¹ Jisasi owekem yinanin yamu , wenamaci o manakaci wenamaci warunteci , yewekec ten tifatiwaunano , ikempaci inda onte. ² Mini nuran yinate , dac dakeya umaraminte Yaune , Spiriti kinkefi, bayasinkefi , ofan yo kinkenan manan ikenamackimi dante , mini aci iyenoni kukakani aci yewemi. ³ Iyewakac ecan eno awikem Manda asapac winowe. weni yamirukemi iyewaci owekem yintemino . Manda manan wenkim untikakami , umani marantenone. ⁴ koctimi manan payanic muremi , weyani manan Yanic minteno . Micni mukami , weni Koctinic Mamakimi kumandemi weyani temi teni Koctin wekon tinteno. ⁵ Eni iyec mini omarec indewa , teni enamac wakuna nurane mini wani tamemokumpe . ⁶ Make indeno nec wemi pukawanaci wenic awoku nuram manan yokanteno . ⁷ Iyec indikec ona Ake wayani make aciyokem wemino . Mayac eyouni wemi pakante nofo , weyic ayintaci winteno . ⁸ Ake Waya iye indikeninkimi yokanteno , Jisasin wenafoni Weyofenken wayasinken arinyemino iyeno wenafoni manan payanic uremi yemanan kipan tapac maro weyic kuminta danteno. ⁹ Ake Waya iye inde youni , bananonic yokaruci marenone , wenkinkena erani mandeni andanda afotai uwaranteyo. ¹⁰ Mini Manda Waruci , iyen iniya wainta yeni mandaic eyafo yenyin dauci wemi, yeni tasasin Wayani, Puka wayasimi awokuci wenimi iyen dukenone. ¹¹ Mini andawani kocti tiyinkemi temi , Yokar arewa,umac awakurano uci wanano. ¹² Wenic akami , macnimukeno , yemi mandemi daiminteno , puka waya iye awakurina youye manda kimi wanteyo. ¹³ Micni mukemifo masicden nuranac koctin pac tusu tiankano , tifac tiwao , iyeno narac ayiwakano kocti emi acnan tapac tena yunan akami tasasintimi mananduka yami Spiriti kimi eranuemi waya maranonam. ¹⁴ Weni emi yam wainta awayasimi aramandemino, micnukaya iyeno Jisasin kinkena kaka marano wani. ¹⁵ Micnimukemifo , tifac tiwao , ukukaman erarewaci eraracu urewac pakano ne wayaysc emi tame kafu , tofenkefi afan yo kinkefi. ¹⁶ Make eca nanac Jisasi wenafo namac Kocti namac ikenamakani ayi kami wanana wami awokuc nanayini yiminteyo. ¹⁷ Nanayin anduntim wanami , umacden awokuc yokara waya yuci enkimi wanteno.