¹ Iyemose amakukum Jisasi Gotin aga, iyewa ben afoe ayem inaniyim be anim ba ayitemono. ² Nayeyara seyu intage seyuya enom yiyeteyare Goti agafanta. Goti ayeya beni kagadukam waya awakurofa. ³ Minimi Gotini aiyintino: Minugami beni kagadukam waya rafima soke ofa. Mini kagadukam waya mano umanti enom bu ameno ⁴ Madeyu iye fawarugano Gotipike mana maga manoni eranti aruga. Gotipim agabeya yimakukum eya beni eran nampa mana magani eranti yakagaruka. ⁵ Iyewa mana maga manoni eranti yakagagene? Yemo yimakukm emi semi Jisasimi Gotin aga ino. ⁶ Mini mana iyantano yiga nopim ba narefim: Jisasim nopim mana bu yiga, nopim ba narefim yiga. ⁷ Miniga kamorea waita bemi bena siga. ⁸ Ayomi, nomi, naremi.Mini kamorea mano mana yirakauga. mini kamorea mano mana waiya mana siga. ⁹ Seyuya wata semwaiya inteya, Goti sinanim waiyami wata awa yakagatem. Nayera benanim manoka ana sitem. Iyewa amakukum Gotin agapim ugayi benanim bepim wa. ¹⁰ Iyemo amakukum buinaniyi Goti muna waitave siga, nayeyare bepim amakukum buem ben anipim sim waiya. ¹¹ Waiya sima fawarewayi manamino. Goti yimiduka avoguka bam aumi. Mini aumi benagapim Jisasipi ba. Iye jisasi rukayi aumi maratew. ¹² Afo iye Jisasi burukayi aumi bumaratemono. ¹³ Mana waiya agante yigepa dege amakukum Jisasin avipim ugayi, yige omanta inte mareuno iyaka wanuna. ¹⁴ Minugam Gotini ayinti awakureya mana anene yanti intanim beyi ayika intarem amitem. ¹⁵ Minugami, seyuya omare amone Goti seyuya nanti intevem- Nayeyanti intainam amone inteya naye wafi intaina ofanami marateya. ¹⁶ Iyemose amonanam en afa kumi uwantukagana mini kumi ano fugika buakem, bemi augam mukinam, Goti aumi amino. Kumi ewayika sire sewauno, benam augam mukino busewau. ¹⁷ Masidem savi antami kumi ino, mini kumiano fuginta bukipatem. ¹⁸ Seyuya intaga madem watanasi Gotipim watanasi raka, yemi kumi anta bu awakurevemono. Ive. Goti rafima soke emino benaga wami, Wananom ayam buratem. ¹⁹ Seyu intagafu seyu Goti agawafu, minugam mana maga wananom amamenapa. ²⁰ Seyu intagafu, Gotin aga, aiyiga intinti seyuya simewa. Minigaya Goti amonama sokeofa. Goti nampa agabega Gotin anim Jisasi. Jisasi fuga Goti, bemi aum bama anantare banaum afoe. ²¹ Setigafantao masidem muna Gotika nepa wago.