¹ Teni Pori, Gotinic ayintaci Jisasinic yokam wainta beko. Teni tandeke antekeyon iniya waintakimi deko, Goti beyare siruke Efesasi beyouye. Miyi uni bilivice Jisasinkim ukukaman eraruka- uye. ² Ikeunamac tifo Goti wac Jisasi kandayic awabaka, nanayirasen ikekimi wanteno. ³ Ikeunamac Gotin avic yani ono, beni ikeunamatic Iyeno Jisasin afom bena. Beni inarumpate awokuc blesin dami ikeunamatic Spiriti tasaseno. ⁴ Goti aci ikeunamac makin urukano benic anasi wanta Kraistim poye, mana maka iye wanine, Goti ikeunamac makim murukano ben okankac anteke umandac iye dukeyo-uye. ⁵ Newarafi, Goti ikeunamac ayikaran emi aka beni ikeunamac mandekem yakakic meno Jisasini yokantoye. Goti minenimi benic ayira awokuc indintoni micneno. ⁶ Mini andaka ikeunamac Goti avic yani ono nanayim timem awokufic usinken ninare, Jisasin avictimi mini uwareno be yukam ayewam intawe. ⁷ Jisasinic narefoni Goti ikeunamac aya uremi umacden sini daon tinkeno. Mini micnenimi, newarafi beni nanayini untikeno. ⁸ Beni mini nanayini bacyi ekem ikeunamakimi deno awokuc indira baruke. ⁹ Goti beyic ayofakan indini ikeunamakimi mandekem afotafic eno. Beyic ayintaci mini andanda eno ikeunamac yotikeno Jisasin kekayasac mareni yokare. ¹⁰ Beni indinkeno mana kukakanta umacden andanda naman manakin dananine, mini mana makaka kena namac inarumpatena andanda namaci Kraistin anonic inteno. ¹¹ Peyukami Goti makin urukano ikeunamac Kraisti namac manakim banoware. Beni mini indin dukemi umacden andadac benic ayintaci eno. ¹² Goti macni murukano, ikeunamac ayumbec benic kakan yani onoware. Ikeunamac Jisasinkim biliviec ben awakure wanuni acnari ukeko. ¹³ Puka wayani ike enuni indano, mini awokuc bayani benim boni Kraisti ikemi yivikeno. Ikeni Kraistikimi bilivic omi beni Holi Spiriti makin ikenkimi deno, mini be promisi onine. ¹⁴ Holi Spiriti ikeunamac anteci rem Goti timirani promisi urukenimi yotikeno. Afo mini andanda ikeunamac kimi ampameni narac ben avic yanic ono. ¹⁵ Afo mini andafonana kukande iken kinke bilivi bayani indeko Iyeno Jisasine, antekenim awuc awac eyon iniya wainta ukani Goti beyare sirukano. ¹⁶ Teni taumac iyen deko Gotimpac tukam'muke tusu sekunawec. Akac tentic tukam mukin ikempac beno. ¹⁷ Macnin tire tukam mukeko Goti Iyeno ikeunamatic Jisasin afo iyena kakantimi beno, beni amankaci awokuc indira baruc one indeyom Spiriti yimin teno, nec afotafic en ampamin tena ikekine. ¹⁸ Macnin tire tukam mukeko iken yirapinkena bukami amankaci okam mukanteno, akac Goti ikeunamac uwantinkenimi amankaci onana'kono. Macnin tire tukam mukeko ike awokuc andanda Goti beyic anasi wanta yimiran tirukenim indikako ware ¹⁹ Macnin tire tukam mukeko, ikeni amankaci Gotinic iyena erani onana kono baric baric mana mukem minim ikeunamac tasasem iye'uyac benkim bilivi eyafo. Gotinic erani ikeneunama kimi eran yokaric memi. ²⁰ Mini eran nanam peyukami Kraistin kimi yokemi. Goti masipinke ukuka ankaremi avikem inarumpaci maron dami ayan kukampaci kumandemi. ²¹ Beni Kraistimi mandekem yanukami demi anonic ukeyom waintauc yicnonkaci, kamani na andanda erani dukenina akac eran Spiriti wacsem benim yenkaci anonic eno. Kraisti beni umacden andanda kaci anonic minteno make namac icnayem namake. ²² Goti umacden andandan Kraistin akantimi dukano, aka mandekem mam mac anonic meno umacden andandaka antinoware. ²³ Mini mukami mam maci Kraistin om beno, akac ben umacden andanda kimi beno aka untikan keno. Akac, beni untikan keno benic mam makine.