¹ Seni macni sirec yinda irare, Kocti beyic anasi banta acnainic uyimenafi? Iyevac mana ino. Seyacbac i Israelic bainta becumpe. Abrahamin ana vac Bejameninic nantingke. ² Kocti beyic anasi banta acnainic iye uyimintemino. Feugami yenani inde vamino. O yigeni iye indirukegac Ilaisa nana Koctin avaya kim ma sigam. Ilaisa ma ogam mungkintim ma Koctim pac Israeli inin acbasi ma koc ma siyingkenimi. ³ Macnin sirem sem, "Iyeno o yeni enic yogam baintauc yirumam fucdeni, enic kanda yauc ugacda vagacdac enone. Mage seyagac i baunani sirirani sifakanonone." ⁴ Afo nevec sirenac i Kocti Ilaisam sasamenafi? Macnin sirem sasamemi, seni bani seven tauseni bainta seyaran dec ugacdaunam beno yeni iyen yigonoyam angkare umac kocti bali kac mam iyen senone." ⁵ Micnugami, magevage manac a inin bainta Kocti beyic agun anecne foni ugac demi mandam beyindac em. ⁶ Afo beyic agun anecne foni yevegem yivigemi, yena yogam maran foya ino. Iyeino. Afo yena yogam maram fona yivigene, benic agun anecneve fayar anecne intem. ⁷ Nevec sentecyarafu. Mini avucavac gani Jusi inin acbasi afagevanofo, iyevac mana marenone. Afo Kocti ma ugacdukagenim inin bainta mana mini avucavac yengkim facbaremi. Umacde mano yenyindumi erar ugami ugagem. ⁸ Koctinic yogim ma agantangkac i sigemi: "Kocti yemi mandan banta ma ongkac ma duganic urem, yogam mandan ayufun nannan urani andanda iyen onantenone, yagam mandan korani baya iyen indintenone, mage mana nuram bac manaic ugemino." ⁹ Afo Deviti vaci macni semino, "yena yeuyuena yunam narar inayom nurami mini yunam mano yenyic bam buemi safura ma areninic intem. ¹⁰ Mini i yenyic manda avucavac kac i mini umani yengkac facbarintem, afo yogam bac mandan ayufun nannan uranayac i anecne iye onac, yigoum bac mandan ugacdaranayac i iye ukukago. Micni bantac mana sipac pago." ¹¹ Mage seni macni sirec yindairare, "yena umantim yandone, sipagac yandonac i mini uman nano yemi mandan magapac davacenafi? Iyevac mana ino. Yena yadon foni Kocti mapackena inin acbasi yivicmam besacpa demi. Micnuranaya Israelic inin acbasi mini avoguc avucavac onacdeya yiyandanaya yiran anecne maragovani. ¹² Afo Israelic inin acbasi ma Koctin acnan amin foni Kocti umacdem mana magagac kena inin acbasi avoguguc uyingkemi, afo yena Koctinic avucavac ma ecam foni Kocti mapackena inin acbasi avoguguc uyingkemi. Micnugami Israeli inin acbasi ma ovegema Koctim pacma yeye Kocti umademanomi avoguguc uyingkantemino. ¹³ Afo mapakena inin acbasi yigenani mage seni sego, seni Koctinic yogam bainta yigen yicbanapac ma yoge bauno, seni mini yogam ma marebouna vani anon simoni ego. ¹⁴ Nevaraino micnuranayac i sentigonougic indin mandan ugukarana yac i yiganda mini avoguc avucvac gam. Micni avucavac uvwandec i manac a ovegec yivigantec u. ¹⁵ Kocti ma Israelic inin acbasi ma yiyingkaman dam foni mana magagac kena inin acbasi mandan besac ipandaman demi. Micnugami Kocti ma Israelic inin acbasi ma ovegem yivigene, yeunamac omarecyam indigec yamupe fukena matikim ban inin acbasi mandan oyanic uyinkantem. ¹⁶ Afo nacintenafi acnarugama yunankinkena witi agam ma mande Koctin amimi, mini i macsicdem faruam upiaganuc bac i benindac intem. Afo yayanuc ma anteckanami yay ayamanuc bac i antekantem. ¹⁷ Afo manaca avoguc yay ayamani akecyareni acnenone, afo yigeni upagena afasam olifi yay ayamanuc, avoguc olifi yay ayaman kim maro agakemi avoguc yunam maranamino avoguc olifi yay anuc kinke, ¹⁸ iyevac eyarani avoguc yay ayamane sire eyavic mare yanic o. Afo ena eyavic mare ureve, eni yay ayamam manova yay anuci mandan erara ananaino, iyeino yay anuc manon emi ayamani fakaman erar uankemino. ¹⁹ Afo yigeni macni sinagomi, "avoguc yay ayama ma ugacdem kumin foni seni minigim maro agagec umpe." ²⁰ Mini i fugaugamino. Nevaraino yena erar ure Koctin iye ugorom foni yay ayamana ugacdem kumeni an denone,"afo eni ukukamani erar onamino eyic erar ugorin foni. Eyavic mare yanugam iyavac uro, feganovacdec. ²¹ Omarec indego, Kocti basegena olifi yay ayaman ugam anon kac ecam iyen bagemino, embac i micnintenino. ²² Omarec onegac indigarac ogo, Kocti avoguc avucavac bac erar avucavac bac i uwaremino. Micnugami, Jusi inin acbasi ma yicnainic uamem foni beni aran anecne yenkac facbaremino, afo Koctinic avoguc avucavac yigen kac facbarintem, fana benic avoguc avucavac kima bami. Afo micnima iye ugeve embac i yay ayaman kacnac i akecyaman acnintem. ²³ Afo bana akecyarukakenim yay ayamanuc ma ovege avoguc avucavac kima yefekami, mandani avoguc yay anogku kac i agagantem. Kocti benana amagkac mandan agacying kantem. ²⁴ Micnugami, indin kamino, yigeni afasam olifi yay ayaman kacna bami Kocti mandemi avoguc olifi yasac agac mandem. Afo Jusi uge yeni avoguc yay ayamani bami sefo, yevegemi mini ayamanuc mandan avoguc olifi yasac agagantem. ²⁵ Sifactiva ugo, ananigim iye vagovare, seni yigempac mana opac baya siman facbarirare, micnagec yigeyarani anon indini dukecyamumpe sinagonani mini opac baya siman facbarirare. Mini opac baya i manac a Israelic inin baintauc yindun i erar ugagem. Micni bantac bami Kocti mapac kena inin bainta bena ugac dukagenin denden yivic danami benic anasi banta kim yefegantenone. ²⁶ Mini asapake Kocti umacdan Israeli inin acbasi yivigantem , ben avaya kima sigankagic intem: "Yofaim bainta Saionike yintemino, Yegopin angunkinke ma Koctin avaya ma iye avakure na ben avaya ma aran acnami beni yofaurem mini avucava guc yomandan acnintemino. ²⁷ Afo mana baya mage yenamac i undandec umpe, umacden yamuc mini baya gac mana ugukaec i yenyic kumic andauc yomandan fasac acnontec umpe." ²⁸ Jusi inin acbasi amucno Koctin avaya vani namugoc enone, afo Kocti yige mapoakena inin acbasi yivigarani mini avucavac yengkim ecam facbaremino. Micnugemifo bayugami Kocti yemi ugacdaman demi avacbac uyingkemino nevaraino,Kocti yenyinacu unam nan omaren indemi mini avucavac uwaremino. ²⁹ Koctima banta anasi ma yararemma avoguc andadauc yimin avucavac i iyevac mana kipatem. ³⁰ Bani yigeni Koctin avaya arin inin acbasi bagegomi, afo mage Jusi inin acbasi ma Koctin avaya indire iye avakurin foni yigenkim Koctinic avacbac facbarem. ³¹ Micni asapake mana Jusi inin acbasi Koctin avaya indire iye avakurevanone. Afo yigena mini agun anecne marane mage yeyacbac i Koctinic agun anecne marantenone. ³² Kocti baya arin avucavac ecami banta anasi yigankac oraime yeraime emi nevaraino, beyic agun anecne umacden inin acbasi kac mandan facbariranino. ³³ Fugaugane, Koctinic avoguc avucavac bac benic avoguc kumandin bac benic anon indire uwikagarac ugami ugem. Mini avucavac kugam omareyam agankarecyam indentec yamumpo mayausi indiruc i maro afafagic intemino. Koctin avakurin a yacbaga avoguc indin anuc agankare afakam avucavac gam maro afafagic iric mana otec yamu. ³⁴ Afo iyec i Koctinic indini onacman kakagenac i bemi indir amenafi? ³⁵ O iye i acnantapac Koctim andandauc amicdukanac i, Kocti mini ayac bemi yevegem andandauc amintenafi?" ³⁶ Bevapake vac bengkinke mana masicden anecne facbarugemino. Ben avic mana masicden nuram yanic (ec bano) osuano. Fugai.