewakac wayanana indeweyom baruc dukako,akac ikeni wayanana indec beci,ikeyani umakuci secbano. ²³ Mana wainta wayanana indembem iyewac awackuremi,micni mukeno,mana wainta wen ora asikuci mirakimi oneweyonic meno. ²⁴ Mini wainta wen ora asikuc ayokufic urem onaremi akac icnayemi maro awimikemi. ²⁵ Akac wantauc awokufic ureni lo oneyouni yeyani utufeno,akac minikim pawem micnemi,iyewaci indiren anana inteno.Goti bemi awacba mintemi,nene andanda ukac marantenafi. ²⁶ Macnem mana wainta lotu waya indemi akac ofenkac iyewaci dafisemi,afo beyani umakuci tikem bemi,akac benic lotu waruci payanic memi. ²⁷ Gotin okankac pukasire lotu wayayuc indewe,asoc intauc nama asesan ininanuc,yen yiwafu puke youni,yenyic umarukac tasaseko.Mana makaka manda andauckim antekekaci,holi wantinac bako.