¹ Iya'ontano semi waiyami agante se'i, emi kuni buyono. Afo iyemo kumi'item mana yofaim waita Jisasi Goti aga awana waita bemi yofaitem. ² Jisasi kumipike yividuka yewa yegem masidem mana magafim wam waita nasi. ³ Seyu bewapa beyami benati iteya beni ake waya fakafa. ⁴ Mana wayi semi Goti nanti intevege sevemi beni waya bu awakurem beni munatirem fuga bepim buvem. ⁵ Iyemo fuga waya fakanayimi fugafua sirem i Goti benampa watemi. ⁶ Semo Gotipim wate'i beni sagaga anta kaga nofa bemo wan antaga nofano. ⁷ Inta auwem akewaya agante ame'u, wafa waya samuna emi intaga. ⁸ Ena auwem ake waya agate'i ame'u fuga jisasi yige nampawa, aiyufumano bewami, sagatano yiga. ⁹ Mana waita bemo oka bege sevemi beyafa wam bu ayievem bemi ayufupim fabemi. ¹⁰ Iyemo beyafa awam ayinaniyi bemi oka wanani mana anene bu ya'akatemi. ¹¹ Iyemo beyafa awam ara umanti ame wayi bemi ayufupimi novem naugane, ayufumano augam futituga, anene yui bu amonatem. ¹² Semi emi iyotano suno naugane yigenti kumi'i anonamanoni avipim, yiranano. ¹³ Semi aganta watayupi rauno, emi inta anata agoyaraga sunave,fumara waita satani eranti yakagaga. ¹⁴ Yige watayu intaga. Fumara wata eranti ruka. Gotinami yigeyirapi wananomi eranti araruparuka. ¹⁵ Buwa mana magafimba aneneyu aye, iyemo mana magafike anenemo ayitemi bemi Gotini buayitemi. ¹⁶ Maside mana magafike yiga, aumi buamite Goti pagibuyiga. ¹⁷ Mana mini maside manamagafike ayiru, iyauvitem Gotini ayiga wayi Goti nampa bugipa aum maratem. ¹⁸ Iyaontano araganonafim intanami muna kasi nampa waitayu yiteye. ¹⁹ Yemi senupike bugam waita yu yago fega senu nampa buwa yentago fega. Yemi muna waita mono. ²⁰ Emi ayomi mantaga emi fuga waya inta epimwa. ²¹ Semi emi yuaga fuga waya yu intarukana minugami muna wayamano fuga waya item. ²² Iyewafi muna waita, Jisasi nanti semi buwane sewayi yemi muna waita yumono. Item waita mano semi wata aka buwane ²³ sinaniyi.Goti benampa buwatem. ²⁴ Emo anata intana e's ana epimiwa. mini wata aka Goti amonaga. ²⁵ Mini kaga waya siga bemi bukipa aumi yimiduka. ²⁶ Waya agantem semi iyemi abigena iya ayipim bitenafi. ²⁷ Emi asumi amemi marana Gotini ayo e'ana epim bena ofaurem agatitem. ²⁸ Bepim erarurega wago beyi kanaga yinanim simoyeveya ageya uroteya bepim bubeya sigayeya marateya. ²⁹ Emo intanam bemi ategana masidem seuba atekam antafim auweni ugeya wafa.