¹ Ina rum makuc i maka afo kanac emi, banu ram bac i beyic yokam bainta uc yivic man ya kukusim demi. ² Inam beni mana Indiric ure mi beyic yokam baintauc manac urem ayac i ranni bemi sinyin kaman beyic kukusim demi. ³ Yebe kem bemic kandac mana awakac yokam baintauc yonam mi idol rike marketi kim ukukaka keno. ⁴ Yemi siyimem, 'Eyandoc baka ya unam kim bogo, ne anene anteke nafi,' seni emi amenteu yeni yokam tapac beno. ⁵ Yema nac bekem orem, mana yamare mana o mande awau, akac yebekem mana yaman iyeyevam omandem manai ukem. ⁶ Mana yacba i elevani awau yebe kem bemi, o yonami mana idorike ukukake keno beni siyimem, 'Nevara ka idorike kana ukukake kafo?' ⁷ Yeni benani seni, 'Nevara ino, mayaba yerem yokam iyem simi dukeno, siyimemi yike yac ba ka kukusim uro ko.' ⁸ Ayin kakic imi, yunan afo beyic dafisim samem, 'Yokam baitauc yarare meyam yimeno, inaempac kena araeke ontapa da.' ⁹ Yokam baintauc eleven awa kac yokam baintauc, namaci mana yiyac irememi. ¹⁰ Acnam yokam baintauc yeni indiekeni anomi maran teumpe indiric menofo mana yiyac irim memi. ¹¹ Yeyic yiyac mandare ye, uman indiri ic maka afon ameno. ¹² Yeni seni, icnayem yem yokam baintauc mana auwa kaci yokeno, yeunamac nama ci mana simiric monami yeu namaci anom uman yokam mare yamu so bunami anom aci sikemi. ¹³ Yunan afo siyimemi semi, 'Sikono, seni emi mana umar iyen amecu. Yikem meyam yimuna vani yimusin iye ekac? ¹⁴ Nec eninda benafi, mandare bac, eyic asac bono, senti indinta ic seni anantac yokakom van yarana yeyou namac inaem yeyou namac mana yimiric inrani indec umpe. ¹⁵ Seni sesic andadau gani iye onte gafu sentin da ugan acnecne uge? Afo emi aranke nafi. Sesic avoku anda uware kuna?' ¹⁶ Inain keno acnaric i nam mi, ananteno inacem mintem." ¹⁷ Jisasi Jerusarem mi uremi twelf fic a yokam bainta yivic mandarem ayana bemi siyimem. ¹⁸ "Onano Jerusaremi ic urontec yano,banta agac avic mani anom man yokam bainta bac lo baitauc yiyan kimi deno. ¹⁹ Yeni beni fukino vani sireni, acvimam mapac inin abasi yiyan kimi deni, manda uangeni yafi arureni maripo yasac aruman fukinteno, minukam mifo, beni kandac mana vac nuran yeu ukukantemi." ²⁰ Jebedin anac bey akac kanda, yeyim mandaremi Jisasi bapac i yemi. Beni akon noyam ankaremi mana yac ci andada vani indaemi. ²¹ Jisasi indaemi, "Nevara inde fono?" Micnuimi semi, "Sentika mana inta en ayan ukampa, kuman dinami, ena inta ayan opac kuman dinteno, enic masukim." ²² Jisasi siyimic demi, "Semi eni iyen indike sinda anam mi, eni amankaka senauna nomi antec fo?" Yeni sameni "Amankake." ²³ Beni siyimem sem, "Senti kapi kinke amami nano nami, afo siyan ukampa kumandin namac siyan opac kuman dini seni iyem yimenteuc, iyeuyinda bantenafi, afo sentifo antec yinkantemi. ²⁴ Ena kanyacman yokam baitauc indireni anon yiran anecne kar untava yimeno." ²⁵ Afo Jisasi yaraman bey acde demi semi, "Yikeni ona keka fono, mapac baintau ic yivam baintauc mandaic uyinkare yeyic eraruc yenaro deno. ²⁶ Manu kam avucavaka yinke kim iya bac kac bano, iye yiken yicbana pate dafisiric i rara fi, Eni enou yic yokam bainta nare vac o. ²⁷ Iyec yigenkinke anom bainta intenafi, beyac yigenyic yokam baintai kac ci. ²⁸ Micnu kami Banta Acka yimi faya yena i, beni banta anasi banana bam yaum marako bani yemi." ²⁹ Afo yena Jeriko yerere bomi, amucna inim baintam bemi avakureno. ³⁰ Afo mini aiyavafac, ogam dusinkam bainta kanda bakeno. Yekanda indemi Jisasi yanka kani, era rure ni areno. "Jisasi o Deviti akake, bende agun anecnec usin kano." ³¹ Umadem iniy acbasi yise seni, kapi nare bago, yevekeni erarure areni, "Jisasio Devitin akake, akun anecne usin kano." ³² Jisasi ukukakemi yarem semi, "Ne anecne yinken kanda uwan yinkanu?" ³³ Ye kanda seni "Iyeno, bende kara yevege onarare." ³⁴ Afo Jisasi anon agunic uyin karemi yokam ayoka emi, akakaukami yen yogam ayo kukic ini Jisasin ye avakureno.