¹ Seni mam mackim acnaric ugeguno samenavaci eni Kocti ukacdanin iniyo enagafandaunamaci indeno, seni fuga sigenim bayayani segunai seyackagac segaune. ² Nevarafi, fuga sigenim bayani, mayau sindutimi benimi masicden nurami bananam bantemi. ³ Kocti yikeunamac Sifo namac Jisasi Kraisi ben Akac nama fuga andagim namac ayiranda namaci. Afo avabac namac, agun acnecne namac nanayin namaci, mayaunamaci bantemino. ⁴ Afo seni anonic murec simoyecupe. Enagafandauc kinke yonaunani fuga sigam bayani avakurenone. Kocti uwarano sigam bayani yikeunamaci simenine. ⁵ Seni mage anasio emi samego, oyan baya uwarano sigana sandar amegauno. Afo, acnantapac yigunamac indeguna bayani semi, ben ayin ben ayin onon sigemi. ⁶ Afo man Kocini ayinino, bayani awackurono sigankac uguke avakuron. Manai avakurono sigam bayani acnantapac indena bayanino, mini sigeninkac munkue bono. ⁷ Nevarafi amucno mackasim baintauci magacmagac benono, yeni Jisas Kraisi mana makagackena bugim yenim bayani ayompenono. Miyi makasim bainta namac umac Kraisi namaci bemino. ⁸ Esac dafiseno, yikeunamac yokeguna andandauc eni micnage oyogenone, afo eni minigac anon ayaci maranonamino. ⁹ Iye o'anariure bu kipantano waya. yemi Gotimi yen yirapim buwa. ¹⁰ Jisasin awaya iye sevanani en amapac yina, avicman naumpa iyevacde a iyevac andeno. ¹¹ Iyec bemi ayandintenafi, benic manda yogani ofaemi. ¹² Seni amucnabayani dukeci avanafac afan sararani indec upo. Afantilmi iyendantego. Iye indeno evanafac yerec en ontin aneci enama anisentecu, ¹³ ugackam onanan akafandauci, emi ayandeyo.