¹ Jisasi anasi bantau baga ben avakuro noyom siyimem. ² Siyimemi semi, afanyo agareyom baintauc baga farisiguc lo baya vani yigemi siyimei se , mosasi uwaragenimi. ³ Micnim mugami, yeni ne uwarano warac sinteyafo. Indireva uwara. Afo yeni ne avuava uwarante yafo, iye vaga yiva gunde uwara. Mini adandau uwarantego sire sinteyafo, iyen uwaranteno. ⁴ Umarugan deva andandauc anda ureni, anasi banta yifunta deno. Yenafuni, iyevac gugami mana yufacden mini andandauc kun doyinteno. ⁵ Yeni ne avoku andanda ucgac uware yafo, anasi banta yemana yona gowani indeno. Iyena yugam mukeni, yeyic iyagamana unambacdo arasa ic nani kuyeno. ⁶ Yeni iyena bantauc kumandeyom kack kuman diranana eno. Yunan neyom magusaga mam makinka namac. ⁷ Yunana andandauc ayac eyom magusinka yonareya yen avokuc yaraic eya tisa ne segowano. ⁸ Iyevaga areva se, 'Tisao' se, Eni mana tisam manan dukanami, yige umade sentifac tiva manan bami. ⁹ Mana bainta mana makaka avicdeca se, Senti fone sire iyevaga ic se. Yige yifo mi mana ukami dukami, beni inarumpaci bemi. ¹⁰ Tisam bage sire iyevaga se, mana tisam manan dukanami, mini Kraisti. ¹¹ Afo iye yigen yicbanampac iyeno benafi, beni yogam baintac mintemi. ¹² Iyec beyan yani intenafi, bemi danami mempankimi kumintemi, afo beyana dan kumi nane, bemi manda yani micteno. ¹³ Sigune siyinkego, afanyo agareyom baintauc baga Farasiguc kanyivan dukam baintauc! Eni anasi bantauc inarum ona munku yinkanami, enafu iyevaci umpeganonami, acdeka uriric ukeyou uyabac iyevaci. ¹⁴ , ¹⁵ Sigune siyinkego, afanyo agaregom baintauc baga Farisiguc kanyivar umunouc. Magagabe, non ugarebe, mana baintan afakare avigaran, afo afakare avike mare mani ure, embac kantanyaci ure mempa igamaguyic agagic mintemi. ¹⁶ Sigune yogam putinkegom dafisiruge, eni se, iye eni mam mac avi dare eram baya sefe, mini mana andanda iyemintemi. Iyec mini mam makim bam kori avidare se uwarantego se, mini indintagac eraruga. ¹⁷ Yugam puntingam manda baintauc! Inkeni iyena benafi? Korifi, mam macga micni uege gori manda antemande nafi? ¹⁸ Iye mini uwarantego sire agonke eyom kanda yasa siren sintenafi,mana andanda iye mintemi. Iiye mini amirukanani narokakema sem uwarantego sintemi, migaga era ruga. ¹⁹ Yogam puntinkan iniya baintauc! Inkeni iyecna benafi, yimi ganafi, a a kanda yasa agonke ugayi mandan yimigan mandan antec mandenafi? ²⁰ Micni mugami, iye mini uwarantego sire, agonkec in kanda yasac avidare sintenafi, minigim beni andandauc kaci uwarantemi. ²¹ Iye mini mam maka avicdarem, uwarantego sintena, iye mini gim benafi, miyinkaci uwaranonami. ²² Afo iye inarum avicdarem uwarantego sintene, koti kumandenin kac avicdare uwarantego sinona, minigim kumantayin kac ic sire sinonami. ²³ Sigune siankego, afanyo agaregom baintauc nama farisi kanyivar umunoc, anayo ginkena andandauc mandei, siyankan tinke manan kotin amanami. Afo yigeni aci iyena lo bayayuc ec acmi. Antekan avuavac uwaran baya yuga, banta daimim bayaya, banta avacbac im bayaya, erar indim maram baya. Avogugic minagomi, erarurema lo bayana avakurege. Afo ena lo bayayuc baga avakurogo. ²⁴ Yige yugam puntinkeko uge yigeni kipa magi mi, yuna kim baci, yomandan darani ami. Afo beniiyen onemi, iyena kemori yagam benic yunankim bami, mandemi nemi navitemi. ²⁵ Sigune siyinkego, afanyo agaregom baintauc baga farisiguc baga kanyivar umunouc!Eni nan neyom youc mapa i sesec uranami,afo anduntim mi mandauc ic utikagemi. ²⁶ Eye ogam puntinkan farisi! Nan neyom youc nare sesec urananac ic mapac namac mare ankegatemi. ²⁷ Sigunen tiyin kego! Afanyo agaregom baintauc namac farasi, kanyivar umunouc, efan bam masiken banami, mapaci avokufic uganami, mandan andantimi, fukam bayintauc yiyampau namac manda andandauc utigagemi. ²⁸ Eyac baci oganic muganami bantauc onan nani eni se seni auokui bego sanami fo, anduntimi kanyivar umunouc bac mandauc utikagemi. ²⁹ Sigune, afon yo agaregom baintauc baga farasiuc ga kantan yivar umunouc! Frofetiuc namac antekekeyou yic bam masi ic manda antec man avo kufic ano. ³⁰ Eni se mayau sifo unama bage yon kac ma bagenige, mayauni iyevac mana yofa urec frofetiuc yirotina ci. ³¹ Micnim muge mifo. Eyarara i sima esac de se mayauni frofetin areyom bainta aga fandauci beyamu. ³² Eni enanafu unam uwara yeyonuc ic mare manar amankagic anono. ³³ Eye memayuge, eye mema yuc yiga fandauc, inkenic ure kocti koctinanim nurami yeankante. ³⁴ Micni mukai, onano, seni mini frofetin a avoku indin dukeyom baintauc ba afanyo agareyom baintauc siyin karaunani empac yeno. Mana ca yirure ci keka yasa ic danakomi; mana ca mam makimi yafi yotenare ic afo magusinke difitamam mapac i danakomi. ³⁵ Benic aya ci micnin ugemi, eni mini ayac mara nonami mana magagac anteke fukeyom iniya baintauc. Eborin avokun bainta kacke yem Sekaraiya Berakiya agac, eni mam mac namac agonke eyom acbanac aronami. ³⁶ Fugan sirec samego, umaden andanda mage bam iniya baintauc kaci yintemi. ³⁷ Jerusaremi o, Jerusaremi o, frofetiuc empac siyinkaege raya eni onac bami yironami? Nacde yagac enaga fandauc oman yemar uegec managin dega fu, kokorima bey agaguc mandan bey ayan kin denini egac fu. Afo eni iyevaci eyo senami! ³⁸ Onano, en amaci mana amusimbac iyem bemi. ³⁹ Seni emi samego, iyevaci sonanonam mifo mini yamuc yina micni sinonam, iyenon avic tima yinono amoyaco.