¹ Jisasi kanukim acdemi mecyan ofac oremi beyic magufa bemi. ² Yeni o fukam bainta yubasikac dukani abike yeno. Yengic indim onaremi, Jisasi mini ofuka bainta samemi," Sentikako, amoyono, enic manda anda kipa ankecumpe." ³ Manaca afan akereyou baintauc yereni yeyirani sire indireni seno, "Mana bainta Iyenomi madaic siankemi." ⁴ Jisasi yenyic indim yonaremi semi, "Nevara yiken yinduntim manda indiri eka fono? ⁵ Afo neve senu, enic manda anda kipemino ukuke bono senuno?'/ ⁶ Micnugami yikeni indinonami banta akaci erani dukemi manda andauc mandani anintemi, beni mini ofukam bainta samemi, "Ukuke eyic yuwasic mandare, eyamapa bono." ⁷ Micnurami mini bainta ukukemi beyamapac bemi. ⁸ Amucno mini onareni yinducdureni Koctin avici yanic eno, beyic erani banta anasi yimeninani. ⁹ Mini kake Jisasi yankakem bemi onanimi mana bainta ben avici Matiu, moni mareyouyic seri mackimi kumantami. Beni samemi, "Sen sibakurono." Beni ukukemi abakuremi. ¹⁰ Jisasi mini makin yunan naran kumantani, takisi mareyou namac manda anda bareyouni amucno Jisasin namac benic yokar baintaunamaci ye kumandeno. ¹¹ Farisiuc onareni, seno, "Nevarac yikeyic tisa takisi mareyou namac manda anda eyou namac yunam nenafino?" ¹² Jisasi mini indiremi, macni semi, "Banta anasi aci iye dukanani yotam iye onantemi ac dukayi mana onantemi. ¹³ Mana neve sikenafi eni bebaci onano, 'Semi siyenimi agun anecneino akonke bayaino.' Seni antekeyou yarana yere yindum baekakobara yekauno, manda ando eyou yindum bae kakobani yecumpe." ¹⁴ Jonini yogam baintauc be bampa yereni seno, "Nevara mayauni Farasiuc namac masicde nuram yunam ece ka sukamukega funo, afo enic yokam baintauc yunam ece yukam iyem mukeno?" ¹⁵ Jisasi macni siremi siyimemi, "Bayic eyouni amankakac bayika yebau akun anecne bantenafi? Afo mana nuram yintemi, bayic inanim bainta yenkinke binani yuyam eceni yukam munkinteno. ¹⁶ Mana bainta oyam unambadoni iyebac feyam unabagoda dantemino minurami dakagatemi iyenagaci dakakemi anaintemino. ¹⁷ Mini amakankaci anasi banta oyam waini feyam anamuntimi iyebaci danteno. Minurami mini anamuni fotinami waini bacyinami mini anamuni anaem kayintemino, micnugani oyam waini mandeni oyan anamuntimi dami waini namaci abogukac bantemino. ¹⁸ Jisasi fa mini andaugan siyimebani mana dafisim bainta yeremi agon noyam ankaremi semi, "Sentiramumi mageuami fugemifo mare ye oreva e ayam benka danana uguckano." ¹⁹ Afo Jisasi beni ye ukukemi abakuremi bimi, benic yakam baintauc baci acnaem beno. ²⁰ Onago, mana ininano 12 orandegaci anasiuyic aci dukayi Jisasin acnaempa yeremi beni bacdo arani ayogac emi. ²¹ Mini ininano beyani semi, ''Sena benic bacdo ara ayogacureci seni asofantecumpe." ²² Afo Jisasi mini ininano yobaicemi onaremi semi, "Siramuno, sadake bano, en andum munkinano ofa ini maranamino." Mini yamukukami mini inini ofa ini maremi. ²³ Jisasi mini dafisim amakim undem yonani, amucna inim baintauc namac ufenuc areyom baintauc namaci beni kunicebano. ²⁴ Afo Jisasi semi, ''Marecbogo, mana aginta iyebaci fukemino, fani oni dukemino." Minic seninani amaruankareni imi siankeno. ²⁵ Yeni mapa kumeno, beni naumpac undaemi mini akinta ayam um pakarami mini aginta ukukemi. ²⁶ Mini baya mano made kika ben yemi. ²⁷ Afo Jisasi mikake bemi, kantan yukam avakam bainta abakureni beno, bacdeni seno, ''Devitin akako, akun anecne matikano." ²⁸ Jisasi naumkimi umpekemi, mini bainta kada be bapac yeno, Jisasi sigimemi, ''Yikeni indemi seni amakaka uvaratekafu?'' Yeni sameno, "Eyo iyeno.'' ²⁹ Jisasi yen yukam ayogac uremi siyimemi, ''Yiken yindun munkinagon andakaci mini andandac ampamintemino," ³⁰ micnimi yen yukam diyemi. Jisasi yemi eram bayakikem siyimemi, ''Onarec maya iyebagac indino.'' ³¹ Afo mini bainta kada umacdepac mini bam siyime beno. ³² Fa mini bainta kada bami, afo, mana manda banuc upekam bainta avike Jisasi bapac yeno. ³³ Manda banuc mini bainta okike yankackami beni ani semi. 'Umacde yiduc dureni seno, "Manai Isralici micnugan abuc abac iye bakimi.'' ³⁴ Afo Farasiuc ano seni, ''Manda banucyic iyeno bemi manda banuc acnemino.'' ³⁵ Jisasi umacden anom maguva sito magu kika novami. Beni yenyic mam makikac bayayuc siyimevami, mam bayaic kindomi siyimevami, ara ara yic anene dukau kipayinkemi. ³⁶ Beni amuno yonarem bey arac yime, nevarai, yeni umantibac ayokukac iyem bami. Yeni sipisipigac dafitan bainta iyen yenkac ayogugic urem dafisemi. ³⁷ Beni beyic yokam baintauc siyimemi, "Yunam akami amucna ugami bemino, yogam baintauc kantan ugami be none. ³⁸ Era okamuke bananac, yunan Iyeno siyinkanayac maro unafoko."