¹ Het mani i Bilivic ewayon inya waintauc namac, yeweke yenyika fandauc namakaci Pasi taremi, iyenaci teni puka wayay andun timi awakurekafi yeweke teyawaune, yerande umacde ukami mini puka wayani indi kano. ² Newarafi, puka wayani ikeunamac namaci bemi yeweke beni iyakaci ikeunamac namaci baric baric manam ukanteno. ³ Nanayira, tikunowa yewekec awokuc yinduni ikeu namaci banteno, Gotiva yeweke Jisasin Kraisti Gotin akac puka bar andunti namac akac puka laikin neyon andunti namake. ⁴ Teni timoyukam meko yeweke teni afakarec yonanaye mayac on intauci puka wayasimi beyo, mayau sifo Gotinic Lo bani marakeku nawe. ⁵ Make teni emi timou ankeko, oyan Lo teni uware kunakewa Anasi benane, Micni mukami peyukami ena Laikinan bani ikeunamaci dukac umpe. ⁶ Gotin ayeninaci ikeunamakim banakaci bekaci yeweke mini awakurono ne Lo Goti ikeunamac onowani bemi ayenafino. Mini Lo eni peyukami inde onawe 'macne eyac mini kakac bonowani tirukenine. ⁷ Yeweke amucno umac wainta mana maka acnon kaci oreni, iyevaci yeni Jisasi Kraisti beni Gotin akaci yeweninani awokufic ure baya amandare tiyimenone. Miyiuni umac Profeti uci benone. ⁸ Ikeyan yonako, ikeunamaci yokekuna andanda wani iyewakaci yivinkako, yeweke ikeni umacden ayaci mara nakono. ⁹ Iye uyaci bani beyaci yeweke Kraistinic Sikuruc baya simi iyewac ukukaman erareyafo, miyi uni iyewaci Gotimi dukeyo. Yeweke maya iyeci mini Sikuruc baya simi ukukaman erarintefe, mini wainta i benafon namac benakac namaci dukanteno. ¹⁰ Yeweke mana wainta empac yeremi iyewac mini Sikuruc baya mandem ikempac maren yene, iyewakaci bemi awikec iken yimapac orekaci yeweke iyewakaci awokuc nurane ti ankako. ¹¹ Maya iyeci bemi awokuc nurane ti ankan tenafino. beyac baci mini waintanic manda baruci uwareno. ¹² Teni amucna andandan dukeci ikempac uwandanami yinteno, teni iyewaci amankac uwan danami ikempac yinteno pepaka penifo yasewe. Yewekec mana indiric meko tenafu yerekaci, iken yura yunekaci yewekec baya seno, akac ikeunamatic timoyin dac bac untikano. ¹³ Enic Sistanic anintauci eyani ukac de onouni, emi awokuc kukakaren ti ankeyo.