¹ Pentikosi nuran yini, masicde mána mac kimi baguyuge bano. ² Yinduc dimi eran sisova a ganaci semi inarumpate kumemi, mini mac kim macdempac uvikemi ye kumante ban kimi. ³ Yeni onami sitoc iga acnegan kacnac kemi macdem mána mána inimbaintauc kaci oman kumandemi. ⁴ Macde yenkin Ayo Inta uvikaemi amankagic uyinkarani, yeni kugande ena ena baya ginken a seno. ⁵ Afo Yerusaremi magugim Yudauci bano, yeni Kotin kim yindun munkugeni Yudau yic lo avakuran inimbaintauc beni, macdem magafaten minigim yevano. ⁶ Sisova a gacnac sini indireni amucna inimbainta yeman managinic ugeni amucna indirici eno, nevarai, macde yeni indemi maya maya yen yivaya ginken a sevano. ⁷ Yemi anon yigan dani seni, ''Fuga ugane, manai Gariri inimbaintauci beni mayau sivaya iye indigaunone. ⁸ Nagac evagaci yigeunamac indegunayaci, yeni maya maya mayau ampamuna fatena baya ginke a seyafono? ⁹ Yeni Patia, Midia, Elamitiuc, namac Mesopotamia inimbaintauc namac, Judia, Kapadosia, Pontus namac Esia, ¹⁰ Frigia, Pamfilia, Isipi, Libia magafate bemi Sairini, Romi magufate bayu yevan inimbaintauga, ¹¹ Yudau namac yenyic man kim yindun baekau ya, Kritiuc namac Arabiauc seni, yenamac indegunani Kotinic eran yogaru gani mayau sivaya ginken senone." ¹² Macde yemi yigan dami, indiruc anana ini, ye yirani seno, "Manai ne andafino?" ¹³ Afo manaca amarure seni, "Yeni oyan waini anon narici urukenone." ¹⁴ Afo Pita 11 yogam baintauc namac ukukaemi, erauremi araren, yemi siyimemi, "Yuda baintauc namaga maside yigena Jerusaremi magugima ban inimbaintaugo, yigeni mana baya vac indego, mana anecne ampameninani yivigemi siyimentecumpe. ¹⁵ Mana inimbaintauci eran non iyen narukenone yigena micni indiric evantege, manai mage 9 kiroki banurami bemino. ¹⁶ Afo manai profet Joelin kimi bani sirukamino. ¹⁷ Icnaen yinanin nuran kinkaci,' Kocti semi, seni Ayo Inta bacyiranami macden inimbaintauc kaci kumintemino. Yigen yigafandauc, afon intauc baga aginta intauc baci profeti baya sintenone, fumarauc kainuc onani, ayogun baintauc baci kainuc onantenone. ¹⁸ Mini nuran yinanin kinkaci sesic senti yogar inimbaintau kac bacyiranan kuminani profesi bayauc sintenone. ¹⁹ Seni enac ugan anecneuc inarun kac yocyigeci, magagac mirikoriuc yocyigana onanteno, korana, igava, ikuni konan kacnaci urintemi. ²⁰ Ac keni baegen ayufunic inami, igona baegemi korani inami, mini acnaemi Iyeno yinani nuran yintemino. ²¹ Micnugami iyefi Iyenon avic devanayon inimbaintauc iye kipan yaumi maranteno.' ²² Israel inimbaintaugo, mana baya sena senuna vac indego, Jisasi Nasareti bainta yigenamac banin kaci, Kocti bema sankan yenimi mandan afotac uremi yigemi yocyigemino, Koti ben ayankaci anon yogaruc uvaremi, enac ugan avucavaguc bac mirikoriuc baci yigen yicbanac kim uvarevaci, yigeni miniuc onarukamino. ²³ Koti mini bainta yigen yiyan kimi demi, beni micnirani bani indiman bagemi. Bemi manda baintauc dunkin yasac iyem poni aruman fugeno. ²⁴ Fukagenin kinke Kotin bemi ukuka ankemi, bemi ecami fugintin anavisic iyem maremi, nevarai fugin bemi amankac fakaren iyem bantemi. ²⁵ Deviti benani sirukagemino, 'Seni Iyenon onaunami sen sacnagaci bami, nevarai, beni sen siyan ugampaci baci 'Seni iyem fegantecumpe. ²⁶ Micnugami sentirac ano amoyimi sentivan nano Kotinic avogugani siman fabaremi. Micnimi sen so vaci erarugemi dafisintemi. ²⁷ Eni ecanac seni fukam baintauc bam magusim iyem bontecu, afo eni ecanan enic Anteckan Inta bamasic kim mandaic iyen intentemi. ²⁸ Eni semi ayum fa beyom magufac a yotigarukanaci bonteumpe, afo seni en ogampac ukukagana amusimi uvika sinkanonami.' ²⁹ Sifactiva unano, 'Seni yigeunamac sinafu Devitinan siyimentecumped. Beni fugini masic enone, afo beni bamasic yigeunama namac fani mage mana nuram bemino. ³⁰ Micnugami, beni profeti bemi indingamino Kocti bemi promasic uankarami bagemi, micnuremi ben anavasinuc kinke mana benic magu mandemi kinic ino vani sirami bagemino. ³¹ Ne anecnefi icnaen ampaminanimi onarukagemi, Kraisi fugintinke ukukananinani semino, beni fukam baintauc yic magusim iyem banami, ben o minigim ampin iyen nantemino. ³² Mana Jisasimi, Koti yevegen ukuka ankemino, yigeunamac masicde onarec yami, indigecumpe. ³³ Micnugami, beni ukukemi Kotin ayan ugampaci kumantemi bey Afom pate Ayo Inta promasic uankarukagenimi mandukagenimi, beni bacyirukaci, mage yigeni oneci indamino. ³⁴ Deviti inarumpa iyen uremifo, beni semi, 'Iyeno sentic Iyenomi samemino, "Siyan ugampac kumantanagaci ³⁵ enic namugouc en agar agumpac mandan danavac ono.'" ³⁶ Micnugemifo, ecana masiden Israeriuc indego, mana Jisasimi Koti mandan Iyenonic uremi Kraisinic uman dami bemino, mini Jisasimi yigeni arurec dunkin yasa iyemino." ³⁷ Afo yeni mini indirami, yirac koc yimini Pita namac macden aposoriuc siyimeno, ''sifativa unano, mayauni inkenigac onuno? ³⁸ Afo Pita yemi siyimemi, "Yigeni maya maya yindun baecde gaci, Jisasin avic kin nom marago, yigeyic manda andauc ugicdegaci, Ayo Intaic ayac marago. ³⁹ Nevaraino, beni yigen namac yigen yigafandauc namaga, nenkac ban inimbaintauc namac amucna inimbaintauc Iyeno yarananiu yacbaci promasic uyinkarukemino." ⁴⁰ Beni amucna bayauc poni yankara ogo vani siyimemi semi, Yindun iye baecdukeyon inimbaintau garaci yankar ogo.'' ⁴¹ Afo yeni ben avaya indireni nom mareno, mini nurami 3,000 inimbaintauci yindun baegeno. ⁴² Afo yeni aposoriuc namac managim beni mam baya indireni, yugam mukure, breti kicdire neni Jisasin o dakaganan indevano. ⁴³ Macden inimbaintauc kimi anon fegani yemi, nevaraino, amucna enac ugan avucavaguc namac eran yogaruc baci aposoriuc yiyan kinke ampamevanone. ⁴⁴ Macden birivicon inimbaintauc managin baguyueni macden anecneuc dainde mareni, ⁴⁵ macden yeyinda aneneuc sarina ure monoc mandeni iroc an inimbaintauci yimeno. ⁴⁶ Mana mana nuram mam baya indirani mac kim baguyevano. Yeni ye yimac kinkac baci Jisasin o dakaganan indirani breti kicdire nevano. Yeni banta anasiuc namac yimusim mareni, avoguc yirac namaci yunanuc dainde nevano. ⁴⁷ Yeni Kotin avic yanic eni, macden inimbaintauc namac avoguc yirac kimi bano. Afo macden nurami Iyeno banta anasi yirac mandana yindun baecde yiyayin maran inimbaintauc yemani amucnaic oni urevano.