¹ Make mana banuram yimi, macdem yinon prisiu nama Kotinic yokam bainta namac anasi banta beyounic emambaya sireni Jisasi mandam fukintim danteno. ² Yeni nani dumureni avikeni Pairati yinoni ukampa avike beno maro Pairati kamani anoc bainta ayankim demi. ³ Afo mini Judasi, bena mandam banta yiyinkam dem, afo onami Jisasi ano umatim ofekami, beni andum baedemi afo kantam-manava siyankam monic yebaekem maro anom prisiu nama yokam baintau nama yimemi. ⁴ Afo emi, "aci seni manda andai eko mini beni umamba iye bam nare mandam yiram baintau yiyankim demi."Afo yeni seni, Momini nekac mayausa ukenafi? Yikenafo mini onako." ⁵ Beni mini monikuc mare maro mam mapai anecmi, afo yebaeke bemi, afo mapa bemi maro benafo nambam aremi. ⁶ Anom prisiu ano mini monikuc mandeni afo semi,"amankaci mini monikuc deyokim danonami, afo narekac ayac ukami." ⁷ Yeni mini baya manda manakim agankareni afo mini moniponi kare uwarenim makac ayac ayacureni enafate yevauni masifateho. ⁸ Momini indinta mini macka macni sireni avideno,"Naremana makai" sireni make mana nuram baci avideno. ⁹ Bani Profet Jeremaia sirami bakemi make mandam afotakic emi, semi sirukakeyonka munkemi. ¹⁰ Afo yeni yebaeke maka kave uwareyo uyi maka ayaeno, Iyeno senika munkemino. ¹¹ Make Jisasi ukukemi kamani okampaki emi, afo kamani Jisasin indaem "Eni Ju yic Kina befono?" bemi sameni," eni senamino," ¹² Afo mini anom prisiu nama yokam baintau nama umam baya siankami, beni ayabac iye semi. ¹³ Afo Pairati benan semi,"eni bayani emanan amofin eyone iye indenfono macdem umani enkimana denone?" ¹⁴ Afo beni yebaeke mana baya iyevac semi, kamani omare anon indirigugami emi. ¹⁵ Afo make anon omaki evayomi kamani yenyi anda banimi banta anasi uyic yiyintac karavusi utuc yinkeno. ¹⁶ Afo mini yamuci mandaic ukan evanin karavusi Barabasi bakemi. ¹⁷ Yebaku yomi Pairati semi iyena ecanam bintenafino? Barabasi nafi, Jisasi nana Kraisine seyofino? ¹⁸ Beni indigemi Jisasim fakaman umam baya bare sireni ben ayankim deno. ¹⁹ Beni koteyon siaga kumandugem bami, ben anac mana bayani bevapa semi,"Iyewa mana acnenei uankano beni umandaba iye bam baintaino kaimi baya onarukake kunai anon umani mareumpe. ²⁰ Make mini anom prisiuc namaci yokam baintau namaci banta anasi yirac ukukano bayayui, seni Barabasinac ecanam bino, Jisasina aruman fukono. ²¹ Kamaninic yokam baintauc yemi yindaemi,"yekanda kinke eyena ecananac, bintenafino. Sirani yeni seni "Barabasio." ²² Pairati yena bapac semi,'seni bemi mini nakac uankanuno Jisasi Karaine sirena avic deyone?" Yeni macde yebaeke seni, "Afo bemi kekac yasac aruman fukuno." ²³ Afo beni semi,"Ne umor anda beni uyinkenafi? "Afo yeni bacdumar acnureni eran bakukami reni, seni, "kekac yasac aruman fukono." ²⁴ Pairati mini onaremi beni mana anecneic iyen emi, afo umani kukareno, minomi banta anasi yukankac ayam nonoc emi, semi mana umani iye maranteumpe mana umanda iye bam baintai nare kuminaninka, yikenafo marago. ²⁵ Macdem banta anasi seni, Amamifo ecanacna yic." ²⁶ Mini beni Barabasim ecami bemi, Afo keka yasa arokovani Jisasim yafi yafi otenaremi yeniyankimi demi. ²⁷ Kamanimisondiau Jisasim avikeni yeyi opisi bampai beno. Oreni amuna sondianui manda baruyeno. ²⁸ Yeni ben ocgakena anene ayumandeni afo nare unambadoyami uankeno . ²⁹ Yeni aviyararem nantai kinu yinoka deyoni ureni wandeni anonka deno, afo ayac ukampaci noyam fakacakeno. yeni yickonocyam dunkucreni becontapiac yereni amaruankeni seni, Ayoku nurane Jiiusiuyic kinoc. ³⁰ Yeni bemi agano kuctiankenoc, amecma fakaruckakeni noyam yamponi mandeni anomi afanata eno. ³¹ Afo yeni mando avuava bemi ucakaremi, Yeni nare ucambado uankam mandac acnureni, afo beni ucnambado macdeni uankareni afo avike maro keka yasa aricranic beno. ³² Yeni afackeno, mini yeni ecrarucreni avikeni benacma mini kekac yacni marem bicnovare. ³³ Kolkotacke secyom mackusaci yeni yerenoc, mini avikukamic, "Acnom Ayampa Mackunic." ³⁴ Yucifeni waini nocmi yeninacnovani amenoc, Afo beni sito nacmaro onemic, beni iyecnemi. ³⁵ Afo yeni aci macro keka yasac bemi arumandenoc. Yeni beni ucnambacdo dacindeni mandeni kacti iyacranic ecno. ³⁶ Afo yeni kucmandenic benkac fanic dacfitenic backenoc. ³⁷ Bec acnompaci yeni benic avu awackugami simacdeni, afo seni "Manacmininoc Jisasi mini Jiusiuyic kininoc." ³⁸ Benamac kantam umom bainta kandavaci keka yasac iyeno, mana ben ayanukampaci afo ena ayanopaci. ³⁹ Afo mini kacma yanke beni bemi acnom akacyami siankeno. Afo beni yeyic nomi karucdeno. ⁴⁰ "Afo semi, Eni mam maci kankare kandac manavac nuram mana uwararare senai, enafo ayayono! Ena Kotin Aka bante maripo yasake makapac kumono!" ⁴¹ Yebaekem okam asacpate acnom prisiuc bemi uman siankeno, afanyo akareyo unamac acnaric ukeyou bakani, semi, ⁴² "Beni enoun nana yofa akemi, afo becnao beyani iyen ofaemi. Beni Israliuc yic kimi. Ecanam benafo keka yasakec kumino, afo mini namaci yenama benkimi sindum baekante yamumpe. ⁴³ Beni Koctin kimi indini anduni demi, ecanam Kocti macke bemi ofaino, afo Kocti manac indintackena emi ofa intemi. Benan semi, "Seni Koctin Akac ic beko." ⁴⁴ Mini asapatec umom baintauc be namac kekac yasac ma benamac beni manda baya benan semi. ⁴⁵ Afo maro yamar afac mana omandan tac acnom ayufumi umacdem makagac davaemi maro amaka mana siyam eriyewam afuka oraemi. ⁴⁶ Amanka mana siyam eriyewam afuavani, Jisasi eram bakukam demi afo semi, "Sentifo, Sentifo, sonanayac macnu sinkeyafono?" ⁴⁷ Minikai mana-a ukukake bakeni indeno, yeni seni, "Beni Ilaisami aremino." ⁴⁸ Akakaugami mayai iyayemi mana spansi maro waini nonkim daremi mini nomi, nanovani ameno. ⁴⁹ Afo umacdeukami yeni seni, "Bemi ecambano, Ecam banaya onano Ilaisa i yenac bemi ofaintenafi." ⁵⁰ Yebaeke Jisasi baduma anuremi afo beaumi demi fukemi. ⁵¹ Indeko, mam makim bakenim kamuna dakakemi anompate afendumpai kantakimi demi, afo anom makuni emi, afo anom onabanuci kogemi iraraemi. ⁵² Bam masikuci diyemi, afo amucna inimbainta feyukam fukake youni yuni dukakeyoni ukukamam anandeno. ⁵³ Yeni bam masikinke macpaci yeno, afo icnaemi beni ukukemi antekara ukam makusa undaeno, afo amuno oneno. ⁵⁴ Make mini amiuyic iyeno beyic amiuc namac omani dafitemi Jisasinkac beni onami anom makuni devami afo madem anecneuci afotaki emi, yeni anom fekarimeni macni seno, "Fugaukane mana Koctin Akakukamino." ⁵⁵ Amucna ininami Jisasimi Kalilike avakureni nenkai yeveni onevano. ⁵⁶ Miyiu sinke Meri Makdalani, Meri mini Jemisinuc Josepinuc yinoi, afo Jebedin akafandauc yinoi. ⁵⁷ Mo mini ayinkaci, mana monic bainta Arimatiake, avici Josepi, beyac bac Jisasini disaiporim bakemi. ⁵⁸ Beni Pailatin oman onaremi afo Jisasin ovani indaemi. Afo Pailati beyic yokam baintauc kani sirani mandan bemi ameno. ⁵⁹ Josepi Jisasin o mandemi, oyam efam kamunakimi ukemi ⁶⁰ Beni onacbami akefarem beyic bam masic uwanduka kenikimi maro demi. Afo beni anocna onabami abekaman bam masic onakaci uyacman eraruremi afo yereremi bemino. ⁶¹ Makdalani kena Meri namac ena Meri namac bam masic bami ena avafaci kumandu kakeno. ⁶² Ena nuram mini umom anaepai prisiuc iyenou namac Parisiuc namac Pailati namac yebarueno. ⁶³ Yeni seni, "Anon dafisiro, mini umac bainta fabanikac semi, Kanda manavac nuram anaempa seni yebaeke ukukanteumpe. ⁶⁴ Micnu kami yiyimemi, benic bam masickaga eran dafisirikac evanaci kanda manava nuranicino, micni iyeinami benic disaiporiuc ano yereni bemi umorinteno, banta-anasi seni, "beni aci fukintike ukukemi," afo inaemi umac andamano anonic kukami intemi anatacpacma ukakenin intemi." ⁶⁵ Pailati yenan semi, banta yibike marodayai bam masika eran dafisirikac oko. ⁶⁶ Afo yeni beni onabam onakaci yoman erareno, micnureni bam masika dafisinan baintauc yeredeno.