¹ Poli, Koctinic ayinta Kraisi Jisasi nic yokam bainta namac, Timoty ikeunamac sivactiva, ² Kolosic Kraisin kim yindum munkuruke avakureyon afacava unam beyou. Koctinic avacbac namac nanayin namac yikenamaci bantemino. ³ Kocti, Mayausic Iyeno Kraisi Jisasin Afomi susu siankeci mayauni umacdem yamuci sugami munku yinkec umpe. ⁴ Yikena Kraisi Jisasin kim yindum munkegon namac Koctinic banta avacbac egonani mayauni indec umpe. Mini avacbac dukegomi yikenyic andanda inarumpac benim mararani erar indini dukamino. Erar indin dukec maram bayani, bani fugasigam mam bayani yikempac yici indemino. ⁶ Mini bayanano akami iremi umacdempac mana magagac anonic mom bemino. Mini indirec Koctinic avacbac onaicomi yikenkimbac micnimemino. ⁷ Yikeunamatsic mana yokam bainta, Epafrasin kimi mini avacbac onamino, Kraisinic yokam baintam bemi afoiyegam yikeunama kandac bakani yokemino. ⁸ Avacbac Spriti kim yimikeninani beni mayau sisimemino. ⁹ Mini avacba kar induna nuranke, mayauni saumbac iyen dec sugami munkuyinke umpe. Benic ayir onaic ir ayoguc indiruc Spiritikin uwikayinkano vani inan tiyinkec umpe. ¹⁰ Iyenon ogankac ayoguc biric evan ikenyic bantin ayoguc andauc ampaminac Koctinar indir andagin anonic ogo vani inantiyinkec umpe. ¹¹ Benic kagantim erar ugeve dafisir indiruc manar eraruyinkano bani sugami munkuyinke umpe. ¹² Sugami munku yinkec umpe, yimusin uwikaganac yikeunamac sifon susu siankago vani, benic kagantim be avakureyon iniya bainta maragovan sirukan andanda maragovani micnemino. ¹³ Anom manda anda ginge beni sivic egem beAgagic magusim demino. ¹⁴ Ben Agac kimi yikeunamac utuc sinkarem mandauc yomanam acnir anda bemino. ¹⁵ Koctin Agaci opac bam Koctimi amamackemino. Umacden andanda uwarantim beni acnaric mukemino. ¹⁶ Benkimi umaden andanda inarumpac namac mana magagac namac uwantemino, afotac oneyon andandava opatena namaci. Kinuc beyon maguva anon eranamac bana, yicnom baintava dafisiruc, umacdem beni uwandami benindam bemino. ¹⁷ Beni acnantapagi ukami, benkimi umacden andanda fakagemino. ¹⁸ Mana buic acnom beninic emi, beni anasi banta yicnonic mugemi. Beni okegeugam bemi oc intaino fuckeyon iniya baintaukim, micnimugami umacden andandagin acnaric mugemi. ¹⁹ Umacdem Kocti benim Jisasin kim bano bani Kocti arac ayokugic memi, ²⁰ Be Agac namac manam managinic uem unmacden andanda manam beyindac irani. Mana makagackena andandaukafi inarumpatena andandauc, Jisasinic nare maripo yasa bacyimponi Kocti umacden andanda manam managin demi manam beyindaic emino. ²¹ Ikeyacbaci, bani Koctin acnakac iyem bec ikeyic manda andagin namac indintim benic namukom bakegomi. ²² Mage benic fukintoni manam managinic emino. Micnurem yigem manar antecyinkanac, mana mandavac yikenkin iye banac benic indintac bago vani, ²³ Koctin kim eandun munkure be, manar erare, mam baya indeona yere ece iye beve. Ma mini bayani umacdem mana makagac kena iniya bayinta siyimeno. Mana mam baya foni seni, Poli, yokam baintaic ec umpe. ²⁴ Mage yikenan sinavisic mareguna simone umpe, Kraisin kim bauna foni mini sinavisic ampamemino, benic anasi banta baron sireci se sikeci manan decumpe. ²⁵ Koctin avaya amankagic ino bani anasi banta beyon, yenani Koctim pate mini yokan yici mandeci seni yokam baitac ukecumpe. ²⁶ Mana opatena bayani mana iniya baintauc yinda amucna orandekaci ayofagami. Mage benkac yindun munkeyo usaci afotagi emi. ²⁷ Mapac iniya baintauc ban yicbanac, yenkaci Koctini andanda opac bayagim benim onaic ogo bam Koctinic indin bami. Macnem Kraisi yigenkim banaci erarugec icnayem Koctin namac banagomi. ²⁸ Mayauni benani secumpe. Ayoguc indiruc namaci umacden iniya baintauc yeyikec daficde be Kraisin kim amankagic ugac Koctin ogankac yivikec birani siyimecumpe. ²⁹ Benic eranano senkim eran yokaric ici anicyocde minivani eran yokaric ec umpe.