¹ Mini yamu kimpai, yevegemi amuna bantanas yec uyeno, yeni yunam nanayom iye dukageno. Jisasi beyic yogam baintauc yararemi yemi yiyimemi, ² "Seni yec uyugam bantanasi vani sigu anene man'yigego, yeni senamac kanta manavac nurani ureni becni yunam iye nenoc. ³ Seya yiyikanaya yeyi mampa yunam iye naram beyec,yeya asampa beyec o yanditeno. Maya'ac neckage yevenoc." ⁴ Beni yogam baintauc yevegeni bemi samenoc, "Igenifatec breti mandeyac mana bantanasi yimiya nateyafoc, banta iye vampa?" ⁵ Jisasi yemi inda emi, nadec breti yigeni dukekac?" "Yeni seni Seveni'ac dukeyaroc." ⁶ Jisasi bantanasi yiyimemi magagac gumando bogo. Beni sevenia breti mademi susu sirem kidiremi. Beyic yogam baintauc yimini bantanasi yime beno. ⁷ Yeni mana'ac noyaba dukamimadem susu siremi, beyic yogam baintauc yiyimini mini noyabac mandeni bantanasi yimeno. ⁸ Yeni nami yimu dani, neyac yereran arac yunanuc yureni seveni'ac iyena unakimi badeno, ⁹ Amaka foc tauseni bantanasi nenoc. Minuremi beni yiyikani benoc. ¹⁰ Agaka ugami benic yogam baintauc nama ic kenukim inda emi, afo yeni Dalmanuta magufac benoc. ¹¹ Lo indim baintauc yereni Jisasi namac bayayuc senoc. Yeni bemi inda'eno, inarumpatena eran uwarana onarani, bem makasirani. ¹² Jisasi beyic ayoc intagim uman mandemi sem, "Nevarac mage beyom bantanasi andadac uwaranovam inda'eyafoc? Fuga ugami seni yigemi yiyimego, mana eran iye yimintemi mage bam bantanasic." ¹³ Yem yere yickaremi,kenukim yevegem adu'emi ena avafac bemi. ¹⁴ Jisasini yogam baintauc yivim kareni breti iyec mare benoc. Yeni mana bretiva kenugim iye dugakenoc. ¹⁵ Beni yemi yiyimemi, semi,"Fayac dafite bago indim baintauyic bac Herotini yisivam." ¹⁶ Jisasini yogam baintuc yeyirani baya sec ore'yerec eno breti iye dukeyo'nani. ¹⁷ Afo beni minivam indiremi, beni yemi inda'emi, "Nevarac breti iye dukanam bayayuc sega? Yigeni iye onec i iye indamic? Yigeni indini iye dukaminoc? ¹⁸ Yigeni yogam dukamifoc,iye onami? Yigeni yagam dukamifoc,iye indami? Yigeni indegafec? ¹⁹ Seya manac yamam breti manac yamam tauseni bantanasi nama kiduna, nac'dec unana utikagam breti arayuc marege?" Yeni seni, "tolfi'ac." ²⁰ "Seya seveni'ac bretiva eriyevam tauseni baintanasi namac kidunave, nac'dec unanac breti arayuc utikagam maregec?" Yeni bem sameni, "Seveni'avec." ²¹ Beni sem, "Yigeni onde iye indamino?" ²² Yeni Betsaida yereno. Mifac beyom baintauc i ogam afakam bainta avige Jisasi vampa yereni sameno, ben ayoka inovani. ²³ Jisasi ogam futigam bainta ayanka fakaremi avigem magusinge mapa kundemi. Ben ogakac agano kutiremi ben ayam benka demi, Jisasi bemi inda'emi, "Eni andadauc onefonoc?" ²⁴ Yanafac gaka'emi sem, " Seni bantauc yonegoc yeni yayuc kana i orec yerec eyo." ²⁵ Enayaba i beni ayam ogakadami, mini bainta ogam magemi,ben ogam ayogugu imi, maside aneneuc ayoguc onari emi. ²⁶ Jisasi ben sasagam benac mapa bevami, samemi, "Magusim iyevaga bonoc. ²⁷ Jisasic beni yogam baintauc nama i Casarea Filipic beno. Asapa bemi beyic yogam baintauc inda'emi, "Bantauc senani iyene sireya seyafoc?" ²⁸ Yeni mani sireni bemi sameno, "Joni nom manyigevayic. Mana'ac Elaijavec senoc,' aka enoni seni, Manac profeti." ²⁹ Beni yem inda'emi,"Yigeni indi egec seni iyec begafuc?" Pita benani semi,"Eni iyenoc banami." ³⁰ Jisasi eran bayani yemi yiyimemi enouc iye yiyimegovani benani. ³¹ Beni gukademi yiyimemi, bantagac amuna umaru i maratemi, yinom baintauc namac manka dafitam yinom baintauc nama loc indim baintauc bemi yinaimi ameno, ben arumam fudami, kanta manavac nurami ukukatemi. ³² Mini baya afota i yiyimemi. Afo Pita Jisasim avimam avafac demi asem'mi. ³³ Jisasi bai'emi beyic yogam baintauc yonaremi Pitam asemi, "Sinaimpa yanka onoc, Banano'noc! Eyic indini Kotini andadaukac iye danami, bantauyic andadauka i eyic indini danami." ³⁴ Minugami bantanasivac beyic yogam baintauc yaramam managim demi, beni yemi yiyimemi, "Iyefic sena sivagurintene, beyam avikarena, beyic kekayac mandena semi sivaguric. ³⁵ Iyefic beyam ofa'irara indene, beni oyoc kantemi, iyefic sen sivigim bac mam bayagac ben aum oyogene, beni iye gakiam aumi maratemi. ³⁶ Bantavac mana magagakena andadauc dugatemifoc, mini bainta i oyoc kantemi? ³⁷ Banta nec meyana yimitenafic ben aum ovegem mararani? ³⁸ Magec beyom bantanasi iyefic senarafic sen sivayavam yiyoreyec, Bantaga i benani ayoritemi beya beni ategam enseliuc nama beyafoni eranama yinanicka."