¹ Mini ayipike emose anasi wate enawafu amenapaga wano. Minurate mana'a waita a'mose. Iyintewanu yeninama yi antaga abusitem. ² E'ana fawari eni awogu anta yu . ³ E'ana Mana magagakena eyage mante burano. ⁴ Au wunam mante avogu anene mose iyaka wananim mante aupem dano. ⁵ Wafa ateka anasiu Gotipim intidukam. Mini wafakem awafu amenapa wam. ⁶ Mini ayimi Serami awakurem awafu amenapa bem awafu nanti seti anonave sem. Magemi banaga'i wamino emose awogu anta mose awakureve bu fegate. ⁷ Mini awafakem yige wata yu yige yinama nampa manafim ba. Awogu anta uwarano. Minuran mana anene yigenti auga mukinti bu uyagatem. ⁸ Kipanta made yu , mana intika ana wanagom,awagaraem, eno ayiranta watem, eno agunari inonam. ⁹ Yigemose sawi uyike wagana, yigemi yewagege mini buyogo. Savi waya yiyike wagana, ami isego, yige mini anta nako ami isego. Goti wapa yuga mukure sina yofaino. Goti yigem yarem minurage asumi marago. ¹⁰ Iyemose mana magagakena anene ayigara ewate,awuru uyade savi waya yu buseno. ¹¹ Savi anta yu yerarena awogu anta awakurino. E'ana awogu anta afakarem awakurino. ¹² Gotini augami awogu anta ewam ininabaga bem, ben agagam yeka bem. Bem bu awakurewam ininawa'i Gotimi yeka augam bumagevemi. ¹³ Emose awogu anta mose ewate ,iye emi savi uwakatene. ¹⁴ Emose awogu antafike umamare wate, amoyonam. Mana anenega fege waya bu fegano.. ¹⁵ E'ana anonami enarapim wano. Made nuram rafide bega mana wayi mose yerave intaem naugaya Gotipim amakukum dukeve. Avogu anta nampa uwarago. ¹⁶ Awogu inti nampa wagana enomose en savi uwake wayim agayeya ritem. Naye yara mini enanti sawi anta ewana intiri item. ¹⁷ Awogu item, Gotini ayika umamareve avogu anta ewate. ¹⁸ Jisasimi seyuyani kumi mante fubuga. Bemi mana kumi wa iwam waita seyuyani kumi mantem fubem seyuya sivigem Goti adeka yem. Wata yimaka bem fubem, Aiyo agagi urem itavem. ¹⁹ Awogu awamu nampa bem Goti nami sawi awamu wapim maru yiyimem. ²⁰ Noani kanaga Gotina mose iyinte'e yom . Noami sipi uwarewa kanafim, Gotimi eiti'a ininaba yofaem. ²¹ Manami wayegam wayamino. Minugami Gotimi awamupim yivigemi. Nom mara anta mano senuti kumi manta buratem. Minugami Jisasimi kumipim yema fubem senu aya urem afo'e ayan ugapa bem. ²² Jisasimi Gotini ayan ugapa bem. Inarufa untavem Ankero yu, yogaru nampa eranti bem manta amitem.