¹ Ike iyena waiontauc ko, ikenyic yokam waintauc awokufic uken antekenim anecne ukaci yimeko. Aka ikeyabac yewac bekec indekop, ikeyabac ikenyic iyenomic inarumpaci duci kano. ² Ikeye umac den nuranaci yukam mukec bekaci iyewakaci Gotin tususi anlkan timi yifokano. ³ Akac yenamacbakaci yukam muku sinkewanaci Goti ona dicin karanakaci yesun awaya tiytimeno, penic ayofakem monino. Mini bayayaron tirenic temic manon daci karafusic ukeko. ⁴ Akac yukam mukeke macni wac tirec muko sinkako, aman kakac benaci bayanic awokuc tiyimiric kac ino. ⁵ Awokuc awuc awakac Lotu iyeteyom iniyac waintauc yocyikekaci ikenyic taimic awokuc usinac oko. ⁶ Akac enawayanic awokufic kac enaci, aseyac ewanawac, akac anasi wantrauc yiwaya yeweke tiyimin timi aman kafic kac ukano. ⁷ Tikikusi masidem baya yukami tiyimin teno mafaci ten kimi ampamenicne. Benic ikeu namac tifac tiwa bem, Gotinic yokam wainta bemi akac yesunic yokarim beno. ⁸ Teni bemic tankanamic yeno nec yenamac kimi ampame nafic minic indewana, beyac iken yirac manar erarino waree. ⁹ Tenic Tiki kusi nuc onesimusin kanda Gotinic awokuc yokam bainta wenic akac ikeu namac tifac tiwanamic baci tiyin kanani yeyo. Yenic masicden anecne yenamac kimi mafaci ampamenimic ikemic tiyic minteyo. ¹⁰ Aristakusi mic awokuc nuranen tiyin keno, makin dec namaci bemic benic Banabasin afac awam beno, mic banic ikemic tiyimireci teci ike banakopac yicnake awic marac dakon tekunowe. ¹¹ Akac Jisasimic awicden Jastusinen teyo namake, yenic Judac waintauci benic tenamaci mana yokaric meyo Gotinic Kingdomic ukuc karanic yenic temic awokuc tasa ukamteyo. ¹² Epafrasi awokuc nurane ukamic tiyinkeno, benic iken kinkem mayam bemic Yesuni yokam baintam beno. Benic ikemic eram bukanu kamic muku yinkeno ikenyic bilivikin eraruec ukukeka Gotinic ayir awakuro koware. ¹³ Akac ben onanamic ikenanic anono yokaric kukam meno, akac Laodisia tauni kimi beyou namac, akac Hierapolis tauni kimi beyou nama karec. ¹⁴ Lukinewe mini doktami yenamaci tiyisinkeno, beyuka Demasi kankami awoku nuranen tiyonkeyoikene. ¹⁵ Akac temi tiyenimi ikeyac Loadisiac kena tifac tiwana namac nimfac namac Lotu maci bena amac acnakaci beniu yaci tenic awokuc nuranen tiyin kekunui maro tiyimeno. ¹⁶ Afo iken yirayac mini yoc yandarec onareke, ec ayaci Laodisia Lotu makim makaci yande wakac ikeyac bakac yandarekac marec Laodisiac boko. ¹⁷ Arkipusin taminaci mini yokanic iyenon amenimic awokuc dafisiric kac enaci mini yokani awoku mararikac ino. Mana awokuc nuranane tekunawe teni Polimic te tiyamponi tareko. Tenarac indirewac okanac muku sinkano, karafusi kimi beko. Gotinic awabaic iken namaci banteno. ¹⁸ Awokuc nuranen tekunawe teni Polini teni toiyam poni tareko, tenarac indire kaci yukanac mukusin kako karafusi kimi beko Gotinic awabaci iken namaci banteno.