¹ Peyukami Goti ike unama tinafu tikakaruc namai asemi, beni yokam baintau yofenke amucna asapaci tiyimemi. ² Yeweken arasac nurane, beni ike unamaci beyakac ofenke tisi memi, iye beni uka urukenaci umaden andada maran tenafi. Benka manan umaden andada Goti mana makakac uwandam bemi. ³ Mini inta Goti nic iyena kakan yocyi kemi, yewekem beyac baci Goti kem bemi, beni masicdem bayani beni pakaru kemi, icnayemi sini yokani kipan temi. Afo beni make iyena kimi ayan kukamapai yami kuman temi. ⁴ Awici mandemi mini wici awokufi kuka memi. Ensoro maci yean kakemi. ⁵ Iyena Goti ensorouc kani temi, eni make ten tikaci banaci make enafom batekafu"? O Goti inken ensorou karac tenaci, "Teni benafom bantec, akac beni tenti kaci bantemi"? ⁶ Akac yewekemi, Goti acnarinta mana makakaci demi, Beni temi, " Umaden Gotinic ensoro benkakaci dotuc oko." ⁷ Macnin tiremi benac oni ensorou tiyimemi, Benanam ensorou yic spiriti uwaremi, afo beni yokam bainta ikafoni demi." ⁸ Macnin tiremi beyaka tamemi kin sia eni dam benon temi, Goti baric baric mana ukemi. Eni kindomi awoku banana unti kakemi. ⁹ Emi awoku baruc mana ankaram bemifo. Manda baruc afon kemi, micni mukami Goti empaci basa femi acankemi. mini en ankanda bacyi rukemi anaon amoyukam mino nami. ¹⁰ Iyeno peyukami mana makac bemi andada uwanan dam bemi. Inarumi en ayan kimi ampamemi. ¹¹ Yeni kakic mante nofo, eni pani bano nami. Yeni umademi dakakan kamuna inteno. ¹² Yemi mati foni yako yinkaranani, ara kamuna ufeke yoni mineno. Eni micni mana mukan nonami, enic orande iyen kipan temi. ¹³ Mana nurami Goti beyic ensoro tiyimemi, tentiyam kukapac kuman dinakaci enic namuko manam en akantim dante kafu? ¹⁴ Umanden ensorouc yokam mare yafo, aka iye urenai yofa intenafi, yen yiwic karan tirukenin inya waintau?