¹ Mage,sen sifactivauc, mayauyaraci yukam munku sinkako, Iyenon avaya agagaem binan yanic inayom, enkim beninic urene. ² Yenamackarac yukam munkec vanac manda baintauc namac ayufunkin beyon baintauc kinke mayau sivika. Umacdeva indirukeya ono. ³ Afo Iyeno sirenimi uvararic ana emi, yikem mana mana eran yimicdemi mandaucka ayogukic urem dafic yinkantemi. ⁴ Iyenonkimi yikenani indembec yaramumpe, yeunamac yigenkanda siyimuna uwararic manabac mini andandauc ogo. ⁵ Amankaci Iyeno yiken yindun mandekem Kotinic avacbakim beci Jisasin erarure avakuro binagomi. ⁶ Make mayauni emi samego sifactivaunam, Jisasi Kraisi mayausic Iyeno ben avitim, yikeni yicnainic mayau sifactivauyic bantim benafi miyiu banayompac iyen banonami, nec mayauni emi samegafu,minigaci banagomi. ⁷ Enafuni onanonami anteckam abucabac yeunamac uwarekuna. Baiya iyen indinayom baintauc namac yiken namac bantecu. ⁸ Mana iniya baintauc bampate yunam fa iyem mandec necu. Micnin mukaci, yeunamac ayufun namac bayankom namac enac ukam yokani yeunamac eramarari mecyaramu. ⁹ Mana yeunamac uwarekuna indini iye dukega. Micnimukaci, yeunamac mana uwarekuna onare eyabac uwarano. ¹⁰ Mayau yikeunamac beci, yeunamac yikemi siyimeko. Iyec iye yokantenafi, yunam iyevac nano. ¹¹ Yeunamac indunami manaca bani seni yiken yicnaimpac mandaic eyou yacbaci beno. Iyevaci yokeni eno yogampaci uyacyinkeno. ¹² Micneyou yani yeunamac siyimireci seci Iyeno Jisasi Kraisin iyevakac ecako, sacdagake yogam mareyaci yeyic yunam nako. ¹³ Afo ikeye sifactiva unam, iyevakaci ikeyindum ananaci ayokufic. ¹⁴ Mayama yogim sirukana baya iye abakurem mini onarevaci banamaac iyevac ba. Minim onarem ayorintem. ¹⁵ Bemi onamam namuko onaric iyevaco, afo eyafacavan onarikaco. ¹⁶ Iyeno beni yirac iyorini bemi benafuni yirac iyorin anda yikemi masicden yamuci namac masicde asapate yimintemi. ¹⁷ Mana sentic a yindini, seni Poli sesiyamkinke umacden afandecu mana agararic mecu. ¹⁸ Iyeno Jisasi Kraisinic avacbac ikeunamaci bantemi.