¹ Anon rafisiru yigenti ami makaunave, sem, iyemano Jisasini fugim waya maro siteye. ² Seyu Gotini watanasi rafisefa, minugafo eno intayika emi, ugamifo eyi ayika, Gotini emi ofaugafo bu agayeno intintano intagana wa. ³ Anom waita yi ure Gotini watanasi mante mempapa irano. Minugagana amani ono. ⁴ Minugami anom waitayu sima fawarem, emi ikipam awa- awa maranonam. ⁵ Manugam ayipim, yige fumara wata anoniurega yideka wago. Madeyu unamwado yigeure yira nampa ben ofa ofa ogo. Nayeyara avi yani evayi mante magapa ratem. Magapa en auranonam manta yani item. ⁶ Minugami eyau rana magafim kumina, Gotini abogu ayamano manta yani-i. ⁷ Eni umanti beka marora, nayeyara eka rafiakewemino. ⁸ Rafiseve amona! eni namugo, wananomi afa iyananta en arure narantemino. ⁹ Amakukupim erarure be manta magafim da. Emi amakukum watanasi manayom umanti marevemono. ¹⁰ Sitoka au abisi-i maranona, Gotini maside awa-awa, bemi Gotini awa-awa nako arem, bemi eranti amem aboguakem. ¹¹ Bepimi bantano eranti. Fugave. ¹² Semi amonaman Sairasi atekan afa awave, minugami agaragem dem semi ake nampa sasameupo fuga Gotini awa-awa. ¹³ Babiloni kena inim, Goti avidukam, avogu waya Maki nampa siyikem. ¹⁴ Enon ayir anta mano yigepim ba. Ara faru yige nampa watene Gotini watanasi.