⁴ Tifa tiwa oeye ayufunkina wananaino mana nurami yin temino umo wainta yeni yiric mintemino. ⁵ Ayufum anda kim keno wac wananaino.Ikeye kakac keno wamino. ⁶ Enuni eyoni ec iyewa tum wakano,yera kaci tukam make kaci dafiseno. ⁷ Ayufum waranono orac wara, non nara indinono nona nac. ⁸ Afo ikeonamac kukakenin kim wanteke,ikeo nama dafisec eran indin namac awawac nama mande timukusac yakoyo,minekaci aum maran mandeke tinokakena atakikaoc. ⁹ Kocti ikeonama mandeke aran andanda kina dukanano,Kocti Jisasin timenimi ikeonama owekem tiwikar ani uwisemi. ¹⁰ Ikeunama ukukakan tekafu o tura dukan tekafu,weni ikeonamac karo tiremi pukaci makimi wanteko. ¹¹ Mini mukemifo wani weko wari ekaci wen dafisin wen dafisin oko. ¹² Tifa tiwao iyeci ike namac wenaci yokani maremwenafi, eyic ikenkim wenaci tiyime wakaci koctini yokam marekafe . ¹³ Awawac poyaci anon tusuwa teko yenyic yokarare, nanjayin namakac wako . ¹⁴ Tifa tiwao emi tameko, wayani iyen indeyo tiyimeno ananac waric ukeyouc yac indira yimeno , eran iye dukanani nac ofa ewaci yenamac nanayin wari kac ono. ¹⁵ Eno manda uankanaci iyewa yeweke uankac, umadenaci yeweke awokufikac uyinkano. ¹⁶ Umaden nurami amoyac ono. ¹⁷ Umaden nuranaci inara teno. ¹⁸ Koctini ayinino umaden andanda waraci tusu wac teno. ¹⁹ Holi Spiriti umac iyewa umac tiankano. ²⁰ Wayani iyewa anankayo . ²¹ Umaden andanda amamac dewaci awokuc wanani naci awakuro. ²² Manda waruc oyenaci ameno. ²³ Awawa Kocti emi mandekemi antekaran intemi, minec wami mana wuc namac spiriti namac timan namac Kraisic owekem yinaninkaci awokufic usinkan temi. ²⁴ Areninkakaci anduraci munkono, wenanan uankan temino. ²⁵ Tifa tiwauko mayau yawakaci inan tisinkako. ²⁶ Eyafac awanam awoku nanayin tinke yiwikac. ²⁷ Iyena awiti naci tentifac tiwanam mana wayayaci yandaman tiyimeno. ²⁸ Koctini awawac ikenamaci wantemi.