¹ Pita, Jisas Kraisinic aposoli yogam bainta, yige Koctinic anasibanta ma Pontus magusina, Galasia magusina, Kapadosia magusina, Esia magusina, Bitinia magusinkac yerere manamana ugecma anamuruke baugani semino, ² Iyeyaufi Kocti mayau Sifonic indintac ma ugackauni, Ayo Intanic antecgam yogamfo antekec Jisas Kraisin avaya indec avakurinagom. Afo Jisas Kraisinic nare mano yigemi sesecuyinkanac i Koctinic avacbac bac nanayin avucavac yigenkim uwikagaracintem. ³ Kocti yigeunamasic iyeno Jisas Kraisi Afon avicgac yanic-uga. Beyic anon agun anecne kimi oyam aun yimicdem avuguc bantim mandan singkemi Jisas Kraisim ma fugintingke ukukamfo. ⁴ Afo beyic oyam aum ma yimicdukami mandac iye-evam iyevac kipananim aumi. Mini oyam aumi Inarumpac i yikarukami bemi. ⁵ Iyeuyafi Koctinkim erar indiruganauni Koctinic eran yemi davac uyinkarukanami ovegema yivigananiyi sesecuremi bemi mana maga ma kipananim nurami facbarintem. ⁶ Mini avucavackugarac anonic urec yimoyogo. Micnugemifo, sitoc yamuckama umana maranagonkim bagac yimoyoyi. ⁷ Umana yevami yigenyic erar indir ugorin avucavac i fogasiregac ugoregafe mini onarani umani ecam yemi. Mayausic erar indiricure ugorin avucavac i korivac i arugemi. Nveraino, gori i igagac ukarambac i maro mandac emi, afo yigeyic erar indiricure ugorin avucavac foni Koctin anon avic aminagomino, Jisas Kraisi ma yinanin nuram. ⁸ Yigeni bemi iye onacdukec i benani yiyigarac emi. Magevac ben iye onacdukec i benkimi yindun mungkamino. Afo anon amusin anecne yigenkimi uwikaci amangac asinagonic iyen-em. ⁹ Yigeni aci mage maramino yigenacosake yigena erar indiricom foni, mini i ovegem ma yigen yivicdukanan. ¹⁰ Profetiuc afakamani avoguguc i enone ovegem yivigan avucavac kan, mini avabac ma yigenindac i naninan. ¹¹ Nenuranac yintenafi neavucavacgac facbarintenafi Kraisinic Ayo Inta yekima bayi mano yiyimevami Jisas Kraisima marananin umaruc. Afo icnama anon avic marananin nandembaci yiyimemi. ¹² Mana bayai profetiuc kaci facbaremifo yeyaran yofairara seyaune, iyeino, yiyen yofairani senone. Mini anecnegugan sirukama mage yigemma Koctin avaya siyimauna siyimicdukane Inarumpake Ayo Inta ma kumenin foni. Ejoruc baci mini anecneuc onarani yiyigarac emi. ¹³ Micnugemifo ecananac yigenyic idini anauganagac i dafisegac yigeyic nirugac mandan antegagi. Mini avucavacfo yiyeyic erar indir mandan iyakagicurec dafisevami yigenkac mini avacbac iyi, Jisas Kraisima afotagicuema ovegem yinanim nuram. ¹⁴ Anagaguc ma ana indanic uregac ani indirec bago. Iyevac o-ic manda ayiruc avakuro. Feni oc-em bantim beci avakuragegomi. ¹⁵ Afo yigema yararukayi i antekaracugam Koctin bemi, micnugemifo masicden anecne uwaranonagimi antegaciga. ¹⁶ Yokimi santemino, "antegaragac ugano neveraino seni antegarac iugecumpe." ¹⁷ Yigeni yigen "Yifove" sirec arayive beni mayamayanic yogam dainden onagarac evagin bemino. Micnugemifo magema yigena bane enafakena ininacbasima enafac birana fegantinke anon indiric ugama onigac ogi. ¹⁸ Fena yigeyic yinafu-unana yeyic manda baruc yereyimicde bugacma avaguram avucavagugan. Yigeni indigamino korivac silva kacnac maro mandac evam anecne foya yigemi yiyac-ugenaino. Iyeino. ¹⁹ Krasinic avopguc nare fonino. Beni namom ben ogac iyevam avoguc sipisipi. ²⁰ Mana maga iyevam yamuckimi Kocti acnarugami bemi ugacdukagem. Afo mayauna basuana yamukim maga maro kiparar evankimi Kraisi yigeunamacgare sirem facbarem yofairam. ²¹ Bena facbaruem yofaim foni yiyeunamac Koctin kim indigarac ecyamu. Kocti bemi fugau yicbanapake ukukangkaremi anon avic amemi. Micnugac i yigenyic erar indin bac indintim bam ayini Kontin kimi dukami. ²² Fuga bayama avakuron foni antegarac-omi. Afo fuga sigam ayin foni agona ayiangkanonami. Ena ayiankarare amugukingeva ayiangka. ²³ Yigeni aci yevegec oyanic ugamino, yunanyuma maro mandac emac kipevam yunanyum foyaino, iyeino, afo fa avoguckac bam yunanyum fonino. mini yunayumi Koctin avayai. Mini bayai aun dukemi fanana bananim baya. ²⁴ Nevaraino, "masicden ininbaintave yenyic bani atayagacnaci ugemi, afo yenyic anon yivic i yunankingena farawam kacnac i ugemi. Atani acyankanami farawami fafasintemino, ²⁵ afo Iyenon avaya iyevaci kipantem. Mana i Koctin avaya yiyema yiyimic-dugam.