¹ Afo, ban anom Jisasi m makasino vani Ayo Inta afapaci avigem bemi. ² Foti (40) nuram bac ayufum baci beni yunan orarem bakenimi, arani fugemi. ³ Ban anom yeraemi benani macnin siremi samemino, "Ena Kotin Aka bante mana oyuc sinanaci kamanic ino." ⁴ Afo Jisasi bemi macnin siremi yeraegem samemi, afantim macnin siremi santemino, banta yunankac ana eran manden iyem bantemino, afo umacdem baya Kotin ofenke yenim foni eran mandem bantemino." ⁵ Afo, ban anom bemi avikemi antekara ukam maku kimi maron demi mam mac amuntapac yani ukan naropaci maron ankaremi, ⁶ macnin siremi bemi samemi, "Ena Kotin aka bante makapac indac ono, nevaraino afantimi macnin siremi santemino, 'Beni beyic enjorouc siyinkanani enkac dafisintenone', 'yiyankimi kundondan yanic uraya onkac akar iyen arinonamino." ⁷ Jisasi bemi macnin siremi samemino, "Enayac bac macnin siremi afan yokim santemino, 'eyic Iyena Kotinic erar onaran iyevac amam makano." ⁸ Enayac bac, ban anom bemi avikem yanic ukara ukam makusapac maron demi mana magagekena maguyuci yocagemi, minikim ayoguguc banuc baci yocagemi. ⁹ Beni macnin siremi samemi, "Ena akon noyankac kundae senkac mam sinaci umacden anecne emi amenteumpe." ¹⁰ Jisasi macnin siremi bemi samemi, "Magake ec-e bono ban anono! Nevaraino, "afan yokim macnin sigemino Eyic Iyeno Kotinkac anavaci, mam sianke vaci benic yokaric ana ono." ¹¹ Afo ban anom yere ankemi, afo ensorouc yeraeni ofa eno. ¹² Afo Jisasi indimi Jonimi fakaman dumeno, Jisasi yere ec-emi Gariri makusimi bemi. ¹³ Nasareti maku yere ec-emi Kapenamic ovami, Gariri un non anakac, Seburuni magafac bac Naptari uyic iyena maka abanapaci. ¹⁴ Mini ampamim fani Asaia sirunka kaci yo kademi, ¹⁵ "Seburuni makafac bac Naptari makafac un nom benimpac oraekem Jodani non yankakemi, Gariri mapac ankum! ¹⁶ Ayufunkim kumandu ka keyon inin bainta iyena omi oneno, mini amampac kumante you yacbac, fuke you yimam benimpac, yenkim baci on kemi." ¹⁷ Mini yamuke Jisasi kotin avaya kugandem siyimemi semi, "Yindun baekago, nevaraino, inarum maku adekaci yevemino." ¹⁸ Micnemi Gariri, un non avafaci bemi kar untava, Saimoni ena avic Pitai, ben afac ava, Endru base un nonkimi karuc dami yonemi, yeni noyac amaram baintauc one. ¹⁹ Yenani Jisasi macnin semi, "Sen, sivakure, yikaci noyac fakeyoni urec banta yivigannagon yocyikano." ²⁰ Ese kugami mini baseuc yere reni bemi avakure benone. ²¹ Afo Jisasi migake bemi Jemsi nuc Joni nuc untava, Sebedi aka kanda yonemi, yeyic boti kimi yekanda yenyifo Sebedi namac base andukevan none. Yemi yarani, ²² ese kugami mini boti vac ye yifom bac yere ec-eni bemi avakure benone. ²³ Jisasi umacden Gariri, makafa yeukemi anom makukinka, kotin avaya inarum maku van sikam yiyimemi, ena ena yikuc kipa yinkemi. ²⁴ Benic baya Siria maku kinka boni mi, banta anasi umacden ena ena yikuc baka manda ayo inta yenkim ben yokeninuc Jisasi kipa yinkemi. ²⁵ Anon imin bainta Gariri keva Dekaporisi, Jerusaremi, Judia, baka Jodani meyan ofac bukenim maku kinka bemi avakure benone.